الشعـر لـه فاتـل وناقـض iiوفـاروق

**الولد الشقي** · 12-06-2002, 11:11 AM

اهديكم مع نسمات هذا الصباح هذه المنظومه الرائعه

هذه المنظومه التي لا اعلم قائلها بالاسم، ولكن اعلم انه انسان

جرب

الحياه حلوها ومرها

وعاشر الناس با انواعهم، فميز بين طيبهم ورديئهم

لم يخرج من تجربة خالي الوفاض

بل صاغها بما حباه الله من شاعريه

حتى اضحت باقة ورد تهدى لكل غالي

ومجموعة ارشادات تضي الطريق للسائرين

لا اعلم ان كنتم تجدون ما اجد من معاني في هذه القصيده ولكن اضعها بين يديكم والحكم لكم

ولكم تمنيت ان اعرف قائلها

[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]

الشعـر لـه فاتـل وناقـض وفـاروق= والسـوق لـه سايـم وشـاري وبايـع
واللي ربح ببضاعتـه يمـدح السـوق= والنـاس تطلـب نـادرات البضـايـع
يا مدوّر الطيـب تخيّـر علـى الـذوق= وأحفظ معك مـن قـول فـارس ودايـع
لو كـان بالإرشـاد والنصـح مسبـوق= ذكـرى لعـل لهـا تــرق السمـايـع
جواهرٍ معهـا شـذى المسـك مرفـوق= ومعهـا التجـارب مثبتـه بالوقـايـع
واللي لبس من جوهر المرجلـه طـوق= مثلـي مجـرّب والتـجـارب نفـايـع
سافرت لي طرقه وطبيـت لـي سـوق= وخاويت فـي دربـي جميـع النزايـع
والله خلـق فالنـاس ميـزات وفـروق= النـاس شتـى بالشـيـم والطبـايـع
أحـدٍ علـى مبـدأ ولـه نظـرةٍ فـوق= وأحـدٍ كمـا ثلـجٍ علـى القـاع مايـع
ولاني وكيـل آدم علـى كـل مخلـوق= لكـن أشـوف بخلـق ربـي نـوايـع
أشفق على الطيب ولـي رفقتـه شـوق= غريـب وإلا مـن قـريـب الجمـايـع
وراع الردى من دونـه البـاب مغلـوق= بينـي وبيـن أهـل السفالـه قطـايـع
الطيب وأهل الطيب عاشـق ومعشـوق= والطيـب لـه مبـدأ وحكـم وشرايـع
والمرجله وهبـه مـن الـرب ووفـوق= والديـن رأس المرجـلـه والطمـايـع
والرزق من ربي وله فـرض وحقـوق= ومن يطلب أرزاقه مـن الخلـق ضايـع
والأخـذ بالأسبـاب ثابـت ومـوثـوق= وتوفيـق ربـي هـو خيـار الـذرايـع
ولا كـل مطـرودٍ كمـا قيـل ملحـوق= قـولٍ مبالـغ فيـه لـو كـان شـايـع
إن ما جلبهـا والـي العـرش برفـوق= كثـر المطـارد مـا يحـوش النفايـع
ومن يحسن النيه مع النـاس مـرزوق= ومـن يتقـي ربـه دروبـه سنـايـع
والكـذب ثـوبٍ مايجمَّـل ومشـقـوق= ولا ينرفـي شقـه بكـثـر الرقـايـع
ومن لا يحـط أسـرار قلبـه بصنـدوق= ويجـوَّد المفتـاح عـن كـل صـايـع
يفتح علـى نفسـه مداخـل وخـازوق= وقناصـة الفرصـه تـزيـد لجـلايـع
ومن يقـرب الأنـذال لا يامـن البـوق= النـذل خايـن مـا يصـون الـودايـع
عقـرب ثـرى وإلا كمـا نـاب زاروق= لا صـادف الـغـرات للـسـم زايــع
وأحـذر تـرى النمـام للشـر ناتـوق= دايــم يـقـرَّب للـشـرار الـولايـع
من المكـارم خـارب القصـد مسلـوق= وعقلـه لنزغـات الشياطيـن طـايـع
وترى الردي شمعٍ على الحيـط ملـزوق= لا أونس حميم الشمـس جـاك متمايـع
أحـذف ردي المعرفـة حـذف خملـوق= لا تنـخـدع بالزبـرقـه واللـمـايـع
عليـك بالطيـب ليـا صـرت مزنـوق= الـلـي فعـولـه كلبـوهـا روايــع
يشيل عنـك مـن الصعيبـات طـاروق= ولا يلحـق المنـه جميـل الصنـايـع
لامن عن الواجـب هبـا كـل مزلـوق= يقـوم بالـواجـب بعـيـد الرمـايـع
والشارب اللي ساعة الضيـق محلـوق= وقت الرخاء ما أحـدٍ يبـي لـه فزايـع
خله ولو شفته علـى الوجـه مصفـوق= ولا تستشـيـر مجالسـيـن الربـايـع
وإن كان في صدرك قنا الوقت مـزروق= خلـك علـى الشـده قـوي البتـايـع
واضرب على الكايد ولا يلحقـك عـوق= وأطلـع سنـود وخيـر ربـك طلايـع
والشمس لو غابت يجي صبح وشـروق= والحق لـه صيـتٍ مـع النـاس ذايـع
يقدم عزيز الساس لـو كـان مفهـوق= ويأخـذ عظيمـات المـراجـل قـلايـع
وأبليس أخـو مـره مربَّـط ومفلـوق= وفـي كـل يـوم يـزود حـر ولقايـع
نركـي علـى كبـده مراقيـع وحـروق= وعـروق قلبـه مـن وحمنـا مزايـع
وصلوا على الهادي عدد ما أرمشالموق= وعسى لنـا مـن جـود ربـي شفايـع

[/poet]

**الجهني** · 12-06-2002, 05:06 PM

تسلم أيها الولد الشقي على هذه الرائعة وعلى هذا المجهود الرائع

في المنتدى ألف شكر لك من الأعماق وننتظر منك المزيد من مثل هذه

الدرر النافعة

تقبل تحياتي وتقديري
===========
اخوك الجهني

**الحازم** · 12-06-2002, 05:14 PM

اخوي الولد الشقي

تسلم والف شكر على هذا الإختيار

ابيات ولاأروع

معاني ولاأجمل

الله يعطيك العافيه

وننتظر المزيد

اخوك / الحازم

**أبو سفيان** · 12-06-2002, 05:51 PM

أيها العزيز ( الشقي ) لكن كلمة ( فاروق) في الغصن الأول أنا لم أفهم معناها وأترك لأهل الاختصاص في شعر القلطة شرح معنى هذه الكلمة

والحقيقة الولد الشقي ظهرت مواهبه الطريفة دفعة واحدة تمنياتنا له بالتوفيق والاستمرار وشكرا 0

**أبو رامي** · 12-06-2002, 07:59 PM

أستاذي / أبو سفيان
اعتقد أنها ( وطاروق )
وأرحو من الولد الشقي مشكورا مراجعة المصدر كم أرجو من الشاعرين الجهني وحازم إفادتنا

**الجهني** · 13-06-2002, 12:59 AM

أستاذي الفاضل / أبو سفيان
أستاذي الفاضل / المعاصر
السلام عليكم ورحمة الله وبركاته
أولاً أنا لست بشاعر كما تفضلت ياأستاذي المعاصر وماقدمته في هذا المنتدى الرائع إنما هي محاولات ومشاركات مع الأخوين الرائعين ضمن والحازم 0 كما أنني لا أدعي معرفة بالشعر 0

ثانياً بالنسبة للكلمة الواردة أشاطرك الرأي ياأستاذي الفاضل بأنها (طاروق ) وليست فاروق لأن كلمة طاروق متجانسة مع الكلمتين السابقتين وهما فتل ونقض فكما هو معروف أن الشعر يكون على طاروق معين والمقصود به - كما عرفه الأستاذ ضمن السناني في أحد الردود على أحد الأعضاء - (المعنى الذي يطرقه الشاعر عندما يبدأ بالمحاورة ) وكما هو معروف أن الشعر لا تخلو أبياته من الفتل والنقض بين المتحاورين ----- هذا والله أعلم --

ونترك المجال للأخ الفاضل / الحـــــــــــازم

تقبلوا تحياتي وتقديري
============
تلميذكما الجهني

**الولد الشقي** · 14-06-2002, 10:50 PM

اقولكم....

ماهو عشان اعطيتكم وجه وصرت اكتب في القلطات والمحاورات..

تسوون لي قلق.. هذا اشهو .. وهذا كيف..

والمعاصر يقولي جيب المصدر..

هو تحقيق هو..

خلاص فاروق..طاروق ( انا مالي انا ) انتو شعار ( عيني عليكو بارده )

يالله جيبو المصدر ( ولا خلاص جات عندي وضيعتو المصادر )

قايلكم يا اخواني ما اعرف الشاعر...

ولو طولتو وانتو ما عرفتوه راح اقولكم انا قايلها...

واذا عندكم نقد ( بعد اصدار الديوان ) راح يكون لي معكم كلام ثاني...

**الولد الشقي** · 14-06-2002, 10:52 PM

وسامحوني....

( الله يهديكم... ربشتوني حتى سامحوني نسيت اكتبها )

**أبو تركي** · 08-09-2003, 02:03 PM

[ALIGN=CENTER]إمسك أعصابك يا الولد الشقي ولا تتهور

وبعدين يا أخوان لاتربشونه وأعرفه زين والله إنه حليل ومسكين

ومثل ماقال الولد الشقي فاروق يعني فاروق لو تبي السادات ما نقول لا المهم ترد علينا .

هذه نتائج النقد اللاذع ( كيف بالفصحى) راح الولد الشقي

[/ALIGN]

**أبوعرب** · 08-09-2003, 07:51 PM

اهلا بالولد الشقي اختيار موفق لهذه الابيات الرائعة والجميلة
وحتى يتأكد الجميع من الكلمة الصحيحة ( طاروق)
واهديكم هذه الابيات للشاعر/عبدالعزيز البادي يرحمه الله
[poet font="Simplified Arabic,4,blue,bold,normal" bkcolor="transparent" bkimage="backgrounds/20.gif" border="none,4,gray" type=0 line=200% align=center use=ex length=0 char="" num="0,black" filter=""]
روح الليل والمسرا على الطاروق=وأخلف الوضع من طاروق للعادي
المعاني ذلول وقابله للسوق=خل نارك لها سلهوب وقادي

[/poet]

**متعب الساق** · 08-09-2003, 09:32 PM

[ALIGN=CENTER]سلام

الولد الشقي

طبت وطاب اختيارك
قصيدة كلها حكم
صح السان شاعرها
+++++++++++
الشعر لـه فاتـل وناقـض وفـاروق ***** والسوق لـه سايـم وشـاري وبايـع
واللي ربح ببضاعتـه يمـدح السـوق**** والنـاس تطلـب نـادرات iالبضايـع
+++++++++++
يقول المثل القدر مايركب الا على ثلاث
وهوا ماينص عليه البيت الاول للشاعر
وهذه من اساسيات شعر المحاوره الذي يعتمد
على الفتل والنقض وطاروق يشدبه القاف
++++++++++
وسلامتكم تحياتي لكم[/ALIGN]