قصيدة(ستار اكاديمي)بالشعر الشعبي

[الممتاز]

[ALIGN=CENTER]قصيدة ستار أكاديمــــــي..... لا تفوتكم يالربع

جيت أنا الدنيا عام تسعه وسبعين
وأدري يا ناس خبرتي فيها شويّه

أقضي اسنين وتتلي سنيني اسنين
وكم غرايب أو عجايب يمرّن عليّه

ربّوني أهلي مالصغر أتبع الدين
وعلموني أحكّم عقلي في أي قضيه

قالوا يا شويعر اقسى واترك اللين
ووصف لنا شعرك تجاه لكادميّه

أخجل أنا وأحط هالراس فالطين
قناة(ن) للعرب هاذي ولا أجنبيّه

قلت يا عرب شوفوا ذرفة العين
لي يتابع هالبرامج هو أكبر ضحيّه

أبكي ونا أرثي حال المسلمين
ماتت مشاعرنا رغم قلوبنا حيّه

شبعنا مهازل نشربها من اسنين
ومالغزو الفكري كم شفنا الأذيّه

فقدنا الذوق؟؟ ولاّ عنصر الدين ؟؟
حد(ن) يشاركني في هالقضيّه

لا ني بضد الفن والطرب والتلاحين!
ولا ني ضد "برونو" أو " محمد عطيّه"

أنا شويعر وزادي شوق وحنين
أعشق أنا بلادي وحترم لبجديّه

بالله خبروني: هل يجوز في الدين؟
خلوة(ن) فيها " خلاوي " يعانق إبنيّه؟؟

حياه.. منهم أكثر فيها الشياطين!!
بوس .. أحضان.. والله يستر في الخفيّه



صوّروهم في الأكل حتى غسل ليدين!
يا ليت شفناهم ركّع في العشيّه!

خيّروني في ثلاثة واللي يتمّون ثنين
ولنها جميلة اختارها غصبن عليّه

سمّوه " سوبر " حشا تقول بنزين
والحينه لهم دار(ن) هي وكر الخطيّه

( هزل .. طرب .. عزف) سمّوها تمارين!
هاذي حياة(ن) ميته ولا فيها أهميّه

وحنّا خضنا بالعقل مر القوانين
ومرّينا في أقسى الظروف الجامعيّه

فينا .. علماء.. أدباء.. حتى مهندسين
ما حيد حطوهم في فقرة دعائيّه

حرام نصرف آلاف وملايين
لجل نصنع مطرب حك أغنيّه!!

بس أنا أدري ونت يا بنت تدرين
بني يهود هم ورا اللعبة الدنيّه[/ALIGN]

[أبو ياسر]

[ALIGN=CENTER]ياسلام عليك يالممتاز[/ALIGN][ALIGN=CENTER]
بني يهود هم ورا اللعبة الدنيّه [/ALIGN]
[ALIGN=CENTER]بس مين اللي يفوز باللعبه
اللاعب ولا الملعوب به.[/ALIGN]

[الممتاز]

شكرًا ابو ياسر على هذا المرور
وهذه القصيدة منقولة من احدى منتديات الشعر الشعبي
اّمل ان تنال إعجاب عشاق الشعر الشعبي

~~~~~~~~~~~~~~~~~~~~~~~~~~~~~~~~~