مـــاهــــو تخلف لا رفضنا يسوقن

[غريب الشرقيه]

[align=center] الشاعر خالد المريخي يرد على ال زلفه [/align]

[poet font="MS Dialog,6,black,bold,normal" bkcolor="transparent" bkimage="backgrounds/17.gif" border="solid,10,orange" type=1 line=200% align=center use=ex length=0 char="" num="0,black" filter=""]
تـخيـلـوا لــو الحريــــم بيــسوقن=ونلقى لهن في كل شارع طرايف

تلقى العجايز فــالشوارع يدورن=وسيارة الاسعاف ترقب حسايف

واليا تــأخرنـــــا دقايق يصيحن=ثــم اركبو فـــوق المواتر ولايف

قـــامت تكبس لك بالانوار ياهن=ذولا خوياك وصرت محرج وخايف

وتخيلو لـــو ذات يومـــن يمرن=عليك دوريات والجمس طــايف

ويوم طرحوه يصير موقفك محزن=تلقى العجوز مكلبشه ياحسايف

وتلقى البني بكل جــلــسه يتكن=طقة بلوت ومعهن الكيف كايف

هذي تبي تحكم وهذي تبي صن=والبيت ضايع دون طبخ وضرايف

يــاللي ذنوبك فوق راسك يحنن=اللي بقلبك طلعتــه الــشــفايـــف

انظارنا من فوق ذكرك يشوحن=ونشوف شين ماتشوفه يا هايف

حق المره ياشخ تلعب على من=خبلان حنا والا ويش انت شايف

وين انت عن صوت الارامل ينوحن=وين انت عن حق المره بالوظايف

وين انت عن جملة بناتن يضيعن=وين انت ياراع العلوم النصايف

لو هي بديكم كــــــان قلتوا يغنن=لكن صدمتوا بـــــالجبال النوايف

من دونهن حـــنــا وبقلوبنا هن=الطاهـــرات الـسـاجدات العفايف

والمسأله لا صار لحقت شرفهن=يروح فيها يـــا آل زلفه طوايف

هذا كلامي واسمعه زين واذعن=قلته ولا انـــــا من تواليه خايف

قلته واباقف وارفع الصوت واعلن=ارادة الامـــه على لسان نــايـــف

مـــاهــــو تخلف لا رفضنا يسوقن =راس التخلف لا تــركـــنـا العفايف
[/poet]