قصيدة للشاعر الشريف بركات يوصي ابنه مالك

[الجهني]

اخواني هذه قصيدة قديمة للشريف بركات يوصي ابنه مالك
[poet font="Simplified Arabic,4,black,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=""]
ياالله ياللي كل الأمات ترجييك = ياواحد ماخاب حي ترجاك
يارب عبد مامشى فــي معاصيك = ولا يمشي الا في محبتك ورضاك
يامرقب بالصصبح ظليت اباديك = ماواحد قبلي خبرته تعلاك
وليت ياذا الدهر ماكثر بلاويك = الله يزودنا السلامة من اتلاك
ياللي على العربان عمت شكاويك = وليت يادهر الشقاول مقواك
يامالك اسمع جابتي يوم اوصيك = واعرف ترى يابوك بامرك وانهاك
وصية من والد طامع فيك = تسبق على الساقة لسانه لعلياك
اوصيك بالتقوى عسى الله يهديك = لها وتدركها بتوفيق مولاك
الله برب اجدادك العز يعطيك = مرضاته مع ماتمنى من امناك
احفظ دبشك اللي عن الناس مغنيك =اللي ليا بان الخلل فيه يرفاك
واعرف ترى مكة ولاها بناخيك = لو تشحذه خمسة ملاليم معطاك
اجعل دروب المرجلة من معانيك = واحذر تميل عن درجها بمرقاك
لاتنسدح عنها وتبغيني اعطيك = جميع مايكفيك ماحاصل ذاك
ادب ولدك ان كان تبغيه يشفيك = وان ضاقت امه لاتخليه يالاك
اما سمج واستسمجك عند شانيك = ويفر من فعله صديقك وشرواك
ولا بعد جهله تراهو بياذيك = لو زعلت امه لاتخليه يالاك
واحذر تضيع كل من هو ذخر فيك = معروف لاتنساه واوفه بعرفاك
ترى الصنايع بين الاجواد تشريك = اليا طمعت بغرسها لاتعداك
واحذر سرور بجمة البحر يرميك = ولا عنده افلس من تشكيك وابكاك
واوف الرجال حقوقها قبل توفيك = لا توفها بالقول فالحق يقفاك
وهرج النميمة والقفى لا يجي فيك = واياك عرض الغافل اياك اياك
تبدي حديثا للملا فيه تشكيك = وتهيم عند الناس بالكذب واشراك
وليا نويت احذر تعلم بطاريك = كم واحد تبغى به العرف واغواك
واحذر شماتة صاحب لك مصافيك = ولياجرى لك جاري قال لولاك
ولا تحسبن الله قطوع يخليك = ولا تفرح ان الله على الخلق بداك
الضيف قدم له هلا حين يلفيك = ومما تطوله يافتى الجود يمناك
احذر تلقى الضيف مقرن علابيك = خله محب لك صديق اذا جاك
ووصيك زلات الصديق ان عثا فيك = مازال يغطاها الشعر فاحتمل ذاك
راعه لو ماشفت انه مراعيك = عساك تكسر نيته عن معاداك
واحذر عدوك لو ظهر بيصافيك = خلك نبيه وراقبه وين ماجاك
لا تامنه واطلب من الله ينجيك = ويكفيك ربك شر ذولا وذولاك
شفني انا يابوك بامرك وانهيك = عن التعرض بين الاثنين حذراك
اذا حضرت اطلابه مع شرابيك = اسعى لهم بالصلح واللاش يفداك
ابذل لهم بالطيب وربك ينجيك = ولا تجضع الميزان مع ذا ولاذاك
اما الشهادة ادها ان دعوا فيك = بين عمود الدين لاعميت ارياك
بالك تماشي واحد لك يرديك = طالع بني جنسك وفكر بممشاك
واحذر عن طرد المقفي حذاريك = عليك بالمقبل واترك اللي تعداك
ثم العن الشيطان اياه يغويك = ترى ان تبعته للشرابيك وداك
واوصيك لاتشكي علينا بلاويك = انت السبب طرفك عيونك بيمناك
والطف بجارك وقوم من دون عانيك = وافطن لمايعنيك عن ربعة اخواك
والنفس خالف رايها قبل ترميك = ترى لها شيطان يرمي بالاهلاك
ومن بعد ذا لاتصحب النذل يعديك = وعن صحبة الانذال حاشاك حاشاك
والحر مثلك يستحي يصحب الديك = وان صاحبه قاقا مقاقاة الادياك
مااخطاك ماصابك ولو كان راميك = واللي يصيبك لوتتقيت مااخطاك
عندي مظنة ماتمثلتها فيك = واطلب لك التوفيق من عند مولاك

[/poet]

[ضمن السناني]

الغالي الأستاذ الشاعر أخي الجهني


بيض الله وجهك يا مال الغنيمه

اختيار جزل من شاعر جزل


وتسلم يا (جهني)