ــــــــــــــــــــــــــــــــ بعض ـــــــــــــــــــــــــــــــــــــــــــ

[نجـــــم الشمـــــال]

//

////

بعض البشر يا..... يذبـح غيابـه

..........لوهي دقيقه كنهـا غـاب عاميـن

وبعض البشر لو غاب محدن درابه

..........موجود واللى غايب(ن) وش يدرين

وبعض البشر بالخير كل(ن) حكابه

..........يشهد له القاصي ويشهد به ادنيـن

وبعض البشر طاريه تلقـا سبابـه

..........في كل مجلس ينطرى فعله الشيـن

وبعض البشر غرك بلبست ثيابـه

..........ولامن هرج ودك تلوحه حصاتيـن

هرجه مثل بوم(ن) يصيح بخرابـه

..........لامن رطن يفتح سـدود المغيبيـن

بعراض كل النـاس ينهـش بنابـه

..........مستسعر(ن) بلحومهـا والدماميـن

على النمامـه يالربـع هـج بابـه

..........في مجلسـه دلـة نمايـم يقهويـن

وبعض البشر ذيب(ن) ربا مع ذيابه

..........منزالهم روس المراقيـب عاويـن

في خوتـه تلقـا طبوعـه ذرابـه

..........منطوق هرجه مختلف فيـه اثنيـن

في عشرته تلقـا الوفـا والحبابـه

..........وقت الشدايد عزوته رمح وسيفيـن

في مجلسه تلقا السوالـف دعابـه

..........وفي طاعـة الله دوم حنـا مبديـن

نخشا من الله وخايفيـن(ن) عذابـه

..........دنيا الفنـا يـوم الخلايـق مقفيـن

وصلاة ربي عـد بـرق السحابـه

..........على النبي اللي على الناس هاديـن

مماراق لي

[المعلم]

شكرا نجم الشمال
وبارك الله فيك

[نجـــــم الشمـــــال]

المعلم
هلا وغلا
مرورك اسعدني