عزيزة يا بيوت الطين لك وسط الحشا منزال

[إحساس المشاعر]

عزيزة يا بيوت الطين لك وسط الحشا منزال




يشوق العين شوف اللي بقى من شامخ الاطلال = وألاقي في سككها كل ذكرى عشقها غالي

أسوق اقدام شوقي للبيوت وخاطري مازال = يعيش بشوفهن ذكرى طفولة تحفظ آمالي

عزيزة يا بيوت الطين لك وسط الحشا منزال = امرك واترك دموع الغلا تحكي لك احوالي

عبدالله سليمان العمّار

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
يا زين وقتٍ فات يا ناس زيناه = يوم البيوت أثله .. ولبنه وطينه

بيتٍ عليه العلم لا قام مبناه = تقول نازلةٍ عليه السكينه

مشرّعٍ بابه ومن جاه ينصاه = ما هوب وقتٍ كلنا خابرينه

فهد بن علي الحبيب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ
راحوا رجالٍ عمرو الدار تعمير = بالطين واللبنه وشد الأخشاب

لا فيه لا عامل ولا فيه تزوير= كلٍ يشمّر عن ذراعه يالاحباب

حمد عبدالله الوايلي - حوطة سدير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
بيت الحجر والطين تصميم الأجداد = عندي يساوي ناطحات السحابه

فيها الوناسه .. والتواضع .. والاجواد = رمز الأصالة .. والصدق .. والنجابه

علي آل زولان الفيفي – بيشه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
استاد من فوق الخشب يبني إجدار = من الطين واللبنه وبيديه يبنيه

هذا تراث أجدادنا فيه تذكار = ذكرى لجيل اليوم لا شاف ماضيه

محمد إبراهيم الفهيد – الزلفي
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
عاد البنا بالطين من يوم الأجداد = يوم البنا بالطين لبنه وطينه

فوق العروق معلمٍ صار واستاد = قدم البيوت اليوم ذكرى وزينه

عبد المحسن بن محمد المحيسن – رياض الخبراء
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
يا ما حلا البنيان ويا زين ذكراه = يا ما يذكّرنا عصورن قديمات

هذا تراث جدودنا ما نسيناه = هذا هو التاريخ في ماضيٍ فات

محمد بن عبدالعزيز الخنيفر – أشيقر
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ











،
،











،
،











،
،











،
،












( رجاء عدم الرد ,, تبقى بعض الصور )

[إحساس المشاعر]

،
،











،
،











،
،











v
v
v

أخيراً لكم هذه الشيلة ,, شيلة نسيتي المزح بالقبه كلمات احمد الناصر اداء عمر الطواله

https://www.youtube.com/watch?v=IuA048yfJdg

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ

وأتمنى أن المشاركة تعجبكم ,, حاولت تنسيق الأببات ما قدرت , في مشكلة بالهاك
لي تقريبا شهر وأنا أحوس في النت أعمتنا الشاشة ,, وأنا أبحث عن صور تراثية
لي فترة وأنا أشتغل على موضوع خاص بالتراث أول ما أنتهي منه راح أحطه هنا

لكم التحية

[المعلم]

نتمنى لك مزيدا من التوفيق
كم هي ممتعة مواضيعك
كيف لا وهي من احساس المشاعر