" مشوار عز "

[عبدالعزيز الشاطري]

[poem=font=",6,green,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] ابني قصيدي .. كل ما يرتفع بيت=فزّت له حروفي وشدّت فالاطناب
وْصارت تعلّى في فضاها وتعلّيت=والكل منا يزحم النجم باعجاب
تسبق وانا اسبق بعض الاحيان وفزّيت=وْحطيتلي باعْلى نجم فيه مرقاب
ماياصل الا قرم لامن تعزويت=يرقى العوالي والردي شافها وهاب
وْعلقت لي في كل نجمٍ تعدّيت=أروع قصيدي بالذهب نقش وخضاب
اقواهن القاها على كف عفريت=واقرب من شداد المطية للاركاب
واسهل من اللي جا يسلم وردّيت=يوم انّها تصعب على عكف الاشناب
واهونهن اللي يوم وصلت تغنيت=وْفلّت جدايلها .. لها النجم لعّاب
وْحين انتثر من لهفتي به تذرّيت=وْغارت نجوم الكون ثم جتني اسراب
غطى سواده ظلمة الليل ولا ريت=ضيّعتها واستوحشت فيّ الاعصاب
لولا المزون اللي بشهدها تغذّيت=وْلولا ثغرها بان من ضحكة الناب
مزيونةٍ لو رحت عنها لها جيت=وْهي ماتبى غيري ولا غيرها ناب
في طرفها الأيمن خذتني وتواريت=نخفي مشاعر حبنا خلف الاهداب
وْفي طرفها الأيسر خذتني وتمشيت=نقطف زهور العشق لين الهدب ذاب
من بعدها حالي انكشف لو تتقّيت=كلٍّ قرا القصة ودوّن لها كتاب
وْعوّدت مع دربي .. على الغيم مريت=ودي اشوف البرق خابر له اسباب
ضحكة مزون تصطفق دون توقيت=تنثر بردها والشفق وسطها غاب
وْجمرة فراق من بعد ما تهنيت=نارٍ توقد فالحشا والرجا خاب
يكفيني منها بسّ لا من تدفيت=خفّفت عن نفسي همومي والاتعاب
وْحوّلت مع غيثٍ على ديرةٍ ميت=يسقي منابتها من سهول وهضاب
واسقي عطاش الحرف مما ترويت=والحرف لا زيّنت منشاه لك طاب
وامشي مع دروب المعزة .. تقديت=بالفكر مع خوة مْهوّنة الاصعاب
خوّة رجالٍ فالزمن جالهم صيت=ماينكسر خويهم لو بها ارْقاب
مشوار عزٍّ من مشيته توليت=نظم القوافي لين صارت لي ثياب
ماهي سوالف فوضوي لا يا بالفيت=وْلا هو تمني .. والأماني لها باب
لو التمني ينفع الناس يا ليت=ابقى على طول الزمن والعمر شاب
واعبد إلهي كل ما اصْبحت وامْسيت=حتى أفوز بمغفرة رب الارباب
وان كان ذا ما صار لا ماتمنيت=وْضاعت حياتي فالهوى والعمر شاب[/poem]


وسلامتكم[/align]

[المعلم]

الله يسلمك
وصح لسانك

[عبدالعزيز الشاطري]

سلمت اخوووي وأستاذي المعلم

وصح بدنك ولاهنت ع المرور الوافي يالوافي


تحيتي لك

[أبو سفيان]

أنت رائع يا عبد العزيز

ما هذا الجمال وهذه الشاعرية المنتفضة ، السلسة ، الجذابة ،،

تواريت ثم تمشيت وعلى الغيم مريت ،، سلمت وصح لسانك على هذه الرائعة .

[ملك الساحة]

صح السانك واعتلا شانك وبيض الله وجهك 0كلمات تكتب بماء الذهب 0من روائع القصيد يا الشاطرى بيض الله وجهك