أقصرررررر دروب الفقر

[سعد الهلــــولي]

عبث شاب عاطل

تقبلوها كما هي
مع العذر مقدما
[poet font="Simplified Arabic,4,crimson,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
قصة حزينه كتبها شاعر بيوم عيد = شاعر زمانه وسجل تحت خط الفقر
أول حياته قضاها يدرس ويستزيد = لكن تخرج بنسبة ما تشد الظهر
فتش عن الواسطة في هالزمان العنيد = يبغى وظيفة وراتب في ختام الشهر
مسكين ما ابسط طموحه ما نظر للبعيد = اقصى طموحه وظيفة تجعله يستقر
لكن اقشر الحظ سوى للاجاويد قيد = ما أحد فزعله وكلا غض عنه النظر
من الوظيفة يئس بطل عن اللي يريد =فكر وش اللي يسوي قبل يمض العمر
قرر يسوي تجاره مثل خالد وزيد = لأجل التجارة هي أصل هوايته من صغر
لكن التجارة بحاجة رأس مال ورصيد = من وين له رأس مال ورأس ماله صفر
عود تدين واخذ له فأس قطعة حديد = قال القراشه تمشي حالتي واستتر
عامين يكدح ويشقى من لديد .. الديد = لاما غدا وجهه اسمر من لحاة السمر
نهاية الوضع صدق قول رجلا رشيد = قراش ما يغتني لوهو كثير الشجر
ذي قصتي يا جماعه والسوالف أكيد = واقع ومثلي لقيته واجد من البشر
ضاقت وثارت هواجيسي وعيت تهيد = واحترت ويش افعله ما باقي الا انتحر
ومن ضيق حالي تعلمت الغناء والنشيد = وقمت انظم بيوت شعري وامتهنت الشعر
وأصبحت شاعر زماني كل شعري فريد = والناس صارت تقول الشاعر المعتبر
قابلت شايب نشدني هاه ويش الجديد = قلت أخر اللي كتبته مدح زيد وعمر
يا عم نبغي من اللي نكتبه نستفيد = ما عاد ليّه على شح الليالي صبر
قال انتبه يا ولدنا شوف رأيي سديد = حذراء تدور من ايدين المخاليق أجر
واللي يدور غناته في حروف القصيد = ما يدري إن القصيد أقصر دروب الفقر

[/poet]

[الهايم]

[ALIGN=CENTER][/ALIGN]
[ALIGN=CENTER]سعد ألهلولــي
عاد عيدك
قصيده تتمتع بالصدق
كلماتها جداً رائعه وجميله
تدل علي أحساس صاحبها
صح لسانك ياعذب وتسلم يمينك
لك كل الأحترام والتقدير[/ALIGN]
[ALIGN=CENTER][/ALIGN]

[سعدي الشمري]

الهلولي




صح لسااااااااااااااااااانك


نعم
أقصر دروب الفقر



هو الشعر




دمت لنا


شاعراُ متميزاُ

أخوك الشمري

[أبو سفيان]

[ALIGN=CENTER]شكرا يا سعد : توصيف جميل لواقع مؤلم حقا يعيشه الكثيرون من العاطلين

من ابنائنا .. لكن لو أن لديهم مثل هذه الهمم التي ذكرت أصحابها لهان الحال

لكنهم يريدون وظيفة وبس .. شكرا لك .[/ALIGN]