مات أبوه بين يديه وسطر هذه الكلمات !!!!!!!

[البعيــ ع ــد]

من كتب كلمات هذا النشيد ...إبناً باراً بأبيه ..كان معه طوال فترة مرضه
في المستشفى .وفي ساعة الإحتضار كان يحتضنه بين يديه حتى توفاه الله ..وبعد ذلك أنزله إلى لحده بنفسه ..




يـبا شلونك ؟ يـبا شلونك؟

مـلـل هالكون من دونك ........ ملـل هالكون من دونك ... يـبا شلونك ؟

وتمضي رحلة الدنيا.. بليـّا طلعة عـيونك

يـبا .. شلون المرض وياك ؟ بعد ما هدّك بدنياك ... عساها تغمض جفونك؟

يـبا شلونك؟

تبي تدري عن احبابك؟ ... عن عـيون ٍ تغنى بك

عـن قـلـوب ٍ دفـنها الشوق ... و إذا جاها الغـفا ..جابك ؟

يـبا .. شلونك ؟

يـبا .. أمي تخيـّـل دوم .. تـغـني لك مع الـقـمرا

يـبا .. والذي خذاك بـيوم .. خذا بدريـّـتك بكرا

يـبا.. شلونك ؟

خذا و ياما .. خذا وياما...... خذا ناس ٍ يحبونك

يـبا حنـّا وصرنا كبار.. توفـقنـا .. تخرجنا

يـبا.. شلونك ؟

يـبا ما عاد فيه صغار .. يموج بالزمن كل شيئ.. وحنـّا ما تموّجنا

يـبا .. شلونك ؟

على ذاك العهد نسري.. نبيع العمر والدنيا... ولا تخلف بنا ظنونك

يـبا .. شلونك ؟

تـبي تدري عن أخباري ؟ .. عن أفكاري وتذكاري؟

أشيلك داخلي جمرة ... وبعـيون الحزن عـبرة .. تغـرقـني وتحرقـني

يـبا .. شلونك ؟

أشوفـك .. نجمة تجـبر... مراعـيها يراعـيها

أشوفـك .. للرجولة رمز...إذا شدّ الزمن تـقسى

يـبا .. شلونك ؟

أحسك مـقبـل ٍ بكره... وعيـّا لا يجي بكره

يبـا تذكر زمان ٍ مـرّ ؟ ..إذا قالوا هذا ابنـك عمر.. هوأحلى ما بهذا العمر؟

يـبا .. شلونك ؟

يـبا.. تذكر مجالسنا؟ ...... مقـلـّطنا ؟....... ومجلسنا ؟

وحارتنا ؟......... ومسجـدنا ؟

يـبا .. شلونك ؟

يـبا .. تذكر هدايا العيد ؟ .. صلاة العيد ؟ .. وبشت العيد ؟

يـبا .. تذكر سوالفنا ؟ لاجل هذا .. وكل هذا ..

أقول اليوم.. يا يـبا

مـلـل مالكون من دونك .. مـلـل هالكون من دونك..




(منقول)

[الحازم]

اخي العزيز البعيد

انت لست بعيد بل قريب من قلوبنا

الف شكر على هذه المشاركه الجميله

ونتمنى ان يكون جميع الأبناء بارين بوالديهم

ويعطيك الله الف عافيه

وتقبل تحياتي

اخوك / الحازم