يا سعد بن مسعود كساب الأذكار ** كيف العمل بالّي رماني بترميش

[ابو نايف]

الأستاذ الشاعر سعد الهلولي السلام عليكم ورحمة الله وبركاته انت وجميع الإخوة في المنتدى ومساك الله بالخير وإليك هذه الأبيات :


[poet font="Simplified Arabic,4,black,normal,normal" bkcolor="tomato" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
يا راكـب اللـي كـنهـا وحـش الاقفـار = أسرع مـن الطيّار في ضمة الريش
تنصى لابن مسعود في وقت الأسفار = مـع هـبة النسناس لحـرك الغيش
ترفـع علمهـا لأجـل وافــين الأشبـار = كـسـابة النومـاس نطاحـة الجيش
تلـفـي عـلـيهـم بعـد مـا شـبـوا النار = في مجـلس مـا يدهـلـه ولـد للديش
تلـقـى دلال بـهـروهــا بمـسـمـار = ومهيلـه تجلـي عـن الراس تدويش
سـلـم عـلـيهـم ثم بعـديـن الأخـبـار = شغل جهـاز البث واشبك لـه الفيش
واضبط له الموجه على صاف الأقمار = عطــه العـلـوم مفصلـه دون تفريش
يا سعـد بن مسعـود كسـاب الأذكار = كيف العمل بالّي رمـاني بترميش
عينـه تسـم الـروح يا سـحـر سـحّـار = سحرني المجمول في سحـر بلبيش
تصـافـقـت بيبان قلـبي كـمـا الطـار = أثري ضعيف وقلبي مثلي درويش
يا سعـد بن مسعـود كسـاب الأذكار = كيف العـمل بالّي رمـاني بترميش


[/poet]

[ضمن السناني]

سلمت ياأبو نايف

على الروعة

وين أبو مسعود

بس لايقفلها بالشيش

[هاني البلوي]

[ALIGN=CENTER]

الله الله

شاعرنا القدير / ابو نايف

صح كلك

قصيده من وفي مسنده الى وفي

سلمتم

تحياتي[/ALIGN]

[سعد الهلــــولي]

ابو نايف الله يهديك وش هالبلشه
تحراني الحول الجاي يصلك الرد ان عشنا
اقولكتدري استلم لا هنت
والمعذره عن التقصير ولا عاد تعودها

[poet font="Simplified Arabic,4,darkblue,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
يا مرحبا بالخط من حيث ماسار = ترحيب شاوي بالبروق المراعيش
عناه أبو نايف لنا قبل الأسحار = والصبح جانا واضح بدون تشويش
سجيت مع قافه على يمين ويسار = ولياه مشكاه العيون المراييش
يا عادل اثقل لا تعديك الأفكار = لا تتبع بالعشق درب المرابيش
لا تنجرف بالحب وأنت من الأبرار = يشغلك عن دينك وعن لقمة العيش
هاذي نصيحه وأنت لك عرف وأبصار = وأن ما قدرت تقفل العلم بالشيش
لا يضيق بالك يا ولدنا وتحتار = حنا سواة الشمس جلاية عميش
أن كانها تاتي بدرهم ودينار = سقنا لها لو ما بقى عندنا قريش
وأن كانها بالجاه ووجيه الأحرار = جيناه عنوه ما ندز المطاريش
وأن ما تجيك ألا على الموقف الحار = تبشر بفزعات الرجال المداغيش
نستفزع الجهنان من كل الأقطار = من طارفة شجوى ليا حرة حبيش
ونجيبها لو بعدت دونها الدار = لو هي بسد الترك حمر الطرابيش
هاذي علومي وأنت يا الصاحب ا ختار = ما قلت لك هون ولا قلتلك ليش
ماني مدور عنك لفه ومعذار = ما دام اعرف انك منزه عن الطيش

[/poet]

[ابو نايف]

الخال والأستاذ سعد الهلولي
السسسسسلالالالالالالام عليكم ورحمة الله وبركاته وبعد

والله ثم والله إني عارف إنك راعيها ما قصرت قدها وقدود وين تبغى تروح شبل من أسود ولاني عايدها .
وترى يا خال ما هو تحدي ولا إختبار أنت فوق هذا كله عندي وعند غيري لكنه شيء خطر على بالي وما لقيت غيرك أقولها له لأجلي عارفك .

تقول لي بتنتظر حول كامل الله يهديك هذا وأنت ما انتظرت كيف لو انتظرت تبغى تسكتني العمر كله .
شكراً على هذه القصيدة

تحياتي تحياتي تحياتي

[الطريف]

[ALIGN=CENTER]يا سعد بن مسعود كسـاب iiالأذكـار كيف العمل بالّـي رمانـي بترميـش
عينه تسم الروح يـا سحـر سحّـار سحرني المجمول في سحـر iiبلبيـش
تصافقت بيبـان قلبـي كمـا iiالطـار أثري ضعيف وقلبي مثلـي iiدرويـش
يا سعد بن مسعود كسـاب iiالأذكـار كيف العمل بالّـي رمانـي بترميـش


اسجل اعجابي الكبير بها


قصيدة رائعة وجزلة


لك مني ارفع تقدير[/ALIGN]