محاورة بين الرئيس الهندي والرئيس الباكستاني

[ضمن السناني]

هذه المحاورة جرت بين الرئيس الهندي اتال بيهاري فاجبيي

والرئيس الباكستاني برويز مشرف في جو مفعم برائحة التوابل

والشطة مما زاد المحاورة حارة وقوة علما بأن المحاورة جرت في

الهندى كما يبدو لي لأن الترحيب بدأ به الرئيس الهندي والمعنى

الظاهر والله أعلم حول كشمير والمعنى في بطن الشاعر[poet font="Simplified Arabic,4,darkblue,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
الرئيس الهندي اتال بيهاري فاجبيي
يامرحب ياهلا ترحيب عد الرمال= ترحيبه أرفع بها صوتي وأهليبها
بأهل الوفا اللي لفونا من يمين وشمال=قلوبنا لجلهم زادت تراحيبها
الرئيس الباكستاني برويز مشرف 00خلووووها
فيك البقا بعد ما جينا لكم يا اتال=فالحله اللي تنور في معازيبها
حنا لفينا على كلمه وصفر الدلال=وكل(ن) يعرف اللحون اللي يغنيبها
الرئيس الهندي
برويز مشرف يبي يصدم بروس الجبال= وقمة افرست من هقوته يسريبها
مار الجبال العسيره صعبة فالمنال= ولاكل قمه يبي يقدر يعديبها
الرئيس الباكستاني يلوح في سبحته غاضب خلوها
آنا ترايه مجود في عمام وخوال= من قوم أهل هقوه مجود مناسيبها
وقمة افرست نرقاها على كل حال= وبشأيت الله نبي نحكم مشاريبها
الرئيس الهندي 00خلوها بس خلوها
والنعم فيكم ولابك شك والاجدال= رجال من عزوة(ن) فالجود ياطيبها
لاشك ماأنته راقيها في رموث الحبال=هذي حقبقه وكل الناس تدريبها
الرئيس الباكستاني يفتل شاربه بغضب خلوها
القنبله عندنا كان أنت ناوي القتال=وشيب عينك من الأيام وآشيبها
وان صار (زنجال) مالك غير روح وتعال= وتهزهز ارأس في (اتشه) وتوميبها
الرئيس الهندي 00خلووووووووووووها
ابن مشرف تنوى للعلوم الثقال=(ناهي وناهي)ترى ماهوبداريبها
والجوهره دونها ياابن مشرف رجال= من دونها تاقف رجال بمشاعيبها
الرئيس الباكستاني بغضب شديد خلوهههههههها
آنا نصحتك لاشك اليوم مافيك فال= والحر يفهم معاني ومكاتيبها
معك ترى مهله تفكر ثلاثة ليال= ومن عقبها نكتب الحجه ونمضي بها
الرئيس الهندي
اللي طلبته ترى ياابن مشرف محال= وبعض البشر ياولد صعبه مطاليبها
والبرق يبرق يمين ونظرتك للشمال=وعنك العلوم الثقيله ياولد سيبها
الرئيس الباكستاني 00يلوح بسبحته بعنف
ان كان فيه المطالب ما يضيع الحلال= والحق لامايضيع ان كان توحيبها
والبرق أخيله عسى عينك يجيها الخلال=ولا العواقب وخيمه ماأنت داريبها
الرئيس الهندي 00بضحكه صفراء ماكره
ان كان هذي علومك قوم شد الرحال=والجوهره وسط خزنه دونها ذيبها
وياابن مشرف ماعاد اليوم فيها مجال=ولاعاد فيها علوم تروح وتجيبها
الرئيس الباكستانب 000خلوووووووووووووها
أثرى الردى في عروقك جعلكم للزوال=والهند لاعاد ترسلي مناديبها
والجوهره دونها حد السيوف الصقال=وخلفي صقور(ن) عطيبات(ن) مضاريبها
وفي هذه الأثناء تدخل الرئيس البنقالي وغير الوسيم
[/poet]

[الجهني]

الله يعطيك العافية ياضمن على هذه المحاورة الرائعة 0


ترى المحاورة هذي ماجرت في الهند مثل ماتقول 0 هذي طال عمرك جرت في باكستان في قرية يقالها ( ديباهيه ) تبعد عن عاصمة باكستان حوالي 180كلم شرقاً 0 وكانت المناسبة زواج ابن عمة خالة برويز واللي خلا الهندي يبدآ بالترحيب هو تقدير للرحم اللي بينهم لأن ابن عمة خالة برويز آخذ بنت خال عم ( أتال بيهاري ) وتراك انته كنت معزوم وسألني عنك برويز واعتذرت له وقلت له الرجال يدرس في ضبا وتراني اعطيته القويدة بالنيابة عنك واعتذرت له 0

[أبو ياسر]

[poet font="Traditional Arabic,6,blue,bold,italic" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
(نـاهــي ونـاهـي)تـرى ماهوبـداريـبـهـا
[/poet]

ضمن والجهني معزومين في فرح في باكستان
والله لو ماهو الليله رديح الهومي وفيه من الشعار العدد الكافي
لكان عزمنا الرئيس الهندي والباكستاني وكل واحد ياخذ لحن ونسميه لحن ( البنجاب ) ولا ( الكشميري )

[ضمن السناني]

الأخ الجهني

هلا وغلا

أما قرية(ديباهيه) يعرفها صديقنا أبو ياسر لأنه كان معزوم مع

مسعد فيها على نفس الحفله وأخذه وسيماً زين مع الرئيس

الافغاني قبل000