يللي ماتستحي ياليتها بركت عليك

[بشير]

بالصدفه كنت فالسياره وجبت قناة امب فسي المعفنة ولا العادة الحمد لله اتسمع على قناة القران
المهم اتصل واحد ابله غنوج سمج
الو ه
المذيع بكل سماجه الو
السمج بكل غنج = ممكن اشارك
المذيع = طبعا اكيد يالله اخلص منو انت
السمج = قبل ما اشارك ليش الكنترول يكرهني
المذيع = افا ليش
السمج معصب = من العصر اتصل والكنترول (( ساحب السيفون على أمي ))
المذيع = اشوه اللي ما سحبوه على ابوك هههههههه موسيقى ناااااااااعمه

على طول حوقلت وسكرت الرادي حسبي الله ونعم الوكيل الله يهديك يابزر تستخف دمك ويعننك تبغى تكون مهضوم ولو أشكالك ما ينهضموا ولا بوزلين ومكلف نفسك ومتصل
يخص عليك اتفووووووو يا معفن هذي جملة تقولها على أمك وجبت الكلام لابوك
ياناس تسمعوا المتصلين والمتصلات فالرادي ولا فالتلفزون تتمنى يكونك جنبك وتهبدو فظهروا بزنزير بسكليت مقطوع ومصدي
يارب تهدي شباب المسلمين

[ألم قلم]

بشير حبيبي طيب هو قليل ادب وما يعرف يتكلم ما اختلفنا كلامك صحيح
بس يااخي وش ذنبنا نقرا (يخص عليك اتفووووووو يا معفن هذي جملة تقولها )
اعرفك ارقى واكبر من هالكلام
تقبل مروري
اخوك الم قلم

[المنص]

انا سعيد بطرح يابشير وابشر بالخير يازعيم

[البندر]

وياما فالقرب ياحاوى
بشير هذول اشباه الرجال
لاحول ولا قوة الا بالله

[المعلم]

ياناس تسمعوا المتصلين والمتصلات فالرادي ولا فالتلفزون تتمنى يكونك جنبك وتهبدو فظهروا بزنزير بسكليت مقطوع ومصدي
يارب تهدي شباب المسلمين
أخي بشير
دمت بخير وموده

[بن عبدالإله]

وما خفي كان اعظم ...
شكرا لك اخي المحبوب بشير ....

[رحال البحر]

ايوه صح حتى انا سمعت السمج ههههههههههههههه

[صمد عاصي]

خكري يابشير وش تبغاه يقول

[نسيم الليل]

قول يالطيف يابشير
الجهل ترى وانا أخوك يخلي صاحبه يدربي كلام مايعرف معناه

واسمع كلامي ترى هذه المحطه تجيب الطرحرح واتغم القلب من الأشكال الي تتصل والغنج
الي تسمعه فيها سواء بنات ولا بزرين

[عبدالله الفايدي]

يارب تهدي شباب المسلمين

[سلاف]

الأذاعــــــــة أصــــــــلآ قائمـــــــــة من وراء هذه النــــــوعية من المتـــــصلين .....

[محب الموروث]

[align=right]انت نكشت موضوع المحطة وأقول محطة مع كل اعتذاري واحترامي وتقديري لمحطات البنزيم .. وصادق فللي قلته وكمان اللي علقوا بيه الاخوان ..
شي يغثي القلب يارجل .. وهدارة وبتولة وحروله فالكلام شي يقرف ..
وجايبين مذيعين ايش أقولك بس ..
فيه وحده مسويه يعني يعني انها مذيعه وماانت عارف كيف تحرول الكلام .. مره تتكلم يعني انها لبنانيه ومتربيه على التفاح وتقوم تعفصها عفص وتجيبها بنواها .. ومره تسوي نفسها أماراتيه وتجيبها بطريقه ( بس كيف أوصف لك ) وتقول لما ترد على المتصل ( منوووووو وييااااييييييا ) وكم مره يرد المتصل يقول ايش تقوم تقوله ( مننننوو ويااااايااااا ) وحاله .. لكن هاذي ماتخجل؟؟ ..
والمتصلين فضاااايح وعالم عرر ويتغنوجوا .. أقولك يابشير هي زززربه وانفلتت منها الغنم .. فضحونا فالقنوات الفضائية وفي الاتصالات ورسايل الشات ماتشوف الا ربعنا .. وشركات الاتصالات شغاله ياليحي ياليحايوما ..
أما الأغاني ... يييييييه ... أحييييييه .. تفووووووه ..
ماتسمع الا هذاك ( طالع من قبر ) اللي زي الوزغه .. قرفنا .. وشغال يسرق من الفلكلور ويقول الحانه والام بي سي مسوياله سوق .. حتى الخبيتي حقنا سرقه ويقول الحانه .. وماحد يمك .. والا راشد الماشد اللي صوته يصرصر ونفسك لما تسمعه تتناول تليك من حقت بيت الما وتريح نفسك من ابووردان .. وواحد اسمه علي بن محمد مدري حسين بن محمد ( نسيت اسمه من كترهم ) المهم سمعته مره يغني كلمات للمريخي عن ذكريات المدرسه وأيام المدرسه وهو يغني ( على أساس انه مبسوط من الذكريات ) يقوم بصوته النساج يعني انه يبغى يبكي ويقول ( نروح المدرسه بدري اي اي اي ونخبي علبة الطبشووووور ) وودك تجيبله رشمه وتقوله أحيييه يامرد الحنطووووور ..
والا خالد عبدالرحمن .. يييييييه .. هذا عالم تاني .. وعنده جمهور ( كلهم من عينة الزرب اللي يتصلوا بالمحطات والقنوات ) ومطلعينه فوق مستوى أكبر فنان عربي ولو تقول للواحد فيهم ان خالد عبدالرحمن مايعرف يغني وعنده نساج (وهاذي حقيقة واسألني ) يطيروا فيك ..
وبلفقيه خلاص خرت وقام يجني على ماضيه الجميل وصار مع التيار الراجل المعرعر وينتفض لما يغني وجايب ولده ويقلده وشي ايش اقولك بس يابشير ..
فين طلال .. صوت الأرض وقيثارة الشرق .. نفسي اسمعه وانظف سموعي .. لكن راحوا اللي يقروا ..
وعلى فكرة الملحن عدنان خوج أخذ شهادة الدكتوراه من السوربون ( خلي بالك من السوربون في فرنسا يعني أعلى مستوى أكاديمي للفنون في العالم ) على فن طلال مداح .. ويقولوا ان الفرنسيين اللي ناقشوا الرسالة كانوا مدهوشين من صوت طلال وألحان طلال .. ويقولك أخذوا حوالي نص ساعه بس في تأمل روعة لحن ( سلام لله ياهاجرنا .. في بحر الشوق وماله قرار .. خساره البيت جوار بيتنا ولاترعى حقوق الجار ) .. ويقولوا انه عدنان خوج قدم رسالته لأكاديمية الفنون في القاهرة ورفضوها وقالوا له قدم الرسالة عن فنان مصري .. مع الأسف ( بعض وليس كل اخواننا المصريين عندهم عنصرية ويفكروا ويتعاملوا بمعقولية ستينيات القرن الماضي .. الله يهديهم وبس .. أهو الراجل يخوانا ربنا فتح عليه وخذ الشهادة من القمة .. ماتصحصحوا وتتلحلحوا بقى ..
خلصت الفاصل الاعلاني وأعود للأم بي أم اربعه واربعين سي دبليو اكس .. ام بي سي .. اعفي صي ..
والله يابشير يطول الكلام .. ترى قلبي مليان من هاذي المحطة والتعكير اللي عكرته وخربت المزاز وضيعت الفن واعطت المجال للحثاله يفضحونا واللي يسمعهم يفتكر اننا كلنا كذا .. سود الله وجيههم ..
لكن لابد نكمل الهرجه ولابد يجي مجال لأني طولت كذا ..
وفمان الله .
.[/align]