عتاب

[ابو فهد]

ان هرجت الهرج مايعدل مزاجي

وان سكت تشب في قلبي حريقه

وان بغيت اطلع بعالية التوادي

مالــقيت الي يجـير لمســتجيــره

والسبب ظرفاً وضعني بالمزادي

حرج الدلال من يشري الهشيره

والهشيره مالها غير البعادي

ماتساوي في النظر حبه شعيره






مع تحياتي

ابــــــــو فـــــــــهــــــــد

[ابو فهد]

قالوا علامك تسهر الليل ماتنام

قلت السهر من بعد الاحباب عاده

ياماسهرت الليل والناس نيام

وياما جفا راسي ليان الوساده

وياما قطعت من الخرايم بالاقدام

يومن بعض الناس وطى شداده

وياما لقفت وزرت ترفات الاقدام

يوم الهوى والغي للقلب زاده

واليوم شيبان تحت حكم الايام

تلعب بنا الدنيا على غير عاده

يابو علي طير الهوى بالسما حام

قطع مسابيقه ونوى بعاده

ماضنتي يرجع من الحوم ينضام

وعقب السعى يرجع لفتلت قياده

مافات فات وصافي الوقت مادام

ولا احداً يبدل بالسعاده قراده

لاشك يوم اذكر هوى ترفاً العام

احس في كبدي مرارة عناده

قفا وانا قفيت مانيب منلام

حيث ان مطلوبه صعيب مراده

يبي القمر خاتم على راس الابهام

ويبي النجوم تصف له في قلاده

ويبي السحاب لحاف والناس خدام

وامره على كل الجميع اعتماده

مغرور في زينه ويستاهل وسام

على البنات البيض زينه زياده

من مغرق القذله الى راس الابهام

مافيه شي ينتقد ياحماده



وسلامتكــــــــــــــم




مع تحياتي........ابو فهد

[ابو فهد]

بعت الوجار وبعت كيف الرجالي

صفر الدلال الي على النار مركاه

لياعاد ماتلحق يميني شمالي

مالي ومال الكيف والي تمناه

اصبر كما تصبر فحول الجمالي

على الحمول الكايده لين تقواه

واصبر كما يصبر على البعد جالي

شاف الجفى من لابته وابعد خطاه

يوماً كلاً له رفيق موالي

يزبن عليه ان ميلت فيه دنياه

انا لي الي بالسموات عالي

رباً كريم ماخذل من ترجاه

سامع دبيب النمل فوق الرمالي

وسامع دعاء يونس بقولته الله

في وسط غبات البحور الطوالي

في بطن حوتاً ماعرف وين مرساه

نجاه رباً من دعاله وسالي

يفرج عنه كربات همه وبلاواه

يالي تحسب المال هوشف بالي

غلطان انا اشفي رجالاً مسماه

اهل الوفا ومكرمين السبالي

واهل العوايد في وقوت المثاراه





وسلامتكم


ابو فهد

[أبو رامي]

[ALIGN=CENTER]صح لسانك ، وإنت سالم وغانم
وأهلا ومرحبا بك يا أبو فهد[/ALIGN]

[متعب الساق]

سلام
[ALIGN=CENTER]
ابوفهد

ومن قال سالم

وطاب ماكتبت

وطاب يومك[/ALIGN]

[متعب الساق]

[ALIGN=CENTER]سلام

ابوفهد
(نعيب الزمان والعيب فينا)

ان الزمن هو الزمن والتغير

يطراء على طبيعة البشر المتقلبه

في هذا الزمن

لا شلة يمينك يابوفهد
++++
يالي تحسب المال هوشف بالي

غلطان انا اشفي رجالاً مسماه

اهل الوفا ومكرمين السبالي

واهل العوايد في وقوت المثاراه
++++
وطاب يومك وطبت[/ALIGN]