الطرف الكحيل

[ازدي]

شكل العباة ورزة الأمتان والخصر النحيل
بعض البشر هذي مقاييس الجمال ان قاسها
ينظر ببنت الناس بعيونه وتقل انه هبيل
يقــــــزها في نظــــــرته من رجلها لاراسها
ويقول هذي ما بعدها لاقصير ولا طويل
ياليتـها من ناســـنا وياليتـــنا من ناسها
مايدري ان الشكل ماهو للحلا بصمة دليل
بعض البشر مســـتعجله في حكمها واقياسها
البعض فيها الشين واجد والحلى فيها قليل
متعاقبـــات عيــــونها متخـــالفــاـت اضراسها
لا الصبح زود في حلاها ولابها قبله بليل
ودك ترحلها على مدراس وتظلى ورا مدراسها
الزين في حمر الخدود ونظرت الطرف الكحيل
اللي وصـــايف زينـــــها تكمـــــــل بطيّـب ساسها
اللي شــفاها من حلاها مثـــل ذوب السـلســبيل
واحلى العطـــــــور اللي تذعذع من عبير انفاسها
ماكنها الا لولو البحرين الأصلي في محيط الأرخبيل
والموج حــايل دونها وتصعب على غواصها
يفتح الأعمى لرويتها وتبري علة القلب العليل
من زينها اللي مكتـــــمل في ذوقها واحساسها
ومن العذارا اللي تضم الدائره لاما تعود مستطيل
هذيك تأخــــــــــذ من مزايـــاها وقوة باســـها
المستحيل بوصفها وهي كلها من المستحيل
لو ســــابقة بالزين تاخــــــذ بالمزاين كاسها
لكن المفيــــد المختصـــــر كأنها نجمة سهيل
ماحـــد يجي في زينــــــها كلمــــه مابين اقواسها

[محمد الربياوي]

مايدري ان الشكل ماهو للحلا بصمة دليل
بعض البشر مســـتعجله في حكمها واقياسها
فعلا شي رائع .
تسلم الايادي

[محمد العنيني]

من قوة هذه الابيات لا استطيع التعليق

من اجمل ما قرأت

ابو ريم

[ازدي]

شكرا لمرورك ياابو ريم ولاتبخل علينا بنقدك الهادف الجميل

[ابن شليويح]

بارك الله فيك اخوي وبيض الله وجهك

[ازدي]

شكرا جزيلا لمرورك ياابن شليويح تحياتي

[زعيم المجالس]

شكرآ علي العبارات الجميلة ويعطيك العافية

[صقر ثقيف]

مشكورخوي على الابيات الجميله

تقبل تحياتي