معذور قلبي لو تمناه معذور

**دايم السعد** · 23-10-2009, 06:30 PM

معذور قلبي لو تمناه معذور
ــــــــــــــــــ

في داخلي شي ٍ عن الناس مستور
حرك سكون القلب .. والقلب لباه

شي ٍ غريب من اغرب انواع الشعور
عجزت ادور وش هو سره ومعناه

مدري غلا .. ولا حزن .. ولا سرور
مدري بداية فرح .. ولا معاناه !

لي صاحب ٍ في طلته يشرق النور
ولاغاب عني .. غيب النور وياه

من يوم شفته والحشا فيه مبهور
حلو الوصايف كل شين يتعداه

لا مر طيفه يرقص القلب مسرور
و يتبع سروره رغبة ٍ في ملاقاه

معذور قلبي لو تمناه معذور
الطيب كله ساكن ٍ في محياه

عن غيبته اصبحت مالي بمقدور
نار الوله تشتعل بي بعـد فرقاه

قلبي فبعاده حاير ٍ حيل مكسور
يالله ترسي مركبي صوب مرساه

وافي و اسمه دوم بالخير مذكور
عسى السعاده ماتفارق شفاياه

**عاشق الغروب** · 24-10-2009, 01:16 PM

الله يسعدك
الف شكر على ما قدمة
يعطيك العافيه

**سمير الجباري** · 26-10-2009, 08:03 AM

دايم السعد

شكرا على الطرح الجميل وأسلوبك المميز

تقبل تحياتي

الموضوع: معذور قلبي لو تمناه معذور