رديح زفاف الشاب عبدالله سعيد الرحيلي

[محب الموروث]

أقيم هذا الرديح في ينبع البحر بمناسبة زفاف الشاب عبدالله سعيد الرحيلي ، وذلك في يوم الأربعاء ليلة الخميس الموافق9_10/3/1433 هـ ، وحضره من الشعراء عن صف أملج الشاعر عبدالله باخت الحمدي وعن صف ينبع الشعراء آدم عطاء قاضي وعايد عبيدالله الجنقاوي وعبدالرحمن الرحيلي ..

لحن ليحان ..

[poem=font="Simplified Arabic,6,white,bold,italic" bkcolor="darkblue" bkimage="" border="groove,8,gray" type=0 line=0 align=center use=ex num="0,black""]
أملج
راعي الفرح كلف المندوب = عزيز غالي وجيناله
سلام يحمل صفات قلوب = القن والطيب ورثه له
ينبع
ترحيب في أول المكتوب = يامن حضرتم على جاله
حضوركم غاية المطلوب = ياربة القيل ورجاله
أملج
جانا الوفاء مكتمل باسلوب = من قدم الطيب يبقى له
نبغالنا فالمعاني دروب = مادامنا الأن في جاله
ينبع
كل حي من منطقه محسوب = والمرء يذكر بافعاله
هات المثل وافسح المرغوب = حنا نترجم على اقواله
أملج
عكر معي صافي المشروب = والمر حاصل في فنجاله
مدري متى يصفي الغثروب = وصروف الأيام قتاله
ينبع
ربك جعل للعباد وكوب = يوصل بها من شقي باله
تنهي عنا دمعك المسكوب = اللي سكبته من اشكاله
[/poem]

[محب الموروث]

لحن سلام

[poem=font="Simplified Arabic,6,white,bold,italic" bkcolor="darkblue" bkimage="" border="groove,8,gray" type=0 line=0 align=center use=ex num="0,black""]

ينبع
اسمع خبر صايغه بانيه = مرسوم من واقع الهامه
نبغى افادة فمايعنيه = من ربة القيل فهامه
أملج
لنه صدر نص ننظر فيه = نبني على طالع اقلامه
واللي حسوسه معه مخفيه = ملزوم ينشر عن اعلامه
ينبع
لي قلب جور الأسى مضنيه = أثر معه زلزل اقدامه
مايوم يعطف وينظر ليه = محتار كيف اوصل ليامه
أملج
المرتجي عقله يقديه = والياس لايضيع احلامه
اسعى على ملاطفه داريه = مهما تعاني من اسقامه
ينبع
كل يوم يمضي على راعيه = يصير ذكرى فأيامه
لجل ايش جرح الأسى يحييه = ويشاهده نص قدامه
أملج
عيد النظر فالذي تطريه = والحق على اللي سرى زامه
الجارح اللي لنا شاكيه = اتبع مراميه ونظامه
ينبع
طبيب قلبي أبى يداويه = اللي مخصص في آلامه
من يمي الطرف مايغضيه = ويردني طوع في صدامه
أملج
جريح الأشواق انواسيه = وبعض المخاليق هدامه
ابقى على طيبكم وارضيه = قدام لايحصل اعدامه

[/poem]

[محب الموروث]

لحن زمانين ..

[poem=font="Simplified Arabic,6,white,bold,italic" bkcolor="darkblue" bkimage="" border="groove,8,gray" type=0 line=0 align=center use=ex num="0,black""]

أملج
يامن على قرب توحيني = لاهل الصفا والمعاني ذوق
عيّا الهوى لايواسيني = والقلب طول عليه الشوق
ينبع
عذب المعاني يشاجيني = سجلكم فالمعاني فوق
لعله الوقت يمديني = واسوق روحي معاكم سوق
أملج
ناديت صاحب مايخليني = يواسي المغرم المحروق
يرضي جنابه ويرضيني = لعل نار الفؤاد تروق
ينبع
لبيه يللي تناديني = مني استمع حالي المنطوق
مع مر الأيام وسنيني = لابد بعد الظلام شروق
[/poem]

[محب الموروث]

بعد أن انكسر لحن زمانين وادع الشاعر عبدالله باخت الحمدي الحضور وغادر الى أملج ..

وانقسم صف ينبع الى صفين ..
(الصف الأول) وقف فيه الشعراء آدم عطاء وعايد الجنقاوي وعلي حامد الزمعي ..
(الصف المقابل) وقف فيه عواد ابوغندر وعبدالرحمن الرحيلي وصالح بركي المورعي ..

لحن مالك الروح ..

[poem=font="Simplified Arabic,6,white,bold,italic" bkcolor="darkblue" bkimage="" border="groove,8,gray" type=0 line=0 align=center use=ex num="0,black""]
( الصف الأول )
عايش فراغ العواطف كم = اللي على احساسنا أثر
ايامنا والليالي هم = في مزايده والعذاب أكثر
(الصف المقابل )
ماني بهذا الأمر ملزم = وانت بهذا الأسى أخبر
ويش من سبب للأسى والغم = اللي منه تنوح متكدر
( الصف الأول )
عيت جروح المآسي تلم = اللي اتمادى من المصدر
اعلم ترى المشتكي مهتم = والا ترى العاقبه أخطر
( الصف المقابل )
يامصممين المعاني صم = من واقع الحال متأثر
خلك على الجاده تسلم = مادمت على مسايسه تقدر
[/poem]

وياصحابنا سامحونا

مع اطيب تحياتي ..
.

[المعلم]

محب الموروث
شكرا لك
نتمنى للعريس زواجا مباركا

[خالد باجنيد]

محب الموروث
شكرا لك
نتمنى للعريس زواجا مباركا

[أبو سفيان]

شكرا جزيلا أبو يزيد على سرد ألحان هذه الليلة الجميلة
من رديح الشاب / عبد الله سعيد الرحيلي

لقد استمتعنا بتصفحها وما ورد فيها من عذب المعاني والحوار الراقي
وسعدنا أيضا بإتاحة الفرصة بظهور وجوه جديدة كي تمارس شعر الكسرة
ممارسة حية من أجل تواصل الأجيال والمحافظة على هذا الموروث .
تقبل تحياتي وتقديري .

[وليد فران]

ألف مبروك للعريس و لوالده و أخوانه وأسأل الله عز و جل أن يسعده في الدارين وأشكر أخي محب الموروث على هذا النقل

[poem=font="Simplified Arabic,6,white,normal,normal" bkcolor="darkblue" bkimage="" border="double,6,black" type=0 line=0 align=center use=ex num="0,black""]
بالرغم ولد الهوى قنعان=وللآن في معالج جراحه
لكن تعنى مع الجيران=يشارك الجار فأفراحه
وليد فران=
[/poem]