الـبــروفــة ..

[صالح السناني]

زملائي الكرام السلام عليكم ورحمة الله وبركاته
أعتذر لكم عن الغياب واليكم هذا النص متمنيا له
شرف استحسان ذوائقكم الرفيعه .

[poem=font="Simplified Arabic,6,red,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]

ياليت يرجع لي من العمر مافـات=وآخذ مع الأزمـان قبلـه بروفـه

[/poem]
[poem=font="Simplified Arabic,6,red,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]



ولا قلت آه وليت وشلون , هيهات=ولا حاف قلبي بالعنـا مايحوفـه
ولا كانت الطّيبه طريق العذابـات=ولا صدّقت رجلي وتيـرة دفوفـه
دِبره , وبالدّبرَه حرام الحسوفـات=أستغفرالله والقضا , مـن يطوفـه
ألغيب لـ-الله والمقادير خطـوات=فوّضت الامر لمن غريمي يشوفـه
مرّات آوِنّ وأكضم الغيض مـرّات=وآقـول لابـدّ الليالـي تلـوفـه
أشرب عذابات العنا وآجْلِد الـذّات=بالحِلم واخلاق الصّبور وعُزوفـه
أمِدّ فنجال الوفا ومعـه بَسْمـات=ويساق فنجالـي وسمّـه بجوفـه
آزَيّن الشِعـر ومعانيـه صلفـات=وأضحك وانا موتي عيوني تشوفه
بعض الرضا جوعٍ وزاده مـرارات=وانْطر شـروقٍ ماتجـلاّ كسوفِـه
ألحّن ابياتـي والانغـام حسـرات=حتى لو طْروقـي علـيّ مْعَزوفَـه
أفرَح ليا شِفت البشر في مسـرّات=حتّى لمِن سَدّد بصَـدري زروفـه
آقـدّم سنينـي للاحـداث باقـات=وآشوفَهـا منّـي بليّـا كلـوفـه
إسنين من عمري ودَربي متاهـات=ورجاي عَدْل اللي تعَلّت وصوفـه
مامِن يصَدّق كيف انا عِشت بالذّات=ولا احْدٍ قبل يومه تطوله حتوفـه
ضاقت بدفتر قِصّتي كـل الابيـات=وبانت ملامح غربتي في حروفـه
لـضاقَت الدنيا أقَمْت الصّـلاوات=لـ,اللي رضيت بعِلّتي لجل خوفه
لو الشّعِر عبّر عن الحِمْل لَحْظـات=كان إحتَرَق واعلَن قصيدي خسوفه


[/poem]
[poem=font="Simplified Arabic,6,red,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]




[/poem]
[poem=font="Simplified Arabic,6,red,bold,normal" bkcolor="white" bkimage="" border="none,4,gray" type=2 line=0 align=center use=ex num="0,black""]


[/poem]

صالح السناني (شاعرالغربة)

[المعلم]

شكرا أخي شاعر الغربة
وسلمت على هذا النبض الحي والوجدانيات الجميلة
دمت بخير

[مجدولين]

آزَيّن الشِعـر ومعانيـه صلفـات
وأضحك وانا موتي عيوني تشوفه

لو الشّعِر عبّر عن الحِمْل لَحْظـات

كان إحتَرَق واعلَن قصيدي خسوفه

الله .. الله .. الله

ماشاء الله لاقوة إلا بالله

كلمات في الصميم

أبدعت وتفننت في طرحك أستاذنا وشاعرنا الفاضل/ صالح السناني

كلمات قمة في العذوبهـ والاحساس الرائع والراقي

بوح قلم جوهري وتألق وتوهج دائم إن شاء الله

سلمت يمناك وربي يعطيك العافيه

[أبو رامي]

شكرا شاعرنا القدير على هذا البوح
وكان الله في عونك فما زلت تشكو من الغربة حتى بعد أن ألقيت عصا الترحال واستقر بك النوى وقرت العين بالعودة ولكن هكذا هي أحاسيس الشاعر واضطرام لواعجة
نتمنى لك دوما سكينة النفس وطمأنينة البال
ولا تحرمنا من هذا البهاء

[مخاوي الهوجاس]

شكرا أخي شاعر الغربة
وسلمت على هذا النبض الحي والوجدانيات الجميلة
دمت بخير

[دايم الطيب]

صح لسانك يابوفايز

[فرج الصبحي]

رااااائع ياشاعر الغربة هذا الابدااااااااااااااااااااع