لاتســــــولف لي

[عبد الله الطلحي]

[poet font="Simplified Arabic,4,black,normal,normal" bkcolor="white" bkimage="" border="double,8,black" type=2 line=200% align=center use=ex length=0 char="" num="0,black" filter=""]
~ لاتسولف لي ~

لاتسولف لي عن الهيل والدله=والغضى المشبوب والليل قمّاري
وإجتماع الشمل واللعب والفله=وقاف غنيته وغناه سماري
كلما اقبل داعي الشوق نقبل له=يوم كان الهم ماله معي طاري
كان قلبي كل همه رضى خله=والخطر قادم ولااحدٍ عنه داري
مادرينا لين ضاع العمر كله=في هذاك الليل يوم القمر ساري
خل ذاك الوقت ياصاحبي خله=وإن قدرت إنسى زماني وتذكاري
كان راسك يعشق الكيف مامله=عفت أنا كيفي ومركاي ووجاري
وعفت وقتٍ ماحماني من الزله=ولارفع بين الرجاجيل مقداري
والصديق اللي هقيته على المله=يوم طاحت خيمتي ماستر عاري
والمحلّى بالذهب صافي السله=لاقضى ديني ولااخذت به ثاري
خان كفي وإنكسر قبل ماأسله=واخسارة يوم أنا بالغلا شاري
وكل صاحب في اللزوم إختلف دله=لاولد عمي فزع لي ولاجاري
لاتسولف وانت داري عن العله=السوالف كلها ماطفت ناري
كان مريت العرب من نشد قله=إن لقيت إنسان ينشد عن اخباري
قل لهم ياعزوتي ياهل الحله=مادريتوا ؟ ( صوروني وانا عاري )


عبدالله الطلحي

.
[/poet]

[ماجد أبو مديدة]

[ALIGN=CENTER]الأخ العزيز الشاعر الأديب عبدالله الطلحي
بصراحه شديده واقولها وكلي فخر انك مكسب كبير لهذا المنتدى
ها انت تعطر المجالس بشعرك وقصائدك كما عطرتنا بهجينياتك
وايضآ احب ان انقل لك شكر اخي الشاعر فريج ابومديده
فهو متابع جيد لمجالسنا اول بأول ومتابع لجميع ماتكتب
اخوك ماجد ابومديده[/ALIGN][MARQ=DOWN][ALIGN=CENTER]اللسان الصريح[/ALIGN][/MARQ]

[خواطر]

[ALIGN=CENTER][/ALIGN]

[عبد الله الطلحي]

ماجد أبو مديدة


بصراحه

أنا من يعتبر معرفتكم مكسب

والمشاركه معكم فخر


وصدقني إن قدركم عالي وكل يوم يزيد

بسبب كرمكم اللا محدود وطيبكم النادر



شكراً لكم

والشكر لايكفي



.

[عبد الله الطلحي]

خواطر


عندما تمر الخواطر ... تثمر قصيد

وعندما تمر خواطر... تثمر ورود ورياحين



شكراً لهذا المرور العطر






.

[ضمن السناني]

الأستاذ والشاعر القدير/ عبدالله الطلحي

كان مريت العرب مـن نشـد iiقلـه
000000000000000إن لقيت إنسان ينشد عن iiاخبـاري



لله درك من شاعرٍ


لله درك من شاعر

فقط أيها الغالي حضرت لأسجل إعجابي وخانتني كلماتي

[عبد الله الطلحي]

الغالي / ضمن السناني


مرورك من هنا يعطر المكان


وكلماتك تثلج الصدر




شكراً ولاتكفي


.