في 25/شعبان في يوم الخميس00يالحازم

[ضمن السناني]

أخي وصديقي (اللدود) الحازم

السلام عليكم ورحمة الله وبركاته


أولاً أقدم اعتذاري الشديد عن الغيبة (بسبب ظروف العمل)

ثانياً/كل عام وأنت بخير (قبل الزحمة)

ثالثاً موعدنا الليلة ان شاء الله الساعة الواحدة لكي نكمل المحاورة

واستلم يالقرم[poet font="Simplified Arabic,5,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
سلام منا لأبو يحيى عد مالاحت بروق=واعداد ماتطلع علينا الشمس في وقت الشروق
الشاعر اللي فوق بالطيب وتسامى فوق فوق=وفوق البسيطه ضاع قبر ادم على ذريته

في خمسه وعشرين من شعبان في يوم الخميس=كل عام وأنته ياعساك بخير والساري سرى
ياالحازم الليله ترى الموعد ليا حمي الوطيس= ونبغى نسجل علمك الأخير والساري سرى
[/poet]

[الحازم]

اخوي الغالي ضمن

وعليكم السلام ورحمة الله وبركاته

اولاً الحمد لله على السلامه

وعوداً حميداً

ثانياً مبروك عليك الشهر الكريم وكل عام وانت بخير

ثالثاً اعتذر انا ايضاً عن الحضور في الموعد المحدد

بسبب سفري

ولكن

خلوووووووووووووووووووووووووووها

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
عساك دايم يالسناني يالسناني ياعساك = يارب سهلها معي يارب سهلها معاك
الأوله شفته هنا والثانيه شفته هناك = فوق البسيطه ضاع قبر ادم على ذريته

بعد الخميس يجيك يوم الجمعه وكلاً يقيس = ماباقي الا نكتب التقرير والساري سرى
ياضمن بعض الناس يمشي بس مايلقى ونيس = ماغير يحسب ساعة التحرير والساري سرى
[/poet]

[ضمن السناني]

هلا وغلا

واستلم يالقرم[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
من بعد ماجيت وحضرت اليوم كان الوعد فات=عذرك ترى مقبول يالصاحب ولا نبغى ثبات
والأوله عندي هنا والثانيه راحت شتات=فوق البسيطه ضاع قبر ادم على ذريته

ياصاحبي نقلتك صارت للعرب (نقلة غليس)=وأصبحت مابين الثنين تسير والساري سرى
مادري بعدها وش طرى بالطاري اللي لك حبيس=وانته ترى مالك مطير تطير والساري سرى
[/poet]

[الحازم]

خلوووووووووووووووووها

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
شفت الهواء يدفع سحابه والمطر ينزل هنا = شفت الضعيف اللي يحاول ماكسب غير العنا
لكن سيّرها تسير الحظ معنا كلنا = فوق البسيطه ضاع قبر آدم على ذريته


يامدّعي فن الخطابه كيف قابلت السديس = والا الحكي في رفقته تزوير والساري سرى
من بعدها صارت علوم القصر في جيب العريس = واللي نوى يستاهل التقدير والساري سرى
[/poet]

[ضمن السناني]

خلووووووووووووها[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
يا صاحبي وضعك خطير أنته وأبو مقبل رجا=اللي هرب (لخمال) واللي(فالنجف) عود لجا
ماباقي الا أعلمك وشلون تقرأ وتهجا=حيل الله أقوى ضاع قبر ادم على ذريته

حنا قبل ما ننزل الغبه نقيس العمق قيس=وبين النجف وخمال جف البير والساري سرى
والنكبه اللي جبتها من بعدها رحتوا(مريس)=ولا تحسب انك جبت رأس الزير والساري سرى
[/poet]

[الحازم]

اخوي ضمن استلم لاهنت

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ياضمن ابن عواد أنا حاضر وأبومقبل حضر = لكن لايكثر سؤالك وين ياسيد الخضر
اللي بدا جاب الندا واللي بقى بدو وحضر = فوق البسيطه ضاع قبر آدم على ذريته


الدر في عمق البحر والطب عند ابن النفيس = ليتك تعرف اللي بقاع الزير والساري سرى
في يوم واحد شهر واحد وافقت ليلى وقيس = وانته بوسط السيل تدهن سير والساري سرى
[/poet]

[ضمن السناني]

خلوووووووووووووووووها[poet font="Simplified Arabic,5,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
حاضر وأنا حاضر وحضر ياصحيبي صاحبك=ان كان نزلت فاللحى وان كان علت شاربك
ووقتك ترى روح سدى مافاد به تجاربك=حيل الله أقوى ضاع قبر ادم على ذريته

لجل أيش أبو يحيى يسوم الرخص فالشي النفيس= ولا تحسبن العيص في عسير والساري سرى
مادري سببها يابويحيى صاحبك والا الجليس=وأنت تعرف اللي نفخ بالكير والساري سرى
[/poet]

[الحازم]

الله الله استلم لاهنت

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
لو عاد وقت الجاهليه كان شفت الأصمعي = ماهو بمثلك لو يطوف البيت ماكمّل سعي
وان كان ضاع الوقت دون الفائده وانته معي = فوق البسيطه ضاع قبر آدم على ذريته


لاتنزل بسوق الغلا خلّك على الحب الهريس = شكل الرحى تراه مستدير والساري سرى
ترى السبب فأم الكباير يوم تكسر قرن تيس = وأظنّك اللي عارف التعبير والساري سرى
[/poet]

[ضمن السناني]

خلوووووووووووووووووووها[poet font="Simplified Arabic,5,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
رمز الاشاره جاك مرسل عبر موجات الأثير=وأنت تحسب الحرف الأول ينقري مثل الأخير
مشكله والمشكله مافيها لا حل ومصير=حيل الله أقوى ضاع قبر ادم على ذريته

حنا صرفنا لك ذهب من بنك جاك فوسط كيس=مير أنت في وصفه ترى غرير والساري سرى
وأم الكباير تحكم اللي فوق حقه مايريس=من بعد ماطاح وسرى الخبير والساري سرى
[/poet]

[الحازم]

اخوي ضمن

تفضل لاهنت

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
النجم يكبر والقمر باقي على منزالته = والشيخ قال ان الحقايق حطّته ماشالته
وأنا بأقول العلم واضح والبقاء في حالته = فوق البسيطه ضاع قبر آدم على ذريته


بعض العرب مانام ليله والبعض ينعس نعيس = لكن ويش نهاية التفكير والساري سرى
أنا لقيت ان السناني قام يرضع طرف ديس = في واحده ماتعرف التخدير والساري سرى
[/poet]

[ضمن السناني]

خلوووووووووووووووووووووها[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=2 line=200% align=center use=ex length=0 char="" num="0,black" filter=""]
مادري علام الحازم علومه صارت ماهي صحيح=نوباً يقول القاف بالاوردو ونوباً بالفصيح
أحسن يعود للشفاء و لقامت الهيه يصيح=حيل الله أقوى ضاع قبر ادم على ذريته

بعض العرب نفسه طفيسه مايشوف الا الطفيس= ومادري من اللي راح فالنفير والساري سرى
وأنت ترى رجل أجودي لاشك مغويك الخسيس=والخزنه اللي دونها الخفير والساري سرى

[/poet]

[الحازم]

خلوووووووووووووها

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
ياللي تقول الأجنبي وش همّته من همّته = يازين علمه لاتكلّم قال عمّه عمّته
ماأشره عليه أشره على اللي ديرته مالمّته = فوق البسيطه ضاع قبر آدم على ذريته


واحد يجي ويروح والثاني بيعفسها عفيس = وأنته مابين الخط والتعبير والساري سرى
أظنك اللي عارف ان أصل التعاسه للتعيس = لكن ماينفع لك التحذير والساري سرى
[/poet]