قصيده للشاعر محمد هليل الجهني

[غريب الشرقيه]

هذه القصيده للشاعر محمد هليل الجهني وهي تعبر عن نفسها




[poet font="Arabic Transparent,5,black,bold,normal" bkcolor="transparent" bkimage="backgrounds/19.gif" border="groove,10,sandybrown" type=2 line=200% align=center use=ex length=0 char="" num="0,black" filter=""]
انا البارحه يومـن كلـن هجـع ليلـه = وكلن بامـان الله هجـع ليلتـه هـادي
قعدت اتفكـر فـي الزمـان وتهاويلـه = وهمتني اشياء مـن قديمـات وجـدادي
بديت الطريـق بحمـد ربـي وتهليلـه = وجاوبت صوت الورق مع صوته الشادي
اذا الوقت في يومـن تضـرك معاويلـه = يد الله من فوقه لهـا هـدي وامـدادي
عسى البارق اللي دوبها عينـي تخيلـه = على ديار من له فالحشى حـب وودادي
وعسى المزن يسقي دارمبعـد منازيلـه = سخي المناشي عذبهـا مقبـل وغـادي
مراهيش نـوه صادقـه فـي مخاييلـه = يمسي قفـارن ممحلـه تصبـح بـلادي
تدافع مزونه واشهـل البـرق يوميلـه = تساوق مزونه بامر من ربـك الهـادي
ولنـه كمـل مزنـه تلاحـق هماليلـه = يعم الفياض ويسقـي الارض لاجـادي
كريم الغمام ان سـال ماضربـه سيلـه = على ماأقتضاه الامر مقصـر ومتمـادي
وهمن بقلبـي ماسعفتنـي بـه الحيلـه = ومن يومها والعقل والقلب في جهـادي
قسـم بالـذي كـل الخلايـق تصليلـه = وله من عبـاده حـي ركـع وسجـادي
انـا فدوتـه لاسلهمـن لـي مضاليلـه = تقول ان تحتي قاسـي الارض ينمـادي
ملكني بزينـات النبـاء مـن تعاليلـه = وكتبني علي درب الهوى سقم الاجوادي
تقافت بـه الايـام وابطـت مراسيلـه = ولاشي خبر يفرح به الظامي الصـادي
حسين الوصايف سيد الغيد فـي جيلـه = وماتقاه من زينه علـى زينـه البـادي
والذ الموسيقـا رنتـن مـن خلاخيلـه = لها موقعن فالنفس مـا اقولـك عـادي
أنا من زمـان العـام عينـي تراعيلـه = عسى يـوم فرقـى للموديـن ماعـادي
عليه اتوجد كـل يـوم وطـرف ليلـه = وعليه اتضوع كن بـي سقـم يـزدادي
ولا لك بعمرن عشت وشهـي تفاصيلـه = عسى يابن ودي مابعمـرك لهـا قـادي
اذا ليلي اضواني ركب هاجسـى خيلـه = ودالت علي هموم من جمـع وافـرادي
خيال انكـره لكـن المشاعـر تواليلـه = وله موقعن في داخل الـروح وفـوادي
خيال انهـره لكـن المشاعـر تهليلـه = يخاوي كراي ويمنعـه حيـن يرتـادي
خيالن يخج القلـب لـو كـان ياويلـه = بنضرة عيونه شفت موتـي وميـلادي
تصبرت مير الصبر ماجـت محاصيلـه = وعيت ليال الصـوم تختـم بالاعيـادي
عسى يوم من عذبات الايـام تصفيلـه = اذنه حصل ماراح من عمـر لـه فـادي
على العهد لو كان شفتـه ولـو ليلـه = لا اسوق المشاعر كلها كاش واقصـادي
وانا يوم جاء للفكر هاجـس يخاويلـه = ولد يعجبك وان قلت شاعـر وقصـادي
يقوم المقام ويعطـي الحـرف تكميلـه = واذا هو تقدم موقعـه فـي اول النـادي
اذا طـاب كيفـه يـوم دنـت معاميلـه = على جـال موقـد فيـه دلـه وبـرادي
وصبه ظريفن حاكم البـن مـع هيلـه = ومسوى على جمر الغضى والغضى قادي
تعال استمـع وافهـم وحلـل تماثيلـه = وقوم اقنع العصفور عن صوته الشـادي
ولد يدعي حروف القصيده وتاتـي لـه = اذنه بغاهـا جـاه مـن طيبهـا كـادي
ولاكل شاعر تاخـذ النـاس مـن قيلـه = مثايل لهـا مـع سايـر الحـي ردادي
ولاكل عاشق يـوم يعـرض مواويلـه = صدق في هواه وجاك علمه على وكادي
وانا لوحزمت الامر فـي يـوم باجيلـه = تناقلني النشره علـى موجـة الـرادي
حواسيد ودي حطـوا الشيـش تقفيلـه =وحطوا محطـه للاذاعـه والارصـادي
كذا كل عاشـق يـوم تكثـر عواذيلـه = يواجه بناسن همهـا صنـع الاحقـادي
وانا مابسوق الرجـل ميلـه ولاعيلـه = ولاكـل دربـن يمهـا الرجـل تنقـادي
ولالي طلـب فـي حاجتـن ماتواتيلـه = لكن الموده سقمها فـي الحشـى بـادي

[/poet]
مع تحيات غريب الشرقيه المتربع بين الينبعين

[ZEYAD]

شكرا على ايرادك القصيده .... وصح لسان القايل

[إبراهيم الدبيسي]

مرحبا بك ياعاشق الشرق

ومرحبا بالشاعر محمد هليل الجهنى

ونتمنى أن نرى جديده وابداعاته

[نجم الشمال]

قصيده جميله وصح لسان الشاعر محمد هليل وشكرا للكاتب