التحرش بالأطفال قصة تحكي واقع يحدث بين اطفالنا ... يا من لديه اطفال

[الرأي الخاص]

قصة ترويها أحد الفتايات بعد بلوغ سن الرشد ؟؟؟؟؟؟؟؟؟؟؟؟؟؟

في هذا المقال او ماشابه المقال ودي اناقش شى مهم وهو موضوع التحرش الجنسي للاطفال وخصوصا البنات الصغار من الاقارب او الرجال بشكل عام. بما اني فتاه سعوديه وعشت هل الماساه وودي في اول شى احكي قصتي وبدايتها ماادري من وين لاني مااتذكر من وين هي اصلا بدت مااتذكر الا اني كنت طفله صغيره مره ولااعرف شى لا عن الجنس ولا الرجال يعني بريئه براءه الاطفال وكل مااتذكره اني كنت تقريبا في الصف الاول الابتدائي اقربائي عيال العم وعيال الخاله ينادوني وانا طفله ياخذوني لمكان وبعدين يتحرشون وفي هذاك الوقت ماكنت اعرف انه تحرش ولا ادري هم وش يسوون وماوقفت على عيال الخاله او عيال العم الطامه الكبرى انها حصلت بعد من عم !!!! محرمي !!!! او المفروض يكون محرمي وماادري المسؤليه تقع على مين في هل الشىء ؟؟!! على اهلي الا ماعلموني عن هل الاشياء او على هل الاقارب اللي ماحترموا عمهم او خالتهم المهم كبرت وفي مره من الايام وانا ماشيه في بيت جدي لقيت جدي يتحرش بحفيدته ماكنت انا الضحيه هل الوقت كانت وحده من بنات عمي ؟؟!!! كانت صدمه كنت ماادري وش اسوي وماادري وش اقول مالي الا الصمت. كبرت وبلغت وبحكم عادتنا وديننا الحمدلله ربي فكنا من هل الاقارب والرجال بحكم الغطاء ؟؟!! ولما كبرت وعرفت عن التحرش والجنس ضاق صدري قلت ليه؟ ليه؟ ليه؟ ليه؟! يخربون طفولتي ليه يسووون كذا فيني ماكنت مستوعبه في اول الموضوع ولو اقولكم كم عددهم هؤلاء الكلاب (اسفه على استخدام هذه الكلمه بس هذا اللي يستحقونه) كان تنصدمون ؟؟!! حقاره ودنائه طفله بريئه لا تعرف مخططاطهم ورغباتهم الدنيئه واستغلال للطفوله يالله المهم كبرت وتخرجت من الجامعه بتقدير ممتاز والخامسه على دفعتي ولله الحمد بس مازلت احمل ماافسدوه هؤلاء الاوغاد اللي نقول عليهم اقارب وبعد التخرج جلست افكر قلت يالله كم فتاه في السعوديه ولا في العالم العربي مثلي او تحمل قصه مشابهه لي وقلت لنفسي ماابي اللي صار لي يصير لاي طفله سعوديه او عربيه او اي طفله في العالم. لازم اكتب عن هل الموضوع ويكفي الصمت والى متى الصمت ياوطني الى متى ؟

لا تقولون لا مستحيل وماتحدث ولا مستحيل تحدث لبناتي ابوي انسان متعلم وامي كذلك و هل تتوقعون انهم يعلمون بما حصل لي في طفولتي؟؟!! خلوني اقولكم لاء لانهم يعتقدون زي اغلب الناس هل الشىء مايحصل لاطفالنا ولا يحصل عندنا بس صدقوني تحصل تحصل ومن اقرب الاقرباء فانتبهوا لاطفالكم انتبهوا !!



مساله التحرش من قبل الاقارب نمت معي وكبرت وصرت اسمع حكايات كثيره واتظاهر باني مصدومه ولا اعرف عن هذه المواضيع شيئا وقلت يالله مجتمعنا يحصل في هذا الشى وحنا ساكتين ليه ولمتى



لمتى ياوالدي ؟

ولمتى ياامي امي ؟؟!!

لمتى يا ابناء وطني ؟



احمونا احموا اطفالكم احموا المستقبل.... ليه مااثيرت هذه القضيه في مجتمعنا؟ ليه ماشفنا حوار وطني عن الطفوله وقضاياها ومشاكلها ومايمر به بعض بنات وابناء هذ الوطن من مساله التحرش الجنسي سواء من الاقارب او الغرباء ؟؟!! ليه تم تجاهلنا وتجاهل مشاعرنا وليه مانقوم بحمايه اطفالنا من هل السرطان المنتشر في مجتمعنا ؟؟ يالله يضيق صدري لما افكر انه في هل الوقت احتمال لو طفله تمر باللي انا مريت فيه ليه والله حرام يمكن ماتقدرون تحسون باللي حنا نحس فيه احساس بالمراره وضيقه صدر والله اتمنى من كل قلبي مااشوف ولا طفله في العالم تمر بهذه الماساه اللإنسانيه ؟؟؟



ماهو الحل ؟؟؟؟

ماابي احد يطلع لي ويقول المشكله في الفضائيات والانترنت هم خربوا عيالنا هذا اللي حصلنا عليه منهم ؟؟!! قصتي حصلت قبل طلوع الفضائيات والانترنت يعني من اكثر من عشرين سنه وقصص ناس غيري والفضائيات يمكن زادتها الان والله اعلم في ذلك بس القضيه والمشكله لها جذور واساس واسباب لا اعلمها..

المشكله تكمن في اشياء كثيره وياليت الخبراء والمسؤلين في البلد يلتفتون لهذه القضيه ؟؟!!! هي كبيره ولا يجب علينا السكوت



اطفالنا وبناتنا فلذات اكبادنا يحرمون من طفولتهم ومن ان يعشوا حياه طبيعيه !!!


هذا اول مقال اكتبه ويمكن الاخيرلاني لااتقن فن الكتابه لكن حبيت اكتب عن هذه المشكله اللي مريت فيها واكيد ناس كثير غيري مر فيها بس اتمنى مانسكت ويكفي ويكفي الصمت ياوطني يكفي !



مسلوبه الطفوله

فتاة سعودية

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ

ارجو من الجميع التفاعل لاهمية الموضوع

منقوووووووووووووووووووول اخوكم الرأي الخاص

[الرأي الخاص]

يا ناس ما في ولاا مشاركة أمركم غريب ما تبغو تفيدو أحد الله المستعان

[الطالب]

الله يحمينا ويحمي أهلنا من هذا الداء الفتاك

[القادم]

[align=center]انا قرأت الموضوع وهو في غاية الأهمية
ولأني مستعجل ولا عندي وقت أرد بالتفصيل
حبيت اقول كلمتين الأن وإنشاء الله سأعلق على الموضوع بالتفصيل
اما الأن اقول لماذا عندما تكبر البنت وتفهم الموضوع لماذا لا تفضح هؤلائك الكلاب البشريه
وتكشف اوراقهم وتخلي بقية العائله يعرفون حقارتهم على الأقل بقية الأهل يتداركون البنات الباقيات
ولا يمرون بنفس المشكله
حقيقه انا اشوف إن التستر على هؤلائك الحيوانات او خلوني اقول الأضل من الحيوانات كما قال الله عنهم
انا اشوف التستر عليهم جريمه بحد ذاتها
وباقي التعليق يلحق فيما بعد إنشاء الله [/align]

[أبو وضاح]

لاحول ولا قوة الا بالله
موضوع مهم جدا
ويجب على الجميع الحذر على ابنائهم وتعليمهم ماامكن بهذا الفعل الدنيء لأخذ الحذر والعلم بالشيء..
اخيرا شكرا لك اخى الرأي الخاص على هذا الطرح الجميل,,,,