مايرجع الماضي اللي فات **** لاتذكر القلب وتفزه

[عبدالرحمن القاضي]

هذه محاورة قديمه جرت مع الشاعر حامد المعبدي

القاضي

كانت لنا فالهوى جولات**** يوم الهوى كان في عزه

كأنها اليوم ذكرايات **** يشعر بها القلب وتهزه

حامد

مايرجع الماضي اللي فات **** لاتذكر القلب وتفزه

ولازال باقي منه بصمات **** تسهم في رفعه ومايعزه

القاضي

يوم أفتكر ماضي الأوقات **** تغلب على القلب وتكزه

وتجعله فاصعب الحالات **** تقرب وتبعد منه حزه

حامد

لاتصير لأوقاتكم شمات**** وقلبك على الغلب لاتلزه

يبقى لكم فالعمر حسبات **** باللي تيسر معك جـزه

القاضي

قلبي له سنين في معانات **** من جور الاسباب تهتزه

لو كان نبضه معي بثبات **** ماكان هذا الامر هـزه

حامد

لو كان سعيت فالحروات **** قدام الاسباب لاتجزه

مايحيد نبضه عن العادات **** مهما به سهوم مرتزه

القاضي

بيني وبين السعو لزمات **** واعرف مواطيه من غمزه

لـكنها تعـودني دقات **** تحـايل القـلب وتدزه

حامد

لو سعيكم في صلاح الذات **** وتعرف متى توصل الهمزه

ماكان تحصل لك الازمات **** اللي عليك أخلفت رمزه

[المعلم]

أحسنتما
مراديد جميلة