" عزام "

[عبدالعزيز الشاطري]

السلام عليكم ورحمة الله وبركاته

أخواني وأخواتي في هذا الصرح الشامخ

لقد منّ الله تعالى عليّ ورزقني بـ عزام ليلة البارحة 16 / 10 / 1431 هـ

سائلا المولى أن يحفظه ويجعله من مواليد السعادة ويتربى في عزّ والديه

وإليكم ماجاءت به القريحة واقبلوها كما جاءت


أقووووووووووووووووووول


[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لك الحمد ياربي عدد خلق الاجنّه=وعدد مامشى طفل وعدد ماصحا أونام
وعدد برد وامطارالشتا وشدة الكنّه=وعدد مانبت نبت وعدد طير به حوام
بعد ما لحق عمري سنوات يطونّه=ثلاثة عقود وفوقها لي ثمان اعوام
وبعد ما لفى شيب العوارض وعافنّه=على النور في وجهي تزيد العمر باوهام
وبعد ماسكن داري جواهرلهن حنّه=وعيوني تناظر تنتظر من لهن قدام
لك الحمد ياربي لك الشكر والمنّه=على مارزقتني بعد هالعمر عزام
فرحت وحظنته والدموع يتغشنّه=وغشاني فرح مامر مثله طوال العام
تغني طيوره والسعد لي يزفنّه=وكني حكمت اغلى ديار الذهب والخام
هلا بك عدد ماسْمك ليا جنّ يطرنّه=خواتك وأمك فالحقيقه وفالأحلام
وعدد ماتخيلتك ولاحْدن درى عنّه=وعدد ما ينادوني مدى العمر ابو عزام
والا ياوليدي قدمك النار والجنّه=وانا اوصيك لا ميّزت تبعد عن الآثام
إلهي طلبتك تحْفظه لي على السنّه=وتهديه فعل الخير والبر فالاسلام
وتبعد شرار الخلق من ناسه وجنّه=ولايصحب الامن على المرجله سوام
وتبعد غرابيل الزمن لا يحدنّه=وتجعله فبْحور السعد دايما عوام
وخله ليا جرّيت انا فالزمن ونّه=سنيد وعضيد وفالمهمات ليّ حْزام
حروف القصيدة واللحن لي يجرنّه=تهل الدموع وقالت العذر من عزام
انا اعْذرك يا حرفي وعزام انا اظنّه=بعد هالقوافي يعْذرك لا عرفك وقام
وعلى الهادي المختار صلوا على السنّه=عدد ما فرح والد بمولود بعد اعوام
[/poem]

[المعلم]

نبارك لك أخي
عبدالعزيز الشاطري
المولود عزام
سائلا المولى أن يحفظه ويجعله من مواليد السعادة ويتربى في عزّ والديه