هذال: ملك كل القلوب ويملك الغالين غاليها

[المعلم]

على الراعي سلام من الرعية سنة الرحمن

من السنة السلام وللرعية عاش راعيها

رعاه الله امام المسلمين وللوطن عنوان

ورمز ونور نجد وعز حاضرها وباديها

حضرنا للتراث اللي يمثل ماضي العربان

ولا يبقى للامة قيمة من دون ماضيها

هلا ومية هلا حلوا في محل اخوان

تراحيب المضيف وبالضيوف الله يحييها

ملك وجنادرية والامان بديرة الايمان

بلاد السلم والاسلام والمعبود حاميها

بلاد تطعم الجايع بلاد تكسي العريان

بلاد امنة ما روعت والامن كاسيها

وفيها من ملوك العرب من قادوا رسن وعنان

ميامين تحت راية ملبية لداعيها

حموا شبه الجزيرة من جيوش الظلم والطغيان

قيادات تعاقب بأول الهجرة وتاليها

نفوز بشوف عبدالله وشوفه يرضي الزعلان

ليا شفناك كنا نملك الدنيا وما فيها

تهاتف له جماهيره وتعزف له طرب والحان

اناشيد الفرح بحضور سيدها تغنيها

له الفعل الجميل وله جزيل الشكر والعرفان

تحيات الثنا للقائد الاعلى نثنيها

تغشى سيدي بالورد واليشموم والريحان

على روس الاصابع صاحب الخبرة منقيها

تقدم في طبق لولو وبرواز من المرجان

هدية شاعر لمربي الاجيال يهديها

ملك نعم الملك شيخ الشيوخ مشيخ الشيخان

ملك كل القلوب ويملك الغالين غاليها

فتح صدره ورحب بالجموع وشرع البيبان

تجي وتقابله وتروح مقنعها ومرضيها

تمد له القدح فاضي وترجع بالقدح مليان

عزيز النفس وجه وجاه والقدحان ماليها

مواقيف يسر بها الصديق وتقهر العدوان

على وجهه تباشير السعد تبدي مواريها

ملك مومن ملك مخلص ملك مدرك بطل ميدان

هذا صقر العروبة فارس الساحة ومخليها

هذا المصلح هذا المفلح كلام الصدق بالبرهان

سياسة عبقري يرسم الخطة ويمضيها

ملك مد الجسور وخاطب العالم بكل لسان

طرح كل الدروس ومن عظام الراس ممليها

حكيم الراي في حسم الامور يقرر الميزان

ليا طاحت موازين العرب من بين اياديها

[memeee]

سلمت عزيزي على هذا النقل الرائع للشاعر خلف بن هذال وياليت تكملها ما عليك امر اذا امكن.
فعلاً ملك كل القلوب ويملك الغالين غاليها
شكــــــــــــــراً