تو .. طين
وش عاد يا دار ٍ بها صار ( توطين )
و في مكتب التوظيف سوسن و ميسون !
مديرهم مدحت و نائبْته نسرين
و على الرسبشن حمّص و فول و زيتون !
كل ما اتصلت اسمع ( الو مرحبا مين ؟
بدّك وظيفه ؟ .. مين دلّك على هون ؟ )
اقول انا لي اتصل صار شهرين
و انتوا وعدتوني متى بس توفون
اسمي ( مواطن ) ( جامعي ) طيب و زين
كني ابخطب عندكم و اتّغلون !
عندي شهاده طايحه بجبدي سنين
عشش عليها شي له ستة عيون !!
لو للشهاده لسان قالت ( على وين
ناوي توديني .. تلف فيني الكون ؟ )
من كثر ما صورتها غارق بدين
للهندي راعي المطبعه صرت مديون
لا ليلي ليل ولا نهاري نوى يبين
دقيت راسي لين ما صرت مينون !
مطلوب خبره عالأقل في مجالين
ولا تجينا بواسطه و سير مدهون !
ولا انثبر في بيتك .. افرك بكفين
يومك يشابه امسك و عيش مغبون
تعدادنا ويّاهم اربع ملايين
و اهل البلد للحين ما صاروا مليون !!
ويلاه من باكر اذا وضعنا الحين
و احنا اقل من الربع حالنا شجون !
و اللي ابتسم له حظه والله مسكين ! حصّل وظيفه .. بس في وين .. تدرون ؟
ساكن في راس الخيمه .. حطوه في العين !!
و اللي سكن في الذيد .. في السلع مدفون !!
يشوف اهله بس في الأسبوع يومين
و اذا حسبتوا الدرب كم ساعه .. تبكون
يعني في كل احواله ذاق الأمرين
شغّال محزون و بلا شغل محزون
و الأجبني اللي راتبه فوق عشرين
فله و سياره و تذاكر .. و طاعون
عنده بدل كل شي عالراتب الفين
حتى بدل معجون اسنان و صابون !
و من بعد ما يجمع من بلادي فلسين
و يربّي م القعده على الكرسي بطون
و يصير في بلاده غني و عنده برجين
يرحل و هو جاحد .. و كم مثله ملعون !
و حتى الجماعه قوم مدحت و نسرين
مردّهم لبلادهم لو يطولون
يرضون بشوية دراهم .. و شفتين
صبح و عصر .. لو حتى في الليل يرضون
بس لو سمعتوا همسهم بينهم بين
وسط القهاوي يلعنون و يسبون !
لا تحسبوني عنصري .. كلنا طين
و الخل لو عاتب محبينه يمون
داري و انا اولى بها من الغريبين
ما يوصلون لحبها لو يموتون
و ( الأقربون اولى ) .. كلام ٍ من الدين
ما جبته من شعري مع الهام و ظنون
ولد البلد ما يبغي لبلاده الشين
بالروح بالدم يفتديها ولا يخون
لكن سؤاله يوم قلتوا له ( توطين )
يا كيف بيد الغرب توظيفه يكون ؟؟!!
شعارهم معروف ( راجعنا بعدين )
و باين من التأجيل .. انهم يخافون
اذا معك خبره .. يا اهلين و سهلين
و اذا شهاده بس .. عنك يصدون
ما عندنا شاغر .. و بطلنا تعيين
ولو تحرق الهاتف ترى ما يردون !
من وين اجيب الخبره ؟ من وين من وين ؟
دام الوظيفه عند سوسن و ميسون !
عندي بمطبخ بيتنا خبره سنتين !
تنفع اذا صاروا المطاعم يوطنون ؟؟!
ولا اهاجر و آخذ الخبره في الصين ؟
صح العيون صغار .. لكن يقدْرون
سؤال يا دار ٍ ..صراحه بترضين ؟
اني اسافر و اطلب الغرب لي عون ؟
و سؤال يا ناس ٍ على الراس و العين
صدق الوظايف واسطه و سير مدهون ؟
اما الجواب الشافي يجيني الحين
او هاتوا تأشيره .. اذا كنتوا ترضون !
أهلا وسهلا بك إلى المجالس الينبعاويه.
النتائج 1 إلى 5 من 5
العرض المتطور
-
20-09-2006, 06:12 PM #1
عضو مجلس نشط
- تاريخ التسجيل
- Jul 2002
- المشاركات
- 693
- معدل تقييم المستوى
- 23
خليجى يبحث عن وظيفة فى بلده 00 فماذا قال 0
-
21-09-2006, 01:55 PM #2
مشرف شؤون التربية والتعليم
- تاريخ التسجيل
- Jul 2005
- المشاركات
- 3,100
- معدل تقييم المستوى
- 23
شعارهم معروف : راجعنا بعدين !!!!!!!
صدقت والله .......
أزمة بطالة في بلادنا .. من يصدق هذا ؟؟؟؟!!!!!!!! كيف يُعقل ؟؟؟؟؟!!!!!!!!!
-
21-09-2006, 02:59 PM #3
عضو مجلس
- تاريخ التسجيل
- Sep 2006
- المشاركات
- 296
- معدل تقييم المستوى
- 19
زي مايقولون الحال من بعضه ,,,,,,,,,,,,,,,,,,,,
لكن مانقول غير,,,,,,,,,,,,,,,,,,,,
ياليل مطولك.........................
-
21-09-2006, 03:11 PM #4
عضو مجلس نشط
- تاريخ التسجيل
- Sep 2003
- الدولة
- بدر
- المشاركات
- 528
- معدل تقييم المستوى
- 22
الله يعين الجميع
[poem=font="Arabic Transparent,6,#FF5C00,bold,italic" bkcolor="" bkimage="images/toolbox/backgrounds/1.gif" border="double,5,#400000" type=2 line=0 align=center use=ex num="0,#400000"]
ودنا بالطيب بس الدهر جحـاد طيـب = كل ما تخلص مع الناس كنـك تغشهـا
يدك لامدت وفاء لاتحرى وش تجيـب = كان جاتك سالمه حب يـدك وخشهـا [/poem]
-
22-09-2006, 01:59 AM #5
شاعر المجالس الينبعاوية
- تاريخ التسجيل
- Jul 2004
- المشاركات
- 9,176
- معدل تقييم المستوى
- 30
على الله
الصبر ياجماعة الربع
رد مع اقتباس
ضوابط المشاركة
المجالس الينبعاويه
الساعة الآن 05:55 AM
CompleteVB skins shared by PreSofts.Com
المفضلات