اقيم هذا الرديح بمناسبة زفاف الشاب
احمد نزيه ابو شلو بجده
يوم الجمعة ليلة السبت الموافق
1438/8/23هـ

وحضره من الشعراء كل من :
*ينبع البحر*
احمد الدبيش ، نايف السهيلي ، ياسر الكبيدي ، علاء العلوني ، باسم عواد
وشاركهم ناصر الحجوري في لحن سلام فقط

*ينبع النخل*
عطية الله الفدعاني .. محمد اللميع

*جـــدة*
عبدالعزيز بنيه العروي.. عبدالإله الشريف .. خالد السريحي


[youtube]http://www.youtube.com/watch?v=SLTFuP9XEn8[/youtube]


﴿ *لحن ليحان* ﴾

ينبع البحر
ليل الصفا جيش جيوشه
قدام عينك مثل ماتشوف
سلام من عالي عروشه
مافيه واحد عنه مكفوف

ينبع النخل جــــدة
الطيب ما كلاً يحوشه
غير الذي موقفه معروف
ترحيب اورش لك وروشه
يا من بطيب النبأ موصوف

ينبع البحر
كان السلام انتهى جوشه
نبغى جديد المعاني ينوف
في جو صافي من غطوشه
بيناتنا والهدف مهدوف

ينبع النخل جــــدة
طيب المثل هلت ارشوشه
ومن جانبك محتريه وصوف
ويزين لا زانت نقوشه
ويصير فيه الجهد مخلوف

ينبع البحر
ليه الذهب صار مغشوشه
رايج بوسط البلد مألوف
ياهل ترى لمعة رتوشه
والا البعض طرفهم مطروف

ينبع النخل جــــدة
اصل الذهب ما حد ينوشه
صافية لأهل الذهب مكشوف
ما يضيع نقشه ومنقوشه
مهما عليه الزمان يطوف


*وانكسر اللحن* ⚡

﴿ *لحن سلام * ﴾

ينبع النخل جــــدة
صدق العطا للموده قوت
يحيا به الخافق الحساس
ولو الظمأ يجرحه ويموت
يعاف قطره بدون احساس

ينبع البحر
ما قلت لي امر مثبوت
عندي وعندك وعند الناس
واللي ينول العطاء مبخوت
ما يشتكي فالموده باس

ينبع النخل جــــدة
الطرف مما يرى مبهوت
ضاقت من اسبابه الأنفاس
لأن بعض العطاء ممقوت
ما يقبله راعي النوماس

ينبع البحر
ما دام حبل العشم مفلوت
خلي التعامل معه بقياس
لا تلحقه فالعطاء بنعوت
إن كان بينك وبينه ساس

ينبع النخل جــــدة
المسأله ما عليها سكوت
جتك المعاني على نبراس
ليتك تثبّت عنها ثبوت
ماتحطها بين رأس ورأس

ينبع البحر
درب المعاني لنا منحوت
ما يغيب عن نظرة الفّراس
ولو لاه صحى نيام سبوت
ما كان اثر عليك الماس

*وانكسر اللحن* ⚡

﴿ *لحن زمانين* ﴾

ينبع البحر
كل ما يهب النسيم العذب
يرسل على القلب مرساله
يذكره في غرام محب
من يوم ما راح ما جاله

ينبع النخل جــــدة
نسايم الشوق لما تهب
المنتظر تكبر آماله
تشعل فتيل الوله في قلب
ناله من الوجد ما ناله

ينبع البحر
ابعد على عكس ما نرغب
والمشتقي ضاقت احواله
ما كننا عايشين الصب
وغرامنا لحظة اوصاله

ينبع النخل جــــدة
المرء لا صار له مطلب
ملزوم يتعب ويسعاله
حتى بعيد المدى يقرب
ويصير مرسي على جاله

ينبع البحر
وين التقي للمواصل درب
ينهي صدوده وترحاله
اللي تناحى جنوب وغرب
في ذمة اللي تهياله

ينبع النخل جــــدة
مايضيق لأهل العقل مذهب
والحلم معهود برجاله
ومطالب المرء ما تصعب
لو ان الاسباب تبراله

ينبع البحر
برق الامل كل ما عقّرب
قلنا عسى يجود هلّاله
يحيل عنا وينحي جنب
ومدامعي تذرف بداله

ينبع النخل جــــدة
جدد امانيك لا تنضب
لو انها طالت امياله
لابد ما يصفي المشرب
ويرويك من صادق خياله


*وانكسر اللحن* ⚡
مالك الروح

ينبع النخل / جدة

حاولت أداريه بالكتمان
وأخفيه في عمق مكنوني
لكن تجرأ علي وبان
شوق المحبين في عيوني

ينبع البحر

محد يلومك في هذا الشان
مادمت مغرم ومفتوني
والشوق تحكي به الأعيان
لو كان فالقلب مدفوني

ينبع النخل / جدة

فيكم تذكرت ماضي كان
وأحبابك اللي يحبوني
مايوم غابو عن الوجدان
ولا شفتكم هاضت شجوني

ينبع البحر

ماغاب هذا عن الأذهان
ومازال فالقلب مصيوني
ذكراه تصعب على النسيان
حتى على القلب ماتهوني

ينبع النخل / جدة

صدق المشاعر لكم عنوان
من طيبها طاب مضموني
وتزيدها جمعة الخلان
اللي غلاهم مثل نوني

ينبع البحر

ماتنّكر طيبة الإنسان
اللي بالأخلاق مرهوني
لاشك من أصدق الصدقان
طيب وأدب فيه وفنوني

وانكسر اللحن
وانتهى الرديح الساعه العاشره صباحا


[youtube]http://www.youtube.com/watch?v=TJvcR8wmU3s[/youtube]

[youtube]http://www.youtube.c0om/watch?v=mUuTgCPiz2U[/youtube]

[youtube]http://www.youtube.com/watch?v=ngtYJvQUiH4[/youtube]

[youtube]http://www.youtube.com/watch?v=iBRnrslmnR8[/youtube]

[youtube]http://www.youtube.com/watch?v=amLmIeEpLj0[/youtube]

[youtube]http://www.youtube.com/watch?v=KrYAZs8Ak6U[/youtube]