الاخ الشاعرالكبير صالح السناني

[عبدالله حسان]

اكرمني وقتي بمعرفة الاخ الشاعرالكبير صالح السناني

واعترف بانني قد خسرت الكثير لعدم معرفتي من قبل لهذا الفارس

جاد وقتي علي بمعرفته ومجالسته فكان اكبر مما سمعت عنه من الشهامه

والكرم والطيبه ولاعجب فرجل تربى على هذه الفضائل لابد ان يكون هكذا

تقصر ابيات شعري يالفارس عن ايفاءك الشي القليل من بحر اخلاقك الذي

لاينضب .... واتمنى ان تتقبل من اخوك هذه الابيات التي تصغر امام شموخك

وقدرك يالشاعر العذب






لو كتبت الشعر كله لو نظمتك يالقوافي

............... ماوفيت اللي ملكني بالمراجل ثقل ذره



ولو نحرت حروف شعري عند بابك يالسنافي

.................. ماوفيتك لو نحرته عند بابك الف مره



ولو بغيت اوصف وصوفك مابقى للطيب خافي



.................. كل خلق الله لفاها طيبك اببحره وبره



كن هالدنيا بدونك ماعليها انسان وافي

............... وفي وجودك كل قلبن ماشكى منها مضره



انت سيد الطيب كله ماعليها اختلافي

.............. وانت نجمن ننتخي به لاسقانا الوقت مره



وانت للهقوات فارس وانت مزنن للفيافي

.................. لايبس شوق الصحاري دائمن وبلك يمره



من عطا كفك خذينا لين قال الجود كافي

................. لين ماتعبت يدينا ماقوت حمله تجره



كل عامن وانت شامخ يابعدهم والعوافي

................. وكل عامن يالسناني ربنا يكفيك شره



كل خلق الله بكفه وزدت عنهم يالسنافي

................. ان يدك دوم تعطي ماخذت مثقال ذره



والله اني يابو فايز لو نحرت احساس قافي

................... عند بابك ماوفيتك لو نحرته الف مره

[صالح السناني]

[ALIGN=CENTER]ألف شكر أخي الشاعر

الموقر عبدالله لقد غمرتني

في ابداعك أيها الوفي

وما قمت به هو واجبي تجاه

الوطن الغالي ومدينتنا الجميله

ينبع جزء حيوي من هذه البلاد الحبيبه

وهذا أقل مانقدمه لأهلنا وبلدنا

وبمشاركة جميع الأخوه أبناء ينبع

وأنت منهم أيها الرائع

شاعرالغربه[/ALIGN]

[معاصر]

جميل هو الوفاء للوطن .. جميل هو العطاء بلا حدود ..

رائع أنت يا أبا فايز .. ( وتستاهل الخير كله )

ويعطيك العافية عبدالله حسان كلمات ولا أروع من شاعر هو الأروع في شاعر أروع وأروع ..

[أبو سفيان]

يستاهل الشاعر / أبو فايز هذا الإطراء ويستحقه
ولقد كانت مشاعر الأخ / أبو حسان
صادقة ومعبرة بهذه القصيدة الجميلة .. وصح لسانك يا راعيها ..

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

وانت للهقوات فارس وانت مزنن للفيافي = لايبس شوق الصحاري دائمن وبلك يمره
[/poet]