إنسحاب 000

[خليل]

[poem=font="Simplified Arabic,6,white,bold,italic" bkcolor="teal" bkimage="" border="double,9,silver" type=2 line=0 align=center use=ex num="0,black"]
رزّة فرس تعجب الخيّال = يابخت من كان خيّالِك
زمان00 كنّا نهد جبال = واليوم مالي أنا ومالِك
مع تحيتي[/poem]

[أسير الغرام]

هههههههههههههههههههههههههههههههههههههههههههههههههه هههههههههههههههههههههههههه
الحمد لله لست أنا الشايب الوحيد في المنتدى

[أسير الغرام]

المرة هذه سلمت لا تعودها وتتورط

[poem=font="Simplified Arabic,5,deeppink,normal,normal" bkcolor="transparent" bkimage="http://www.alhejaz.net/vb/images/toolbox/backgrounds/11.gif" border="double,6,deeppink" type=2 line=0 align=center use=ex num="0,black"]
يا من بعين الشقاوة جال=والجسم بالي ومتهالك
مالك ومال العنا لو نال=قلبك يوديك للهالك[/poem]

عسى الله يعافيك ويطول في عمرك

أخوك / أسير الغرااااااام

[خليل]

مرحبا اخي اسير الغرام 000انت بإسم مستعار لكن مشكلتي اني بإسمي الصريح
وأولادي كل ماقولهم تعالو سجلولي اسم ثاني مستعار علشان الكسرات اللي مثل هذه انزلها فيه لمّا تضرب شمال يقولولي طيب ويطنشوني000ماادري همه خايفين مني ولا عليه ولاماهم فاضين 000صدقوني ما اعرف اسجل !!!
المهم لاتأخذ ببالك كلام شياب ومخررررررررررفين 000تحياتي

[خليل]

هيا يااسير الغرام استلم للتسليه

[poem=font="Simplified Arabic,6,white,bold,italic" bkcolor="teal" bkimage="" border="double,9,silver" type=2 line=0 align=center use=ex num="0,black"]
الود في خاطري شغال = والحيل لازال متمالك
لكن عراقيل فالارسال = والدرب ماهومعي سالك[/poem]

[البارع]

[movet=down]اخى خليل
تقبل منى[/movet]

[poem=font="Simplified Arabic,6,white,bold,normal" bkcolor="teal" bkimage="" border="double,10,indigo" type=0 line=0 align=center use=ex num="0,black"]
كل وقت له دولة ورجال = وكثير فالكون امثالك
انظر بعينك وشوف الحال = وخله دليلك ومنوالك
مع تحيتى [/poem]

[ابو فواز]

كل عام وانتم بخير
وهذه مداخلة ونأمل ان لاتقطع افكاركم مع وافر التقدير

[poem=font="Simplified Arabic,6,white,normal,italic" bkcolor="darkred" bkimage="" border="double,7,burlywood" type=1 line=0 align=center use=ex num="0,black"]
هيا استمع والكلام سجال= يامن تمنيت فاقوالك
احفظ وصاتي وراس المال=افضل من الشوق وامالك [/poem]

[ZEYAD]

ياجماعه وش فيكم واحدكم توه وطى الخمسينات وتقولون شياب ....ترى توكم أنت في آخر عصر الشباب ومقبلين على عصر الشيب. وترى البلغه على القلب لاصار خضر أدعم وربي عوينك ...ألا إذا تتهوبون من شي ثاني . عموما الشي من الشي

[خليل]

الأخوة الأعزاء
اسير الغرام شكراً على مشاركاتك وتعليقاتك لاعدمتك
اخو وضحى لاجيت جدة مرّ علي وانا شراي
البارع مرورك ومشاركتك اسعدتني وسوف نأخذ بالنصيحة لاعدمناك
ابوفواز مثمن بحق ( احفظ وصاتي وراس المال ) مزوح يابوفواز
زياد اعطيتنا دعم حلو لكن كسرتك اللي فيها ورا الشفا نقاد خلّتني ادق ريوس كسرة رائعه شكراً على النصيحة
وللجميع تحياتي

[اخو وضحى]

مرحبا اخي اسير الغرام 000انت بإسم مستعار لكن مشكلتي اني بإسمي الصريح
وأولادي كل ماقولهم تعالو سجلولي اسم ثاني مستعار علشان الكسرات اللي مثل هذه انزلها فيه لمّا تضرب شمال يقولولي طيب ويطنشوني000ماادري همه خايفين مني ولا عليه ولاماهم فاضين 000صدقوني ما اعرف اسجل !!!
المهم لاتأخذ ببالك كلام شياب ومخررررررررررفين 000تحياتي

ياحبيبى هين فلوسك وريح نفسك ودماغك .
انا عندي نفس مشكلتك الاولاد اناديهم واقلهم سجلولى والاسم سر ما بغى احد يعرف الاسم بينى وبينكم وخاصة اللى بالي بالك . واروح الكوفى نت وزي مانت عارف الواحد يقعد مع نفسه ويتذكر ايام الصبا احيان يهفه الشوق يكتب له غصن غرام ولا كسرة هوى و كل ما كتبت كسرة غرام. الا الجوال يدق ارفع السماعه ولا صوت اللى بالي بالك . الو انت ياشايب ياعايب ياخو وضحى ايش تقصد بكلامك ( صوب فؤادي كحيل العين ) شي يابو هانى يقتل المواهب اقول بسم الله ايش الحكايه . اتري الاولاد ينقلو الاخبار اول بأول للى بالى بالك . قمت لغيت كل الاسماء ورحت السوق السودا واشترى درزنين اسماء مستعاره بخمسه الاف وخمسميه وريحت دماغى الكسره تبغى روقان وتبغى ناس يحسو فيها . تخيل الواحد يشكى غرام واحد يقلك ياشايب ياعايب ايش تقله ذا يابو هاني شر البليه ما يضحك. المهم ما طول عليك الهرجه عندى درزن اسماء ما ستخدمته حولى على حساب رقم 99999 بنك الفلس اربعه الاف وتلثميه عشان خاطرك بس يابو هانى وعشانها جمله بالقطاعي ابيعها بزياده . ولعلمك اسير الغرام لو اقله بسبعه وسبعميه يشتري هههههه. خلاص ارسل الفلوس وبكره يوصلك فاالنقل الجماعى وخليها زهر يابو هانى غني مات فقير مات.