الآن حيا على الهواء رديح الشاب زكي فرج المساوي بجدة

[أبو رامي]

أقيم هذا الرديح في مدينة جدة
مساء الأربعاء 8 ـ 5 ـ 1434 هـ
بمناسبة زفاف الشاب زكي فرج المساوى

الصفوف
ينبع البحر
محمد الهريويل ـ عايد الفايدي ـ آدم عطا - باسم أبوغندر
ينبع النخل
عطية الله الفدعاني ورفاقه
جدة
عبد العزيز بنية ـ خليل الثقفي ـ خالد السريحي



لحن ليحان

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ينبع البحر

سلام ترجح به الأوزان = لأهل الفرح والذي لافيه
مترجمه من فصيح لسان = واجد وماله عدد يحصيه
.
.
جدة

يامرحبا والفرح نيشان = يا أهل الوفا والذي يرعيه
خطوه عزيزه من الرحمن = هذا الذي كنت متمنيه
.
.
ينبع البحر

شان السلام انتهى والآن = رسم المثل بيننا نبنيه
مادام ليل المصافا زان = الكل يشرب عذب صافيه
.
،
جدة

للآن من سابق الأزمان = نهج الصفا بالصفا نحييه
مادامنا الآن في الميدان = هات المثل وارسمه وامشيه
.
.
ينبع البحر

واقلبي اللي من الحرمان = يغديبه الصمت ما يواسيه
ليلي نهاري مع الأحزان = عايش معه والأسى مخفيه
.
.
جدة

منته لحالك فهذا الشان = كل حي فيه الذي يكفيه
أنصحك لا تطول الكتمان = واسعى على معالجه وانهيه
.
.
ينبع البحر

هل للمودة أمر يا فلان = وألا حكم خاص نستفتيه
لأن مثبوت بالبرهان = علاجه الطب ما يبريه
.
.
جدة

الود يبنى على الإحسان =شرط المودين نستوفيه
ودا بلا ود فالميزان = يحسب خساره على راعيه




[/poem]

وانكسر اللحن

[أبو رامي]

لحن سلام





[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ينبع النخل
فاز الذي يعرف الواجب = عنده لكل الأمور قياس
ما حط دون الوفاء حاجب = اللي مقدر مابين الناس


ينبع البحر
كلا لهذا الأمر حاسب = والطيب بيناتنا له ساس
ما استغرب الطيب ومناسب = ما يهز فالموقف الحساس
.
.
ينبع النخل
اللي بقن الصفا راسب = ما هو مفلهم رهيف إحساس
يا هل ترى نحسبه كاسب = وألا نسجل عليه أقواس
.
.
ينبع البحر
اللي على الدرس ومواظب = ما يهاب غزر البحر غطاس
ما هو مثل حالة الطالب = اللي فأعرى بحر ينحاس
.
.
ينبع النخل
اللي سجله على الحاسب = ناتج حصيله أسى وإفلاس
ما يحوز منسوب متناسب = يعطيه في موقفه نوماس
.
.
ينبع البحر
عن ما ورد سجل الكاتب = مكتوب تشهد عليه أجناس
ما نلت وانته معه نايب = ولا حزت من مكسب القرناس
اللي وردنا من الصاحب = عكس الذي إدعى به راس
اللي على الدرب ما يحاسب = بيديه يشرب مرار الكاس
.
.
ينبع النخل
اللي من المعرفه ناضب = وحوله غصون المثل يبّاس
ما هو مع أهل المثل حاضب = ولا هو مسرح مع الحباس
مسكين كلا منه غاضب = لا أنس حازه ولا استئناس
من كثرة العند وش قاضب = غير الجهل والأسى والباس
.
.
ينبع البحر
لا صار نجم السعو غايب = ما يفيد قص الأثر عساس
نسايم الليل ما تصاحب = إن ما يطايب لها نسناس
للقيل نقاد ومراقب = يقرأ ما دوّن على القرطاس
حنا ما نشره ولا نعاتب = إلا على العاقل الفراس




[/poem]

.
.
وانكسر اللحن الساعة الخامسة

[أبو رامي]

[DCI]

لحن زمانين

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

ينبع البحر

وسع الفضاء واتجاهاته = أبعاد حسباتها باميال
في جو عاصف وحاياته = كيف السعو والمسير محال
.
.
جدة

المرء يحسب مسافاته = لا يقول بعد المسافة طال
ملحوق مادام ما فاته = كم حي بعد المساعي نال


ينبع البحر

سعيت حاسب حساباته = كل ماانتهت حال جدت حال
طال الأمد في معاناته= سقم وأسى وانشغال البال
.
.
جدة

ما غربك عن مقراته = لو كان سعيك معه فعال
خلك متابع لوجهاته = فالسفح وألا فروس جبال
.
.
ينبع البحر

كم أتبعه في مجاراته = عيا يقر الدليل الدال
ضيع دليلي في مجراته = لاهي وعن حالتي ماسال
.
.
جدة

وضح لنا واذكر صفاته =حتى نتحصل على الآمال
قدام تصعب ملاقاته = وتسير معك الأمور عضال
.
.
ينبع البحر

أشرف بعرفك على ذاته = قلبي عليه الحمول ثقال
راحت من الوقت ساعاته = وآنا أتحري يجيني إرسال
.
.
جدة

قلبك وقع في متاهاته = واحتار في فهمه العقال
وإن كان عندك خبر هاته = جملك وانت له الجمال
.
.
ينبع البحر

شرحي ما حققت غاياته = المشتكي من صباحه قال
أخشى على القلب دقاته =توقف عن النبض والإرسال
.
.
جدة

رصد المعاني من ثقاته = مضمون ناقي عفيف خصال
قلبك عصي في مداواته = عقده ولا حصلت حلال






[/poem]

.
.
وانكسر اللحن الساعة التاسعة وسبع وأربعين دقيقة

[/DCI]

[أبو رامي]

لحن مالك الروح





[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

جدة

أشتاق يا أصحابنا وآحن = وأشواقنا غاليات أثمان
تاريخ لأهل الصفا والفن =ماضي وعايش معي للآن
.
.
ينبع البحر

كل الأحبه عليه تحن = يبقى مابين العرب سلطان
ما عندنا فالمشاعر ظن = اللي من الماس والمرجان
.
.
جدة

أتذكر وجودهم وأحزن =عايد وأبو شعيب وبنيان
وأبو رقيبه وابن مازن= والكرنب أحمد معه ذيبان
.
.
القيل من قبلهم متقن = ماآقول في حقهم نقصان
كل مدرسه جيلها معدن =مازال شامخ على البنيان





[/poem]

وانكسر اللحن في الساعة الحادية عشر إلا عشر دقائق
نبارك للعريس زكي المساوى ونتمنى له حياة سعيدة
ونشكر الشعراء والبحرية الذين أحيوا هذه الليلة

وشكر خاص للأخ عابد الرحيلي على المتابعة والنقل










زهورات في كسر اللحن

جباره العروي

دقدقني الوقت وتعلمت=اهل الخطا ما اسايرهم
على اساهم فرضت الصمت=من خوف ﻷجرح مشاعرهم
.
جباره العروي
أهم ما يضيقبه صدرك=يتجاهلك من عليك يمون
تغليه ويحط من قدرك=وجرح المشاعر عليه تهون
.
حسام عواد ابوغندر
مبروك ومتوجه بألماس=ﻷهل الوفا والكرم جينا
ﻷجله وفا مع جميع الناس=وفود جينا وتعنينا
.
يامن لهم في المعالج يد=اهل الهوى يشتكون لمين
صبري نفذ والسنين تمد=والود باقي معي للحين
.
انظر معي للجمال وعد=مد النظر ﻷبعد حدوده
يامن تنكرت بعد الود=عليك ما وقفت سعوده
.
تعاونوا الجرح والجراح=تعاونوا واتلفوا قلبي
هذا الذي في الحقيقه ﻻح=والنوم عيا يجي طرفي
.
عواد ابوغندر
راعي النوب قالي قول=واكثر تراحيب باللافين
يامرحبا يارجال كمول=والعاقبة نوفي الوافين
.
عبدالرحمن الرحيلي
يامرحبا بالذي جونا= اللي لفوا من بعيد وقرب
زدنا فرح يوم وصلونا= وحضورهم زاد انس القلب
.
فيصل محمد سليم الشريف
سلام يامقدم الواجب=وراعي الطيب نسعى له
مايحول دون الوفا حاجب=والكل يسعى على وصاله

[المعلم]

شكرا مشرفنا العام
نبارك للعريس

[هيج شجوني السهر]

شكراً جزيلاً أستآذنآ ومشرفنآ / أبُو رآمي
على هذآ النقل الرآئع

والشُكر موصول لجمِيع الشعرآء المشآركين في إحيآء هذه الليله


ونبارك للعريس