منكـ الحزن لذه عسى الله يخليكـ .. !

[ياسر الجهني]

ليتك تعرف الشوق وترجع خطاويك ..

على طريق ٍ فرقتنا الخطاوي

ماحن لي قلبك و لا الهم حاديك ؟ ..

و انا عليك اوله و قلبي شقاوي

واكبر دليل اني احبك و اغليك ..

شف غيبتك سوّت بقلبي بلاوي

منك الحزن لذه عسى الله يخليك ..

و إلا الفرح في غيبتك وش يساوي

أشكي حنين الدار و الا العنا فيك ..

اللي علي من الهموم متساوي

تجمعت من كل وجهه بلاويك ..

كن قلبي أصبح للغرابيل هاوي


ياسـر الجهنــي

صباح الرياض - السبت - 23/1/1431 هـ

[المعلم]

سلمت أخي ياسر الجهني
منظومة جميلة وبارعة
دمت بخير

[أبو رامي]

سلمت أخي ياسر
صح لسانك واعتلى شأنك
شكرا على هذا الإبداع