شافت الدبله في يدي وزعلت..

[الداعي الصغير]

شافـت الدبلـه في يـدّي وازعلـت ,,, والملامـح فـي محيّاهـا غضوبـه

وسكتت لحظه.. وجتنـي وسألـت ,,, يا غلا..لا يكون ملكـه..او خطوبـه

ما قدرت اتكلـم وعينـي خجلـت ,,, قمت اطالع خاتمي..وانظاري صوبه

حلّفتنـي حيـل.. حيـل توسلّـت ,,, قلت آسف..وادري ما همّتها توبـه

قلت كلمه..الدنيـا فيهـا تزلزلـت ,,, قلت روحي بروح غيرك مغصوبه

شفت دمعه تحجرت .. بس نزلت ,,, من عيـونٍ ناعسـه كلهـا عذوبـه

طالعتنـي وطالـعـت وتأمـلـت ,,, كنّها تلعـن زمانـي وكـل عيوبـه

وبصعوبه حروف من فاها وصلت ,,, والسكون اصبح كما الريح وهبوبـه

اكرهك قالتهـا ..بـس ما تحملـت ,,, والله مسكينه مـن قليبـي وذنوبـه

قالت الدنيا مـن افراحـي خلـت ,,, انحكم ابكي من ظـروف مكتوبـه

قمت انا اتبسم وضحكاتـي علـت ,,, وقلت اسف قصتـي كلهـا اكذوبـه

كنت اجرب دبله ..يدي ابها ابتلـت ,,, وعلقت ما تطلع الا بكـلْ صعوبـه

[تنميه الموارد]

الله يعطيك العافيه يارب والله لايحرمنا من كتاباتك قراتي لاول شعر لك تمنيت اني اقراء كل كتاباتك

[عاشق الغروب]

يا سلام عليك
يعطيك العافيه
وتسلم يمينك
على الابيات الحلوه
تقبل مروري
وردي المتواضع

[الداعي الصغير]

مشكوووووريين على مروركم الرئع
الذي اراح قلبي