رائعة وحكم الشاعر بديوي الوقداني

**أبو ريان** · 15-04-2006, 01:46 AM

[poem=font="Simplified Arabic,6,white,normal,normal" bkcolor="transparent" bkimage="http://www.alhejaz.net/vb/images/toolbox/backgrounds/21.gif" border="none,4," type=0 line=0 align=center use=ex num="0,black"]
أيامنــا واللـيالي كم نعــــاتبها =شبنا وشــابت وعفنا بعض الأحوالي

أيام في غلبــــــها وأيام نغلبها =وأيام فـــــيها سوا والدهر ميالي

تاعد مواعيد والجـــــاهل مكذبها =واللي عرف حدّها من همها سالي

إن أقْبَلَت يوم مـــا تصفي مشاربها =تقفي وتقبل ومادامت على حالي

في كل يومٍ تورينا عجايبها =واليوم الاول تراه احسن من التالي

جربت الأيام مثلي من يـــجربها =تجريب عاقل وذاق المـــر والحالي

يضحك مع النـــاس والدنيا يلاعبها =يمشي مع الفــيّ طوعٍ حيث ما مالي

كم من علومٍ وكــــم آداب نكسبها =والشعر مــــازون مثقال بمثقالي

أعرف حروف الهجا بالرمـز وأكتبها =عاقل ومجنون حــاوي كل الأشكالي

لكن حـــظي ردي والروح متعبها =مافادني حسن تأديـــبي مع أمثالي

إن جيت أبي حــاجةٍ عزت مطالبها =والعفو ماواحداً في النـــاس ياوالي

قومٍ ليـــــا جيتها رفّت شواربها =بالضحك وقلوبها فــيها الردَى كالي

وقومٍ ليــــا جيتها صكّت حواجبها =وابدَت لي البغض في مقـفاي وإقبالي

ماكنّي إلا مســــوّي حال مغضبها =والكل في عشرته مـــاكر ودجالي

ياحيف تخفى أمـــورٍ كنت حاسبها =واللي على بالهــــم كله على بالي

الجار جافي وكــــم قومٍ محاربها =والأهل وأصحــابنا والدون والعالي

والروح وش عذرها في ترك واجبها =راح الحسب والنسب في كثر الأموالي

نفسي تبا العز والحــاجات تغضبها = ترمي بها بين أجــــاويدٍ وأنذالي

المال يحيي رجالاً لا حيــــاة اِبها =كالسيل يحيي الهشيم الدمـــدم البالي

عفت المنازل وروحي يــوم أجنّبها =منها غنيمة وعنْها البعــــد أولالي

لاخير في ديرةٍ يشقى العــزيز اِبها =يمشي مع الناس في هـــمٍ وإذلالي

دارٍ بها الخوف دوم مايغــــايبها = والجوع فيها ومعـها بعض الأحوالي

جَوعى سراحــــينها شَبعى ثعالبها =الكلب والهـــــر يَقْدِم كل ريبالي

عـــز الفتى راس ماله مع مكاسبها = يا مــرتضي الهون لا عزٍ ولا مالي

ذللت بالروح ليــن أرخصْت جانبها = وأنا عتيبي عـــريب الجد والخالي

قومٍ تدوس الأفـــاعي مع عقاربها = وِالْها عزايم تهــــد الشامخ العالي

خل المنازل وقل للبـــــين يندبها= يبكي عليها بدمع العــــين همالي

لا تعمر الدار والقالات تخــــربها = بيع الردي بالخسارة واشتــر الغالي

ماضاقت الأرض وانسدت مذاهــبها= فيها السعة والمراجل والتــــفتالي

دارٍ بدارٍ وجيرانٍ نقــــــاربها= وأرضٍ بــأرضٍ وأطــــلالٍ بأطـــلالي

والناس أجانيب لـــين انك تقاربها= وتكون منهم كمـــا قالوا بالأمثالي

الأرض لله نمشي في منـــــاكبها = والله قدّر لنا ارزاقٍ وآجـــــالي

حِثّ المطايا وشرِّقها وغـــــرّبها= واقطع بها كل فــــجٍ دارسٍ خالي

واطعن نحور الفيافي في ترايـــبها= وابعد عن الهم تمــسي خالي البالي

من كل عِمْلِيّةٍ تَقْطع براكـــــبها= فِدافِد البيد دِرْهــــــامٍ وزِرفالي

تِبْعدك عن دار قـــوم ودار تِقْرِبها= واختر لنفسك من المــــنزال منزالي

لو مت في ديرةٍ قـــــفرا جوانبها = فيها لْوَطْي الســـباع الغِبس مدهالي

أخَيْر من ديرةٍ يجــــفاك صاحبها = كم ذا الجفا والتجــــافي والتّعِلاّلي

دُوس المخاطر ولا تخــشى عواقبها= الموت واحد وبعْد العــــز يجلالي

إن المنايا إذا مدّت مخــــــالبها= تِدْرِكّ لو كنت في جو السمـا العالي

ما قرّت الأُسْد في عالي مَراقــــبها= تسعى على الرزق ما حنّت للاشبالي

والشمس في برجها والغيم يحــجبها =تِقفي وتِقبل لها في العرش مــجدالي

رب السموات يا محصي كـــواكبها= يا مجري السفن في لجّات الأهــوالي

ضاقت بنا الأرض واشتبّت شــبايبها= والغيث محبوس يا معبود يـــا والي

ياالله من مزنةٍ هبّت هــــــبايبها= رعّادها بات له في البحــر زلزالي

ريح العوالي من المنشا تِجَـــاذَبها =جذب الدّلِي من جِبا مطويّة الجــالي

ديمومةٍ سلّبت وارْخَــــت ذوايبها =وانهلّ منها غزير الوبــــل همّالي

تسقي دياراً شديد الوقـــت حاربها= ما عاد فيها لبعض النـــاس منزالي

يا جاهل اسمع تمـــــاثيلٍ مرتّبها =فيها معاني جمــــيع القيل والقالي

مثل المحابيـــب زادت في قوالبها =في صرفها زايدة عن قـرش وريالي

يارب توبــــه وروحي لا تعذبها= يوم القيامة اذا ماضـــاقت أعمالي

وأزكى صــلاةٍ على المختار نوهبها= شفيعنا يوم حشــــرٍ فيه الأهوالي [/poem]

**الشاهين** · 15-04-2006, 02:29 AM

[poem=font="Simplified Arabic,7,white,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/50.gif" border="solid,4,orange" type=0 line=0 align=center use=ex num="0,black"]
أعرف حروف الهجا بالرمز وأكتبهـا=عاقل ومجنون حاوي كـل الأشكالـي[/poem]
احسنت اخي صوت الثواني وهذه القصيدة للشاعر الوقداني ,

**أبو ريان** · 15-04-2006, 02:38 AM

ارجو من المشرفين الاكارم تعديل الشطر الثاني من البيت الثالث الى
واللي عرف حدها من همها سالي ليصبح البيت على النحو التالي

تاعد مواعيد والجاهل مكذبها 000000000 واللي عرف حدها من همها سالي

**الوافي** · 15-04-2006, 03:44 AM

[poem=font="Simplified Arabic,5,,normal,normal" bkcolor="white" bkimage="" border="double,6,black" type=2 line=0 align=center use=ex num="0,black"]
عفت المنازل وروحي يـوم أجنبهـا=منها غنيمـة وعنهـا البعـد أولالـي

لاخير في ديرة يشقى العزيـز ابهـا=يمشي مع الناس فـي هـم وإذلالـي [/poem]مشكور يالغالي صح لسانك ومن قالها

**أبو ريان** · 15-04-2006, 12:23 PM

مشكور يالوافي على مرورك
اسم على مسمى

**إبراهيم المحياوي** · 15-04-2006, 07:37 PM

قصيده رائعه تعتبر من عيون الشعر النبطي للشاعر الكبير بديوي الوقداني رحمه الله
تسلم أخوي صوت الثواني على إتحافنا بها
ولاخلا ولا عدم إن شاء الله

**أبو ريان** · 16-04-2006, 04:57 PM

شاعرنا القدير / ابراهيم المحياوي
لك مني كل تقدير على تشريفك

**محب الموروث** · 16-04-2006, 05:23 PM

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4," type=3 line=0 align=center use=ex num="0,black"]
شكرا أخي صوت الثواني ..
فقد أحييت الذكر للشاعر الكبير ومرجع الحكمة الوقداني يرحمه الله ..
وأتمنى تزويدنا بما يتوفر لك من شعره الخالد ..
وتقبل أطيب تحياتي .[/poem]