" الذل محموس "

[عبدالعزيز الشاطري]

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالعرب دارت علينا رحى حرب البسوس=والزمان الاقشر اشّر علينا باصْبعه
ساعة الصفر ابتدت والكرامة للتيوس=لعنبوكم ما حد لعز راسه يرفعه
لعنبوكم الكراسي لها ضعاف النفوس=انكشف زيف الشعارات خلف الاقنعه
فالرخا تعطوننا للشجاعة من دروس=والظهور بغير هالوقت ماله منفعه
علموني كيف ترضون هالحين الجلوس=لعنبو هالروس فالإجتماع مجمّعه
جمّعتكم المصالح على غرب الشموس=لو على الدين وعلى الشعب ذلٍّ مرجعه
كيف نرجو من ضماير بها الذل محموس=كل واحد من شبيهه سواة الامّعه
ليتهم هاكالليال ارقدوا تحت اللبوس=علّ يظهر فارسٍ تفخر الأمه معه
حالنا مرثية الحزن فالوقت العبوس=في جميع العالم مصوّره وموزّعه
صارت الأمة على المفصل وفي حد موس=تلفظ الانفاس تحت الحروب الموجعه
بين رحمة اليهود وعذاب من المجوس=ليت للمعتصم اليوم صوتٍ يسمعه
يا إلهي حقّق النصر واشْفي منه روس=لاجلك تحارب .. ومن بالمعونه تدفعه
[/poem]

[المعلم]

عبدالعزيز الشاطري
سلمت ودمت بخير

[*أبو موسى محلاوي*]

عبدالعزيز الشاطري
سلمت ودمت بخير

[العنيني]

كيف نرجو من ضماير بها الذل محموس

كل واحد مـن شبيهـه سـواة الامّعـه

سلمت ودمت على هذه الكلمات