محاورة شعرية

[المعلم]

عبدالله عتقـان

مرحبا ترحيبةٍ شارعه عشرين باب

يستحير الضيف يدخل مع أي أبوابها

لي صديقٍ كلماغاب طول بالغيـاب

وأكثر الغيبات ماني بعرف أسبابهـا

ابراهيم الشيخي

البقـا رديـةٍ ماتحـب الا الـصـواب

من معه شكه وريبـه يحسـب حسابهـا

لو يغيب اصحابك احذر تزوّد في العتاب

ساعةٍ بحضورهـا عـن سنـه بغيابهـا

عبدالله عتقـان

أدري إنك شاعرٍ غير يحسب له حساب

وأدري إنك من رجالٍ شرف هندابهـا

والعتب بين العزيزين جسر الإقتـراب

فرصـةٍ ماتنتعـوض وربـك جابهـا

ابراهيم الشيخي

ماعليكم زود مابه سوال بـلا جـواب

اعرف بيوت الكرامه واعرف اصحابها

يالدميحي سرها سرها مسرى الذيـاب

لاتشب النار والحـق علـى مشهابهـا

عبدالله عتقـان

واجد الزحمه على البنك لجل الإكتتاب

والنهايه خمسه أسهم محد يرضابهـا

علم الخيـاط قـدام تفصيـل الثيـاب

العرب ماتلبس أثيـاب غيـر إثيابهـا

ابراهيم الشيخي

وش يهمك وانت فالبنك لك رقم و حساب

جامـعٍ لـك ثـروةٍ ماحسبـت نصابهـا

بكره ليا بان فرق السحاب عن التـراب

تقنع العالم وتصبـر علـى مـا صابهـا

عبدالله عتقـان

جامعتكـم تقـرن المنتظـم بالإنتسـاب

ليه هذا الخلط ياهل تـرى وش صابهـا

أنت رأسك رأس عقرب وعينك عين داب

ناس تقرصهـا بغفلـه ونـاس أتهابهـا

ابراهيم الشيخي

بالمعدل بان فـرق الصحيـح مـن الكـذاب

مانلـوم الجامعـه وانـت مـن طلابـهـا

من وقع يصبر على هشم ضرس وطحن ناب

ويش الاخطر عقـرب الارض والا دابهـا

عبدالله عتقـان

أه ياغلطة زماني لتأليف الكتـاب

يوم زهران استغلت بنود اكتابهـا

الزواحف والأفاعي عساها للذهاب

مايجيك الخير من روسها وأذنابها

ابراهيم الشيخي

لاتوجد وانت في دنيتك لازلت شاب

شد حيلك وانقل البندقـه وزهابهـا

الافاعي ماتعرض لمحشوم الجناب

غير لاجـا يمهـا تعطبـه بانيابهـا

عبدالله عتقان

طوروا حارة قويزه على حي الرحاب

بس لو صارت مثل بون ماعشنا بهـا

تبت إيدين الـذي بيننـا ودا وجـاب

كلمة ٍ عندك حكاهـا وكلمـه جابهـا

[عاشق حزن]

اختيار موفق اخي المعلم
شكرا لنقلها لنا
كل الود

[ابن عاطي]

اختيار رائع أخي المعلم

وعبدالله عتقان السلمي شاعر شبابي معروف ومحبوب


وشهدله كثير من الشعراء في قوة شعره رغم انه يبلغ من العمر:29سنه




محبكم:ابن عاطي

[المعلم]

أخوي الكريمين
عاشق حزن
إبن عاطي
شكرا لكم المشاركة
وحفظكم المولى
تحيتي لكم