واساميرااااااااااه وا ابو دنقرااااااه

**بشير** · 27-09-2007, 04:47 AM

من العايدين راح النص وربنا يعطينا ويعطيكم طول العمر والصحة والسعادة ويتقبل
وجانا العيد اهو جانا العيد اطفالنا اشتروا اللبس الجديد ومن العايدين ومن الفايزين ان شاء الله
يا سمير يا شيخ محمد علي ربنا يديكم الصحة ويمدكم بعونه وتوفيقه البلد واهلها متعشمين فيكم خير وانتوا رجال ومشهود لكم ولكم سوابق يعني اصحاب سوابق وعلوم سنعه ياما تحملتوا هم اهلكم وبلدكم وياما فرحتونا الله يسعدكم وياما حاربتوا على الجبهة وناضلتوا والبلد كلها معاكم يد وحدة ؟؟؟؟؟؟؟؟؟؟؟؟؟؟
بس عاد الحصانين والسيسي والدبابات شوفوا لها حل مو خليطي مع الالعاب نبغى تنظيم على كيفكم وارفعوا السعر من حقكم يارب لا تقطع لكم عادة
عمووو سمير هيه هيه
عموو الشيخ هيه هيه

؟؟؟؟؟؟؟؟؟؟؟؟

**الضآمي** · 27-09-2007, 04:52 AM

مافي شك الالعاب الشعبية حلوة.. بس التطور كمان حلو

ولا تقيس التطور بملاهي الحكير الي عندنا يبغالك تشوف الملاهي والالعاب زي الموجوده بباقي العالم

بس ما نقول غير الجود من الموجود

والله يعطيك العافيه اخوي بشير وتحياتي لك..

**سعودية الهوية** · 27-09-2007, 05:52 AM

يابشير
الملاهي كلها مشتاقة لك

**n_kaleed** · 27-09-2007, 06:44 AM

اشترينا لاطفالنا ملابس العيد السعيد وكل عام وانتم بخيروبعض الاطفال جالسين يسووا بروفة على اللبس وطريقة اللعب بالمجاريح (اسف المداريح)هيا ولا بلاش حتى لو فيها قطع ارقاب المهم وكل طفل يعلق صيدلية لا سمح الله للضرورة بس الله اعلم الشغلة اتفركشت على دمة احد المنتديات الصديقة يعني اطفالنا رايحين يلبسوا وياخدوا العيدية بعدين يرجعو يناموا ويعيشوا باحلام وردية احلى من ملاهي عمو سمير وابو دنقر اخوان وشمس تطلع وخبر ويبان وكل عام وانتم بخير وان كان حبيبك عسل ...الخ

**محب الموروث** · 27-09-2007, 07:42 AM

آه ياليل آآآه ياااااااعين ..
واحليييييه ياليحايومااا ياليحاااااني ياعمي زمنين وأنا صابر ..
معاك أمانة ياترجمان الغرام دله ..
إن كلمك كلمه وإن ماكلمك قُله ..
عبدك عمل ايه علشان تجازيه بذا كله ..
معلش يابوالبشاير .. لازم أول الرشة البلدي هادي .. وربك من القلب ..
ومادام لك قلب وأنا ليا قلب معناته الكلام من القلب للقلب .. بس وجرمة لاتقول إلا يارب ..
وعاد إنت إدعي على كيفك ..
ربنا يعيده عليك وإنت بخير ومتعافي يابشير ..
أخوك زي بعضه عنده اذا سووا عيد فينبع البحر والابطلوه لأن النية إن شاء الله أبغى أعيد خارج ينبع ..
لاتستغرب ياعم .. أنا أقولك ليه ..
شفت الناس كل واحد له جماعة خارج ينبع والعالم ماتحسب تبتدى العطلة وطيران .. في كل اتجاه .. وعيٌد ياعيد ..
قلت مايبغالها واخترعتلي ربع علشان أروح أعيد معاهم .. ياعمي المدن التانية أعياد وأعياد وأعياد قلت أبسط الأولاد وأخذهم .. ايش أسوي يابشير .. العمر واحد والرب واحد ياعم ومين يضمن عمره .. قلت خليني ألحق ابسطهم ..

(بس انصحك بس وأوصيكي ..
جمع الأحبه نهار العيد ) ..

وآآآآآآآآآآآآآآآآه .. ياينبع ومليون آآآآآآآآه ..
كله على الله يابشير ..
وقول ياسعد الله ..

**البدوية** · 27-09-2007, 03:58 PM

لين مستعجلين على العيد توه ماشبعنا من رمضان
واحلى ملاهي في ينبع ملاهي سمير صح شعبيه بس تحس فيها بايام زمان وعيدنا واحنا صغار ونتمنى اطفالنا يعرفوا كيف كانت اعيادنا
واللي ماهي عجباه ملاهي سمير يروح الحكير ولا غريها بس يتاكد من صيانه الالعاب فيها لانه حيات اطفالنا اغلى من ميه لعبه مطوره
والصراحه حلوه
ودمتم بود

**بشير** · 27-09-2007, 07:34 PM

اعتذر من ادارة المزالس على الكلام اللي امس كتبتو وحذفوه بس انا كمان معذور من حرتي تسحرت واكلت دقس حار مررره حسيت الحراره خرجت من سموعي وصدري شب نار احيييييه لافيمتو فاد ولا شراب طوط ولا بيبس اخرتها تممت بالقمردين وافتكرت حال البلد وحبيت احفز ابو سمر والشيخ ليهموا بدري ونشوف اثار الملاهي تنشأ بدري وترانا متعشمين في الله ثم فيهم خير كثير نبغى نفرح ونفرح عيالنا ونحس بالعيد وفرحتو
الله يفرحك يا ينبع
زحليطه ومدريحه
وزميره وزحليقه

بعدين نكمل

**بشير** · 29-09-2007, 01:43 AM

شكرا الضامي
ياعمي احنا مانحس بفرحة العيد لو ما شفنا ملاهي سمير وجلسة الشيخ محمد على اللي ترد الروح
خلي التو طور لأهلو

إذا كان حبي للثرات والأصالة والتاريخ المجيد والمداريح جريمتون
فليشهد التاريخ بأني داشرون

**بشير** · 29-09-2007, 01:48 AM

شكرا سعودية الهوية
وي اشبك عليا تبغي تصعقيني صعق شكلها 220 الكهربا دي تخلي الواحد يصعك

**بشير** · 29-09-2007, 01:50 AM

شكرا ابو الوليد
تفاءلوا بالخير تجدوه
ربنا يحفظ لنا ولك وتفرح بأولادك يارب

**الكوكب** · 29-09-2007, 02:19 AM

اذا كانت المشكلة التنظيم بسيطة محلوله

لكن الحرمان بشكل بات فيه تعسف

سؤال مهم هل تستوعب ملاهي الحكير وهل تفتح ابوابها من الصباح

تدكرو سوق رمضان في ينبع كيف كانت نهايته وكيف اصبح في الهيئة

اتمنى ان لا يتكرر السيناريو ويتركونا نعيد بطريقتنا

معقول ان يكون هذا القرار في شخص واحد . اسف سلملي على المجلس البلدي

**البعيــ ع ــد** · 29-09-2007, 01:14 PM

اخي بشيييييييييير كلامك حلو بس اذا كنت تقصده والحق يقال ان ملاهي سمير وابو دنقر مكان للتجمع بين اناس ينبع الطيبين ،فالمكان رمز واقيمت به حفلات وملاهي سابقة وقبل ان يكون هناك حكير او غيره ،،،،، تحياتي لك