لحن بيني وبين الشاعر الكبير عايش الدميخي

[الريفي]

اخواني الاعزاء
هذا اللحن دار بيني وبين شاعرنا الكبير عايش الدميخي قبل خمسة سنوات تقريبا






محمدجمـيـل الـريـفـي=

سعيت وانـا معـي سنجـار =اختـاره القلـب سنجاره

في طمـة البيـح والاغـزار = قفـى ولانعـرف اخـبـاره

عـايــش الـدمـيـخـي=

قن الرفق لابتـدا المشـوار = يحكـم مسيـرك ومسيـاره

ومن هو راى فالطريق أخطار = سنجاره يكون فـي جـواره

محمـد جمـيـل الريـفـي=

انا في ريس البحر ماحتـار = اقدي على النجـم بانظـاره

لكن الـذي فالقطـر مقطـار = مدري عنـه ويـن مقـراره

عـايــش الـدمـيـخـي=

البحـر قالـوا عنـه غـذار = وكل يوم نستكشف اسـراره

ومن كان مثلك حريص وبار = عند العرب ويـش معـذاره

محمـد جمـيـل الريـفـي=

وضحت لك فـأول المسعـار = وتعرف دجى الليل واطـواره

اخشى عليه الخوي اضـرار = قـدام لايكـمـل اسـفـاره

عـايــش الـدمـيـخـي=

سألت لك ناس اهـل الكـار = يـدرون بالبـحـر وادواره

قالـوا اذا النوخـذه بيطـار = وقت الخطر يشعـل انـواره

محمـد جمـيـل الريـفـي=

أشرت مـالاح لـي منـوار = ولاعرف مسيره من ابحـاره

لاتكبني فـي عنـا واطـوار = وانـا اتوجـد عـلـى داره

عـايــش الـدمـيـخـي=

ان ماخويـك بـدون انـذار = عـود مقـره ومـصـداره

ابحث عنه فشاشـة الـرادار = والـقـط اشــارات راداره

محمـد جمـيـل الريـفـي=

حال المسـاء واللهود كثـار = في هبـة الريـح واخطـاره

بيناتنـا حالـت الامـطـار = ارسـل ولايلقـط انــذاره

عـايــش الـدمـيـخـي=

لاشفت عارض مطر وغبـار = ومهما الخطـر زاد مقـداره

اعطي سلاح الحدود اشعـار = هذا اختصاصـه ومضمـاره

محمـد جمـيـل الريـفـي=

نوهت لـك بالدليـل القـار = عـن زُرق الابيـاح واوزاره

مامديـه يرجـع ولايـنـدار = يخشى على حـي مختـاره

عـايــش الـدمـيـخـي=

من كان عنده عزم واصـرار = وعارف البحـر واغـواره

لاصادفه فالطريـق اعصـار = سكّب ولايعاكـس اعصـاره

واليـا سلـم والله الستـار = يبحث بقـوة مـع انصـاره

وعن صاحبه يسأل المـرار = ويجيب الاخبـار مــراره

وياصحابـنـا سامحـونـا

[القالط]

اخي ابو اروى لله درك
انت وابو طلال
دمتما مبدعين وانتما كذلك

[المعلم]

سلمت أخي محمد جميل
وصح لسانك ولسان الشاعر عايش الدميخي
لحن بحري بامتياز
دمتم بخير

[الريفي]

الاخوة الاعزاء
ابونواف وابوخالد
اشكر حضوركما العطر وكلامكما العذب والذي يجسده سمو اخلاقكما دمتما بخير وحفظكما الله من كل مكروه ومتعكما بالصحة والعافية