ذاك الطريـق ..

**ياسر الجهني** · 01-07-2012, 08:36 PM

خبرك عتيق..
ظلم الزمان ,, اصبح رفيق ..
و أغلى صديق ,,[مفارقك].. !!
و ذاك الطريق .. اللي خذاك و لا رجع ..
ااالله ياكبر الطمع .. بـ : ذاك الطريق

..

حالنا عشاق لكن بـ {الحروف~
حالت الأقدار عيت لا تطوف
رغم الظروف اللي تحدى بيننا
وين انتا .. و وين انا ..
رغم العنا .. رغم الجراح ..
و قلب عمره مااستراح ..
بعد اللي راح ..
بذاك الطريق .. اللي خذاه و لا رجع ..
الله يا كبر الطمع .. بـ : ذاك الطريق

..

عزتي انتا وهيامي ..
آه لو يوصل سلامي ..
رغم الظروف ..
رغم العيون اللي تناظرني و تشوف ..
ما يسألوني عن الحنين .. ؟
و عن عذابي و السنين ..
و زفـــرات .. انثرها لميـن ؟
صعبة الحياة ..
و اشواق عيت لا تـبات ..
و لحظات كل الذكريات ..
لذاك الطريق ..
اللي خذاك و لا رجع ..
الله يا كبر الطمع .. بـ : ذاك الطريق

ياسر الجهني 18 - يونيو

**المعلم** · 01-07-2012, 11:52 PM

سلمت أخي ياسر الجهني

**ياسر الجهني** · 02-07-2012, 03:16 AM

اهلا وسهلا اخي المعلم ..
اسعدني تواجدك للمعلومية هذه القصيدة كتبتها على طريق الساحل من جده وصولا ً الى تبوك في تاريخ 2-8-1433 هـ
اتشرف بهذا المرور المبهج

**أبو عماد** · 02-07-2012, 12:36 PM

الله أكبر يالطمع
كلمة أتركها عن محصلة اشياء أخرى قلّ أن نجدها في الطريق المسافر بنا
عطر البوح عزفا على الألم
هو ما وجدته هنا والله اكبر يالطمع في مثله
تقديري وإعجابي