من روائع بدر عبد المحسن

[ولد العلقمية]

[grade="FF1493 8B0000 800080 0000FF"]دم الأطراف

اتعب على المعنى ... ويسهرني القاف
ويلذ لي تجريح....... عذب القوافي
والى مزج حبر القلم ......دم الأطراف
يصير لي معنى على الناس خافي
عندي معاني الشع....ر تلمس وتنشاف
أنما جرحك الشعر.. ماهو بـ كافي
وانما لمس في القلب احساس واشغاف
عدّك كتبته فوق..... رمل السوافي
لاتحسب ان البحر...... موج ومجداف
ترى قليل البحر..... ماكان طافي


ضيعت الدليل

كل ماقفيت........ ناداني تعال وكل مااقبلت عزم بالرحيل
وكل ما أجنبت واعدني شمال ياأهل الحب.. ضيعت الدليل
الحقيقة...... غدت مثل الخيال هو عدوي.. وهوأغلى خليل
شفت انا الظلم من بعض الدلال يجرح.. القلب لوكانه جميل
اشهد ان الهوى..... مابه عدال هو خلي..... وأنا قلبي عليل
وكل ماقلت له.... ياابن الحلال المحبه عطا...... وانته بخيل
التفت لي وهو عجل...... وقال لذة الحب.... في الشي القليل


بسمة الضي

انا حبيبي...... بسمته تخجل الضي يكسف سنا بدر الدجى من جبينه
راعي العيون السود في رمشها في وان سلهمت ذاب الحشا من حنينه
له نظرة....... لاهي سراب ولامي راعي.. الهوى تفنى وراها سنينه
نور الصبايا.... بسمة الدار والحي نوره.. ولا شمس الضحى تستبينه
دامه معي.. اغلى الحبايب فأنا حي بالقلب.... اضمه يوم قلبي ضنينه
له في ضميري من لهيب الوله كي روحي معه عذب المناجي رهينه
ياصاحبي.. لاتنشد الروح عن شي انا حبيبي........... نور كل المدينه


سافري
سافري كان يرضيك السفر جربي ل وورى ليلي صباح
بدلي الرمل بأمواج البحر واتبعي الغيم تحملك الرياح
سافري لين تبكين المطر واضحكي لين مايضيق البراح
ولاتعبتي وحسيتي بضجر خلي الشوق لديارك جناح
انتي العين من طول النظر وانتي القلب من كثر الجراح


لاتجرحيني

لاتجرحيني جرحك العام ماطاب داوي بحنانك مامضى واجرحيني
ياللي حنانك نظرة بين الأهداب ردي علي بعض العزا ناظريني
خافي على قلب يحبك الى ذاب ذاب الهوى في قفقته والحنيني
لولاك مازار القمر ليل الأحباب ولا لوحت شمس المحبه جبيني
ولولاك مايلفي على الدار غياب ولاتبكي اللي فارق الدار عيني
في غيبتك كل الملا عندي اغراب ماأحد ابي قربه ولا احد يبيني
لا ياغلا كل الغرابه والأصحاب ضاع العدل في الناس لوتظلميني


وداعة الله

تفداك روحي..... يامفارق حبايبك وفداك عمري... راحتي وابتهاجي
كان الجروح... اللي بقلبي سبايبك انت الذي... بارجى حنانك واناجيى
طيفك الى مازارني... كيف اعاتبك ياساكن..... وسط الحشا ومتلاجي
انت العذاب.... وكيف انابك اعذبك يامن جرحت القلب جرحك علاجي
الله حسيبك قمت انا أحمل مصايبك وأنا الغريق...... وحامل هم ناجي
وداعة الله...... والسلامه تصاحبك حلفت مااعقد في وداعك حجاجي


أبي النسيان

تذكرت وابي النسيان........ الا ياخل ساعدني
انا مالي ورى الذكرى الى مات الأمل خيره
انا ودي على الفرقا......... حبيبي لوتعاهدني
والى شفتك تصد ولاتجيب لما مضى سيره
تخير غير هذي الأرض.... مكان به تواعدني
تخير لك مكان صعب أعرف فيوم تقديره
عسى الجرح الذي يد*** أشوفه عنك يبعدني
أنا اللي اكرهك وأحبك شعور صعب
حسيبك يالهوى الظالم...... حسيبك لاتعاندني
بيلقى صاحبي غيري وأباالقى في العرب غيره


للعمر احبك

لليل احبك..... مابقى في السما نور والي ضواني الليل... للصبح احبك
واللحظه..... اللي كلها عند وغرور اشوف قبري بين ......عينك وقلبك
في صدري ..سراج حزين ومكسور رغم المطر.... والريح شلته بدربك
والله....... مابه غير لوعاتي قصور وخوفي عليك الله....... ربي وربك
ماابي جهد ابني على صمتك جسور لاحيرتني..... اسباب سلمك وحربك
العمر احبك...... مابقى فيني شعور والى جفاني العمر.. وشلون احبك


القاع .. والمسافة

أنا احبك...... مابها زيف وخداع رغم الذي نخفيه........ واللي نخافه
اودعك...... لو الألم لحظة اوداع الى مضت...... ننسى الألم والحسافه
وأفارقك..... لو السفر يم وشراع وبعد الفراق........... اللي نوده نعافه
لاصار مافي البعد.. راحه للملتاع بالله.......... وش نفع التعب والكلافه
من الجفا والصد... يكفيني اذراع لاجف نهر الحب......... ماتت اضفافه
أملي يدك رمل وترى هذي القاع ومدي النظر تدرين وش هي المسافه


مابقالي قلب

مابقالي قلب... يشفع لك خطيه ذوبته جروح... صدك والخطايا
صاحبي...... بالله لاتعتب عليه العتب....... ماعاد تاسعه الحنايا
كل جرح فات.... لي منك هديه وش بلاك اتخاف من رد الهدايا
الله أكبر..... كيف مالك مقدريه وكل ماتحمله..... من همي بقايا
لاتمنيني....... سراب المهمهيه القراح اليوم...... مايروي ظمايا
وان غدى للحب في قلبك شظيه وش يقول اللي غدى قلبه شظايا


واخيرااااااااااااااااااااا
قدمت لكم باقة من عشر قصائد وكل قصيده لها لونها
وتعبيرها المميز عن الاخرى واقبلوا هذه الباقه مني لكم[/grade]

[الشاعر]

[align=center]مشكووووور ولد العلقمية
على المشاركة بروائع البدر
لكن اسمح لي بالتنسيق فقط[/align]
[poet font="Simplified Arabic,5,purple,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
دم الأطراف

اتعب على المعنى ويسهرني القاف=ويلذ لي تجريح عذب القوافي
والى مزج حبر القلم دم الأطراف=يصير لي معنى على الناس خافي
عندي معاني الشعر تلمس وتنشاف=ان ما جرحك الشعر ماهو بـ كافي
وان ما لمس في القلب احساس واشغاف=عدّك كتبته فوق رمل السوافي
لاتحسب ان البحر موج ومجداف=ترى قليل البحر ماكان طافي

.................
........
ضيعت الدليل

كل ماقفيت ناداني تعال=وكل مااقبلت عزم بالرحيل
وكل ما أجنبت واعدني شمال=..ياأهل الحب.. ضيعت الدليل
الحقيقة غدت مثل الخيال=هو عدوي وهوأغلى خليل
شفت انا الظلم من بعض الدلال=يجرح القلب لوكانه جميل
اشهد ان الهوى مابه عدال=هو خلي وأنا قلبي عليل
وكل ماقلت له ياابن الحلال=المحبه عطا وانته بخيل
التفت لي وهو عجل وقال=لذة الحب في الشي القليل
..............
.........
بسمة الضي

انا حبيبي بسمته تخجل الضي=يكسف سنا بدر الدجى من جبينه
راعي العيون السود في رمشها في=وان سلهمت ذاب الحشا من حنينه
له نظرة لا هي سراب ولا مي=راعي الهوى تفنى وراها سنينه
نور الصبايا بسمة الدار والحي=نوره ولا شمس الضحى تستبينه
دامه معي اغلى الحبايب فأنا حي=بالقلب اضمه يوم قلبي ضنينه
له في ضميري من لهيب الوله كي=روحي معه عذب المناجي رهينه
ياصاحبي لاتنشد الروح عن شي=انا حبيبي نور كل المدينه
..............
........
سافري
سافري كان يرضيك السفر=جربي لو ورى ليلي صباح
بدلي الرمل بأمواج البحر=واتبعي الغيم تحملك الرياح
سافري لين تبكين المطر=واضحكي لين مايضيق البراح
ولاتعبتي وحسيتي بضجر=خلي الشوق لديارك جناح
انتي العين من طول النظر=وانتي القلب من كثر الجراح
...........
.......
لاتجرحيني

لاتجرحيني جرحك العام ماطاب=داوي بحنانك مامضى واجرحيني
ياللي حنانك نظرة بين الأهداب=ردي علي بعض العزا ناظريني
خافي على قلب يحبك الى ذاب=ذاب الهوى في خفقته والحنيني
لولاك مازار القمر ليل الأحباب=ولا لوحت شمس المحبه جبيني
ولولاك مايلفي على الدار غياب=ولاتبكي اللي فارق الدار عيني
في غيبتك كل الملا عندي اغراب=ماأحد ابي قربه ولا احد يبيني
لا ياغلا كل القرابه والأصحاب=ضاع العدل في الناس لوتظلميني
.............
........
وداعة الله

تفداك روحي يامفارق حبايبك=وفداك عمري راحتي وابتهاجي
كان الجروح اللي بقلبي سبايبك=انت الذي بارجى حنانك واناجيى
طيفك الى مازارني كيف اعاتبك=ياساكن وسط الحشا ومتلاجي
انت العذاب وكيف انابك اعذبك=يامن جرحت القلب جرحك علاجي
الله حسيبك قمت انا أحمل مصايبك=وأنا الغريق وحامل هم ناجي
وداعة الله والسلامه تصاحبك=حلفت مااعقد في وداعك حجاجي
............
........
أبي النسيان

تذكرت وابي النسيان الا ياخل ساعدني=انا مالي ورى الذكرى الى مات الأمل خيره
انا ودي على الفرقا حبيبي لوتعاهدني=والى شفتك تصد ولاتجيب لما مضى سيره
تخير غير هذي الأرض مكان به تواعدني=تخير لك مكان صعب أعرف فيوم تقديره
عسى الجرح الذي يد*** أشوفه عنك يبعدني=أنا اللي اكرهك وأحبك شعور صعب تعبيره
حسيبك يالهوى الظالم حسيبك لاتعاندني=بيلقى صاحبي غيري وأباالقى في العرب غيره
..............
.........
للعمر احبك

لليل احبك مابقى في السما نور=والي ضواني الليل للصبح احبك
واللحظه اللي كلها عند وغرور=اشوف قبري بين عينك وقلبك
في صدري سراج حزين ومكسور=رغم المطر والريح شلته بدربك
والله مابه غير لوعاتي قصور=وخوفي عليك الله ربي وربك
ماابي جهد ابني على صمتك جسور=لاحيرتني اسباب سلمك وحربك
العمر احبك مابقى فيني شعور=والى جفاني العمر وشلون احبك
................
..........
القاع .. والمسافة

أنا احبك مابها زيف وخداع=رغم الذي نخفيه واللي نخافه
اودعك لو الألم لحظة اوداع=الى مضت ننسى الألم والحسافه
وأفارقك لو السفر يم وشراع=وبعد الفراق اللي نوده نعافه
لاصار مافي البعد راحه لملتاع=بالله وش نفع التعب والكلافه
من الجفا والصد يكفيني اذراع=لاجف نهر الحب ماتت اضفافه
إملي يدك رمل وترى هذي القاع=ومدي النظر تدرين وش هي المسافه
..............
..........
مابقالي قلب

مابقالي قلب يشفع لك خطيه=ذوبته جروح صدك والخطايا
صاحبي بالله لاتعتب عليه=العتب ماعاد تاسعه الحنايا
كل جرح فات لي منك هديه=وش بلاك اتخاف من رد الهدايا
الله أكبر كيف مالك مقدريه=وكل ماتحمله من همي بقايا
لاتمنيني سراب المهمهيه=القراح اليوم مايروي ظمايا
وان غدى للحب في قلبك شظيه=وش يقول اللي غدى قلبه شظايا

[/poet]

[إبراهيم المحياوي]

يعطيك العافيه أخوي ولد العلقميه على هذه الروائع لمهندس الكلمه البدر
وتسلم يمينك على حسن أختيارك في هذه الباقه

[ولد العلقمية]

مشكور اخي الشاعر على هذا التنسيق الرائع
وشكرا اخي راعي البل على التواصل