أصعب سؤال اللي جوابه للأسف مثله ( سؤال ) !!

[دايم السعد]

[align=center]أصعب سؤال اللي جوابه للأسف مثله ( سؤال ) !!
------------------------[/align]

[align=center]الشاعرْ / الشابْ . محمد بنْ جارالله السهليْ .. !
فيْ إحدى قصائده الأكثر من رائـعة .[/align]

[align=center]( أصعب سؤال ) اللي جوابه للأسف مثله ( سؤال ) !!
ما هو تفلسف !! إلا موقف صار واسمع " ثاني بيت "

البارحة يومه سأل :( وش ذكرك ذيك الليال ؟ )
كان الجواب بكل بساطه : ( من متى أصلا نسيت ؟ )

ادري بان جمع ( الصعوبة والبساطة ) شي محال !!
لكنها صارت كذا ! واللي ( أهم ) إني دريت

إن الحياة فبعد أحبابك إذا جف الوصال
اتعيشها لو تقتنع انك خلاص أصبحت ( ميت !!)

يا صاحبي لو كل شي يمر بالخاطر يقال
ما كانت العبرة تولجني إليا منك طريت ؟!

شفني قدرت احبس دموعي بس ( دمع القاف ) سال
ويا كبرها ساكت ولكن داخل أوراقي بكيت !!

عمر الحكي ما كان دافي لا ابتدى بقولة تعال
لجل اتجاهل رجفة حروفي اليا مني حكيت .

الحال في بعدك قسم بالله ما اسميه حال
انوي على الضحكة وأحس كلي خطا لا ني نويت ؟!

أتصور انك من رحلت أشوفك لجسمي ظلال
لا شفته امشي ببتعد وأثره معي مهما مشيت !!

مدام يعني في بحرك لفرحتي مليون جال
وش فيه موجك ما ركد ؟ قربت أموت وما رسيت .

يرضيك ما عادت معي تفرق إذا جالك مجال
لأني اقتنعت انك نهاية واني ببطي ما بديت !!

صرت ( اعقد حجاجي ) إذا جابوك بأطراف الجدال
وأنا قبل لا قالوا اسمك كني : ميت ثم حييت .

تعبت أعيش الدور وافتح للمعاذير الخيال
وأتخيل إني جيت في بالك وبانك استحيت .

وترد لي كلك وله وتقول : ( كن البعد طال ؟ )
ومن الفرح ما عاتبك وأقول : ( ياخي ما بغيت ! )

حتى وأنا تخيل حشمتك ! لن قلبي لا يزال
يكرر اسمك داخل أعماقي بنبضه لا سهيت .

قلي شسوي فيك ؟ وإنت بداخلي اصدق مثال
للحب وإحساس القصيد إن عانق الليل وسريت

ربي يصبرني على الفرقى مدام الحظ مال
وإنت بيجيلك يوم تعرف ليه في بعدك شكيت .

وإذا بلاك الله وعذبك اشتياقك بس تعال
واقرى القصايد في غيابك كل أبوها بيـــت .. بيـــت .

بتدري إن أصعب سؤال اللي يجي رده سؤال
لا قلتلي وش ذكرك ؟ ثم قلتلك متى نسيت ؟[/align]

[المعلم]

أتصور انك من رحلت أشوفك لجسمي ظلال
لا شفته امشي ببتعد وأثره معي مهما مشيت !!

مدام يعني في بحرك لفرحتي مليون جال
وش فيه موجك ما ركد ؟ قربت أموت وما رسيت .

يرضيك ما عادت معي تفرق إذا جالك مجال
لأني اقتنعت انك نهاية واني ببطي ما بديت !!

صرت ( اعقد حجاجي ) إذا جابوك بأطراف الجدال
وأنا قبل لا قالوا اسمك كني : ميت ثم حييت .
شكرا دايم السعد