ربعي جــهــيــنـة تـلـبـّـيـلـك..ويـنـبـع تعاهد الـمـصـمـك

**الشاعر** · 14-08-2005, 07:33 PM

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
في جنة الخلد ندعيلك=ياللي تركت الرياض ارضك
الله يجعل منازيلك=مثل اسمها دارك بقبرك
يالله رفعنا الايادي لك=رحماك باللي رحم ضيفك
ياكم بذل للمصلِّي لك=من أرض طيبه إلى بيتك
ومن محكم آيات تنزيلك=كم وزع كتاب لعبادك
وكم من وطن فيه باني لك=بيوت يُذكر بها إسمك
نَم يا فهدنا رجاجيلك=فهود يا سيّدي مثلك
من جابك انجب بعد جيلك=اجيال مثل الذي قبلك
يا موطن العز نوفيلَك=ونرخص ارواحنا لجلَك
من عهد مُوقِد قناديلك=مِبْدِل ظلام امسَك بشمسَك
لعهد ابو متعب اللي لك=ممن ظلمك اخذ بحقك
يا ويل وذلّ المعاديلك=يا سعد وعز المعاهِد لك
سر يا ملكنا ونرجيلك=في دربك الخير من ربك
وَلِيّ عهْدَك مواليلك=والشعب كله مبايعلك
وربعي جهينة تلبّيلك=وينبع تعاهد المصمك
ورضوى وضلعانها هي لك=ووديانها لك عليها صك
وانا بتجديد عهديلك=بايعتك بملكك وحبك
واحترت مدري وش اهديلك=ما دام انا وكل مَمْلك لك
أبو بندر
[/poet]

**إبراهيم المحياوي** · 15-08-2005, 05:17 PM

صح لسانك أبو بندر وفعلا
أحترت مدري وش أهديلك
مادام أنا وكل مملك لك

**غريب الشرقيه** · 15-08-2005, 06:19 PM

صح لسانك مليون يا اخ يوسف يابو بندر
وحكام وطنا يستهلون وعسا الله يرحم الميت ويصلح الحي
وعسا ربي يرزقهم البطانه الصالحه التي تعينهم على امر دينهم ودنياهم
غريب الشرقيه المبايع لهم من ارض الينبعين

**أبو سفيان** · 15-08-2005, 11:03 PM

[align=center]
شكرا أخي / يوســف

ما قصرت الله يعطيك العافية .. وهذه نعتبرها وثيقة مبايعة

لحكامنا حفظهم الله وكلل مساعيهم بالنجاح والتوفيــق .[/align]