دعاني اكبر شاعر في جهينه

[ناصر المحياوي]

هذه القصيده قلتها في حفل الشيخ /عبدالكريم الحمدي بمحافظة ينبع
بعد ان تلقيت دعوه بالمشاركه من شاعر جهينه الاستاذ/محمد متروك السناني
وتشرفت بتلك الدعوه الكريمه من رجل كريم
واليكم القصيده امل ان تجدوا بها ماينال شيئا من استحسانكم





[poem=font="Simplified Arabic,6,black,bold,italic" bkcolor="transparent" bkimage="" border="groove,7,deeppink" type=0 line=0 align=center use=ex num="0,black"]
قبل ماينطـق بالقصيـد لسانـي=اقـول بسـم الواحـد الديانـي
وان مابديت الشعر بسم الخالـق= لاخير فـي شعـري ولاقيفانـي
الواحـد اللـي لاالـه غـيـره=الواسـع المتقضـل الرحمانـي
احمدك واشكـر نعمتـك ياربـي=ياذا الفضل ياوالـي الاحسانـي
وصلى الله وسلم على ابو القاسم=الهاشمـي القرشـي العدنانـي
نبينا المبعـوث هـدي ورحمـه=اللـي اتـى بافضـل الاديانـي
اللـي دعـا لعبـادة الله وحـده=وقضاء على الاصنام والاوثانـي
صلى الله وسلم عليـه وبـارك=اعداد مايورق مـن الاغصانـي
من بعدها ادعو ربنـا سبحانـه=الواحـد اللـي انـزل القرانـي
يحفـظ لنـا دار ربينـا فيـهـا=دار النبـوه مولـد الايمـانـي
يارب عز اطهر وطـن بالدنيـا=مابه وطن مثله مـن الاوطانـي
دار بهـا مكـه وفيهـا طيـبـه=دار اهل العوجا وستـر العانـي
بـلاد يحكمهـا الملـك عبـدالله=وولي عهـده شيخنـا سلطانـي
الله يحفظـه للمسيـره قـايـد=زعيـم قـاد القافلـه باتقـانـي
صقر العروبه يحكم بشـرع الله=وياقف بوجه الظلـم والعدوانـي
وولي عهـده بـارك الله جهـده=هو صاحب القلب العطوف الحاني
الله ينصرهـم ملـوك بــلادي=عنوانها والفخـر لـه عنوانـي
مـن بعدهـا ترحيبنـا نبدابـه=بسم المعزب مكـرم الضيفانـي
عبدالكريـم الله يطـول عمـره=اسمه يشرفنـي بنطـق لسانـي
ترحيب بسمه للجميـع نسوقـه=مانخص فيه انسان دون الثانـي
ترحيب غالي من محـل غالـي=ترحيب مثل المسك والريحانـي
نكـرره للـي حضـر ونعيـده=نردده فـي مجلـس الشيخانـي
يامرحبـا يامسـهـلا حيـاكـم=بسم معازيب الوفـاء الاخوانـي
عبدالكريم وعوض وقت الـلازم=عن طيبهـم تتحـدث الركبانـي
الكـل منهـم فاللـوازم حاضـر=ويمـد كـف بالعطـاء مليانـي
والكل منهم فاللقاء لـه سطـوه=سطوه تبث الرعب فى العدواني
في يوم فيه يبان فعـل الفـارس=تشوفهم من خيـرة الفرسانـي
وعبدالكريـم المشتهـر بفعولـه=مواقفه تشهـد لهـا العربانـي
سمعت عن طيبه ووافـر جـوده=فعايلـه يرجـح بهـا الميزانـي
صيته رقا فوق الرفيـع العالـي=عند النجوم يشـاف بالاعيانـي
واهل العقول الراجحـه قالوهـا=من قبلنا من سالـف الازمانـي
ذكـر الحيـا والطيبيـن يبيـن=ويدري عنه قاص العرب والداني
وراع الوفا والطيب يذكر طيبـه=وماجزاء الاحسـان الا حسانـي
والطيبه تحسـب لمـن سواهـا=والمدح ماياتـي بـلا برهانـي
وعبدالكريـم المادحتـه فعولـه=وانا امدحه من قاصي الوجدانـي
وفي مدحه اسوق البيوت الجزله=وراع السمينه يستحق اسمانـي
اسرجت لشعاري خيول افكـاري=والشعر يخضع لي ولايعصانـي
وبيوت شعري تفتخر في مدحـه=والطيبيـن يهيضـون اشجانـي
بسمه بكل الحاضريـن نرحـب=ترحيب وافـي غالـي الاثمانـي
اقولها في ليـل ساطـع نـوره=في مجلس اللي بالكرم له شانـي
وانا اتشرف بالمشـارك معكـم=والله يبيض وجه مـن نادانـي
دعاني اكبر شاعر فـي جهينـه=شاعر بشعره يفخـر الجهنانـي
شاعر علم من دون اقول محمـد=معروف حتى لو ماقلت سنانـي
اشكر محمـد واشكـر معزبنـا=واشكر عوض عضيده الشيهاني
شكرا جزيـلا يارفيـع الهامـه=لك شكرنا مع خالص العرفانـي
واعيـد وادعـي ربنـا مولانـا=الواحد اللـي خالـق الانسانـي
يحفظ لنا حاكـم وطنـا الغالـي=نساللـك ياحـنـان يامنـانـي
واحفظ ولـي العهـد وحكومتنـا=يارافـع سبـع بـلا عمـدانـي
واقـول ياعبدالكريـم اعـذرنـا=ان كان جاء في قولنا نقصانـي
وختامهـا صلـو علـى سيدنـا=شفيعنا يـوم الجسـد عريانـي [/poem]

[المعلم]

بيض الله وجهك أخي
ناصر المحياوي
شاعر المجالس
قصيده جميله جدا
فيها البراعه في تطويع
القاف للأهداف
تحيتي لكم

[ناصر المحياوي]

بيض الله وجهك أخي
ناصر المحياوي
شاعر المجالس
قصيده جميله جدا
فيها البراعه في تطويع
القاف للأهداف
تحيتي لكم

استاذي القدير /المعلم

ووجهك يالغالي

سعدت وتشرفت بمرورك المشرف

دمت بالف خير عزيزئ

[ينبعاوي يجرح ويداوي]

جزاك الله خير

على القصيده و صح لسانك

[ناصر المحياوي]

جزاك الله خير

على القصيده و صح لسانك

الغالي /ينبعاوي يجرح ويداوي

ويجزاك انت بكل الخير

وصح بدنك

سعدت كثيرا بمرورك العذب

[محمد الربياوي]

صح لسانك أخوي ناصر المحياوي
كفيت ووفيت اخوي ومافيك حيله مافيك حيلة مافيك حيله

[ناصر المحياوي]

صح لسانك أخوي ناصر المحياوي
كفيت ووفيت اخوي ومافيك حيله مافيك حيلة مافيك حيله

الاخ الغالي /عاشق الاطلال

انت راع الوفاء الله يبارك فيك

تشرفت بمرورك وسعدت بكلماتك

ودمت بالف خير