هذه الأبيات عبارة عن هدية متواضعة مقدمة للأخ العزيز

[عين سلمان]

[/poet]هذه الأبيات عبارة عن هدية متواضعة مقدمة للأخ العزيز / سالم بن عايد الفايدي [poet font="Tahoma,4,deeppink,normal,normal" bkcolor="transparent" bkimage="backgrounds/22.gif" border="ridge,4,indigo" type=2 line=200% align=center use=ex length=0 char="" num="0,black" filter=""]

باليوم الأقشر يعرفون الرجاجيل = ولولا الشدايد ما انكشف معدن الناس
والطيب صعب وفي طريقه عراقيل =دربه وعر ما يسهجه كل عساس
رجمه على الراقي صعب المواصيل =اللاش لا شافه هقاويه تنحاس
ماهو بحاصل للردي بارد الحيل =ما يصله الا محكم البني والساس
اللي لكسب الطيبه يسهر الليل =ويتعب تعب لاعب يبي يأخذ الكاس
شرواك يا نسل الرجال المشاكيل =اللي لهم بين الرجاجيل نوماس
وقت السنين أم العبر والتهاويل =أفعالهم وأمجادهم ترفع الراس
بالسلم للضيفان ريف ومداهيل =وبالحرب يسكون العدو مر الأتعاس
مداتهم تسمن ظهور المهازيل =وصفقاتهم تقلع صماصيم الأضراس
يا بو طلال الطيب يشبه كما قيل =زرعاً يثمن قيمته كل غراس
وانت زرعت الطيب وأوفيت بالكيل =بالعون ماعمر الذهب عود نحاس
باقفايه أصحاب الرخا والتعاليل =أقبلت بالفنجال جلاي الأعماس
فنجال طيب بدل الحال تبديل =فرج على مهموم في لحظة الياس
زارع زرعله زرع ما اطلع محاصيل = في منكر المعروف معدوم الاحساس
أعوج عواجه مانفع فيه تعديل =ولاني مدور ربح من بنك الافلاس
وبأسباب معروفي جرتلي بهاذيل =وأدخلت سجن ومن حواله حراس
وبجيتك حصل الفرج والتساهيل =وانفك عني باب محكم بترباس
وفيت يا سالم وكملت تكميل =ما أنسى جميلك دام يجرن الأنفاس
يا ليت مثلك لو ثلاثه بها الجيل =يا حر نادر بالوصايف وقرناس
[/poet]مع تحيات / أخوك / حمد عشيش الحمدي

[الريفي]

الاخ حمد عشيش الحمدي
حبيت ادخل على هذه المشاركة واسجل اعجابي الشديد لهذه الابيات الرائعه بروعتكم ايها الغالي ويستاهل الاخ سالم الفايدي
تحياتي
اخوكم
محمد جميل الريفي