" اشتكي لوسادتي دنياي واسمعها تنوح "

[عبدالعزيز الشاطري]

[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
اشتكي لوسادتي دنياي واسمعها تنوح=قالها الامير ماونس غير حب ومستريح
كيف انا !؟ والهمّ يبني في حياتي له صروح=وآتوسّد له ذراعي كل ماثنيها تصيح
يرسم اوجاعي على قتل الأمل والليل لوح=مضفي استاره ويبني في ظلامه له ضريح
الزمان اقشر وينشر في لياليه الجروح=وآتظاهر بالفرح والوضع لي ماهو مريح
ذقت من كاس الزمان المر والهقوة جموح=مير يعثرها على منهاضها الوقت الشحيح
كل ما تنهض عثرها واخفي الدمع النصوح=والقدم ما تونس الاسقام من كثر المطيح
من يمين ومن يسار وكل ما تنوي تروح=تبتلش بالضيق لو اني على الدرب الفسيح
يا زمن دوبك عليّه لو شكيتك لا تبوح=خلّها باسرارها مادام ما فالجوّ ريح
لاجل بين الناس شمّاتٍ وهرّاج وفضوح=يطرب لصوتٍ يهزّه لو على صوت النبيح
لا تقول انْ كلّ غيمة لو بها البارق يلوح=تسقي الظميان ماها .. واسمع العلم الصحيح
دام قلبي من هموم الوقت واحزانه يفوح=وْحظي الاقشر محله لو اقاومها طريح
اشتكي لله دنيايه وانا كلي طموح=للرضا والمغفرة والفوز لو اني جريح
[/poem]

[المعلم]

اشتكـي لله دنيايـه وانـا كلـي طـمـوح
للرضا والمغفرة والفـوز لـو انـي جريـح

ذلك خير وابقى
دمت بخير

[عبد الإله]

قصيدة رائعة
وفكرة اروع لوالتزم الشاعر
في
قافية الشطر الثاني
من اسمحي لي يالغرام
عندما قال احمد السديري
حملي ثقيل وشلت حملي لحالي
رد عليه بندر بن سرور بابيات رائعة
هي من اصدق ماقيل
قال
قل للسديري كان بالحمل بلشان
أشيل اناحمله ثمانين مرة

عبد العزيز
يعطيك العافية
صح لسانك