قصيدة لحامد زيد

[محمد الربياوي]

[poem=font="Simplified Arabic,7,,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="groove,4," type=3 line=0 align=center use=ex num="0,black"]
التمثال

عفا الله عن خطا غدر الخناجر والضلوع ابطال
بسامح واتركك تحت الظلام الحالك الحالك
دخيلك وفر دموعك ترى هدر الدموع اذلال
وترى ما فيه احد يصبر مثل صبري بغربالك
انا عيب علي أنقض كلامي والرجال افعال
واذا قلت اقطع احبالك تراني بقطع احبالك
عشان اكسب هدب عينك تجرعت العذاب اشكال
وليتك ترأف بحالي علشان ارأف ابحالك
مسوي في حياتي شي ما يذكر ولا ينقال
حشا حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني ادلالك
تحملت التعب لجلك وانا حملي يهد اجبال
رحلت من العذاب وما وقفت الا على جالك
علامك كل ما جيك متواضع جيتني تختال؟
معاك اليا متي بصبر وصبري معك يحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك
أنا محدن بجابرني أساير معك هالمنوال
ترى لاني تبيع لك ولا ني باصغر اعيالك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب الال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي اضلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
أبي قلبك يحس انه فقد بمحبته رجال
ملكته من هدب عين وخسرت رضاه باهمالك
صحيح ان الفراق اقسى ولكن الوصال امحال
أنا صعبن علي أرضي غرورك واضعف اقبالك
بعد ما حققت عيني فبعدك للرقاد آمال
أعود للسهر؟ -- يا خوي فال الله ولا فالك
ببدل نظرتك فيني واجي لك كل يوم بحالك
بكون اقرب من ثيابك عليك ولا تهيا لك
بالمك وانثرك واجمعك وارجع وانثرك بهمال
بخونك وازعلك وارضيك وازعل منك وارضى لك
أبرسم بالثرى وجهك وابدفن صورتك برمال
أبشكي للعرب فرقاك واضحك عند عذالك
أبهديك الوصال فراق واهديك الفراق وصال
بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك
نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا --- وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لا انته ولا غيرك --- ولا عشرة من اشكالك[/poem]

[المعلم]

نصيحة واحتفظ فيها قصر معك الزمـن أو طـال
أبي تسمع كلامـي زيـن وتحطـه علـى بالـك
اذا حبك هبال اطفال لـك عنـدي هبـال اطفـال
ولا --- وابشر بعد بهبال حب ما هـو بهبالـك
واذا قصدك تهين اسمي عشـان تشمـت العـذال
ترى لا انته ولا غيرك --- ولا عشرة من اشكالك

أخي عاشق الأطلال
شكرا لك عرض هذه القصيده جميلة المعاني
جميلة التركيب
وصح لسان الشاعر ولسانك
تحيتي لك

[agadear]

قصيدة رائعة تحمل في طياتها الكثير من المعاني من شاعر حساس ومبدع

مشكور كنت ادور قصائد مكتوبة لحامد زيد لاني مره احبه بس المشكله تكون قصايده مصحوبه بموسيقه

اللحين اقدر اطبعها واقراها متى ما بغيت