رديح الشاب /عصام فريج المحياوي

[ماجد أبو مديدة]

[align=center] آخر ليالي رديح الصيف[/align]

[align=center]أقيم في جده بمناسبة زفاف الشاب /عصام فريج المحياوي
يوم الخميس ليلة الجمعة الموافق 4/8/1426هـ[/align]

[align=center] لحن ليحان [/align][align=center]الشريف أحمد الدبيش - عبد الله باخت الحمدي - محمد عبد المعطي المرواني - غالب الاحمدي
في مقابلة صف جده ( جبارة العروي - عبد العزيز بنيه - محمد الدبيش - ماجد أبو مديده )[/align][poet font="Simplified Arabic,6,white,bold,italic" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الدبيش ورفاقه
راعي الوفا حق نمشيله=مايردنا شي مهما كان
سلام والطيب تكميله=شامل وفيه الوفا عنوان
جدة
ساس الوفا فيك تأصيله=من سابق العهد والأزمان
ترحيب ترجح مكاييله=مايخس في رجحة الأوزان
الدبيش ورفاقه
قبل المسا ينطوي ليله=القيل نبغى منه مازان
هيا إستمع شرح تفصيله=وأبغاك تصغي لنا الآذان
جدة
آنا لك السمع مصغيله=بإحساس صادق من الوجدان
والقيل لابان تحصيله=ناخذ ونعطي معك بإتقان
الدبيش ورفاقه
ليه الصفا اليوم تحليله=ماهو كما كان قبل الآن
ياهل ترى العيب في جيله=وألاّ تخالِف في هذا الشان
جدة
الجيل ثابت على حيله=وماشي على منهجه ماهان
والكل ملزم بتمثيله=ويمشي مع الناس بالإحسان

وإنكسر اللحن
[/poet]


[align=center] لحن سلام [/align]
[align=center]صف جدة ( عبد العزيز بنيه - محمد الدبيش - ماجد أبو مديده )
في مقابلة احمد الدبيش -عبد الله باخت - محمد عبد المعطي - غالب الاحمدي )[/align][poet font="Simplified Arabic,6,white,bold,italic" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جدة
أنظر معي دورة الأيام=اللي غريبة طواريها
مضمونها حالة إستفهام=فأول وآخر معانيها
الدبيش ورفاقه
أيامنا ما عليها أحكام=مفهوم ياكثر مافيها
ومن كان عنده فكر وإلهام=حَسَب أموره يماشيها
جدة
كيف أتحرر من الآلآم= وألقى معالج يداويها
ودكتور روحي عليا ضام=من كاس الأسقام يسقيها
الدبيش ورفاقه
إسمع لما قاله الفهام=اللي المواضيع تسديها
لو كان طبك معك في ليام=ماكان روحك يعنيها
جدة
مرغم طبيب الجروح إرغام=يمشي على حروف قاريها
لجله مأدّي عليها أقسام=آلآم الأرواح يشفيها
الدبيش ورفاقه
مادام ماهو على مايرام=والحال في إيدين قاضيها
باللطف ومسايسة وإقدام=كل المعاناة ينهيها

وإنكسر اللحن
[/poet]

[align=center] زهورات زمانين [/align][poet font="Simplified Arabic,6,blue,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
عبد العزيز بنيه
مادام أقدر ويمديني=ما أغيب عن واجب الأصحاب
اللي رضاهم يكفيني=ولأهل الحسد ما حسبت حساب

أنس الدريني
روّح وأخذ بسمتي وياه=وفي غيبته ما قويت سكوت
ناديت ياهاجري بالله=يرضيك وحدي أجر الصوت

بندر جباره
طاف الهوى في بدن مغرم=وأعقب وراه الأسى والويل
اللي إنسقى في نهاره سم=كيف يهتني في منام الليل

عبد الله باخت
واقلبي اللي من أجراحه=سقيم عبر عن المكنون
نجوم غابت عن الساحة=لظروفهم والبعض مدفون

محمد عبد المعطي المرواني
جروح روحي مآسيها=تفرقت في جميع عضاي
أدرى عليها وأداريها=وماينوبني غير كثر بكاي

خليل الثقفي
مجبور أسهر طوال الليل=عاشق لمعشوق متغلي
ماني عنه بالغرام محيل=ولا هو على وصل ويظلي

ماجد أبو مديده
أنا والأحزان متفقين=ننمشي سوا لآخر المشوار
نسقي بعضنا عذاب سنين=من كاسة المر والصبار

محمد الدبيش
تسري نجوم الليالي كم=ما يوم غابت عن أنظاري
واللي أسر خافق المغرم=أتعب معه نجمه الساري
[/poet]


[align=center] لحن زمانين[/align][align=center]صف أملج ( عبد الله باخت - محمد عبد المعطي - - أنس الدريني )
في مقابلة صف جدة ( عبد العزيز بنيه - محمد الدبيش - ماجد أبو مديده )[/align][poet font="Simplified Arabic,6,white,bold,italic" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أملج
مشرف على البرفي مسراي=من بحر بحر سوده بعد تنكيل
هب الشرو وإعترض ممشاي=كيف ألتقيلي عنه تحويل
جدة
حداك جاني وهذا حداي=وعادات سعي البحور مهيل
ومن يحسب حساب للي جاي=يرسي لو إنه حصل تشكيل
أملج
حطيته البر في يمناي=ووكبي على نجمه الأكليل
لكن لقيت الخطر يسراي=موجه علينا عذاب وويل
جدة
خلك معي وإستمع معناي=يامشتكي بين عدل وميل
عظيم أمر البحر له راي=صارم ولا يقبل التعديل
أملج
أنا حسيت الحسو في خطاي=وغزره سعيته نهار وليل
صار الذي صار غصب رضاي=وأخشى طريق العنا لا يطيل
جدة
كل الجوارح وكل عضاي=توافقت وأصدرت تحليل
من كان للمريسة درّاي=ما يضيع كسبه من التحصيل
أملج
وين الذي يفتهم للغاي=ويجعل لنا فالأمر تسهيل
ما قلت لك ضاع مني هداي=إحنا إشتكينا من التعطيل
جدة
ماني لهذا الأمر نسّاي=فصّلتها المسألة تفصيل
هذا حكم وأختمه بمضاي=أشوف ندك قوي الحيل

وإنكسر اللحن
[/poet]


[align=center] لحن مالك الروح [/align][align=center]صف جدة ( عبد العزيز بنيه - محمد الدبيش - ماجد أبو مديده )
في مقابلة صف أملج ( عبد الله باخت - محمد عبد المعطي - - أنس الدريني )[/align][poet font="Simplified Arabic,6,white,bold,italic" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
جدة
جرحي تحديت آلآمه=ولازلت صامد ومتحديه
وأخشى إذا طالت أيامه=ينهد كل الذي بانيه
أملج
من كان ثابت على أقدامه=وقاضب زمام الأمر بيديه
ما يخاف من جور هدامه=مهما الزمن شان ويلاويه
جدة
آه الذي نصب خيامه=وزود على خاطري مافيه
لو ذقت جوره وأسقامه=ماتلومني فالذي أشكيه
أملج
القيل جالك على نظامه=حسب الذي فالمثل مبديه
والمرء ما يلوم لوامه=وكلاً معه حجته تقديه
وإنكسر اللحن
[/poet]

[align=center] وياصحابنا سامحونا [/align]

[align=center]ملاحظة : إنتهى الرديح الساعة العاشرة صباحاً[/align]

[الساعي]

[ALIGN=CENTER][/ALIGN]
[poet font="Tahoma,5,black,bold,normal" bkcolor="transparent" bkimage="backgrounds/24.gif" border="none,4,gray" type=0 line=200% align=center use=ex length=0 char="" num="0,black" filter=""]
الدبيش ورفاقه
ليه الصفاء اليوم تحليله=ما هو كما كان قبل الآن
يا هل ترى العيب من جيله=وألاّ تخالِف في هذا الشان
جده
الجيل ثابت على حيله=وماشي على منهجه ما هان
والكل ملزم بتمثيله=ويمشي مع الناس بالاحسان
__________
جده
كيف اتحرر من الآلآم=وألقى معالج يداويها
ودكتور روحي عليا ضام=من كأس الأسقام يسقيها
الدبيش ورفاقه
ما دام ما هو على ما يرام=والحال في يدين قاضيها
باللطف ومسايسه وإقدام=كل المعاناه ينهيها
[/poet]

[ابو فواز]

[align=center]مبروك للشاب عصام المحياوي

اعجبني الحكم من شعارجدة

هذا حكم وأختمـه بمضـاي =أشوف نـدك قـوي الحيل [/align]

[poet font="Simplified Arabic,6,white,bold,normal" bkcolor="darkred" bkimage="" border="outset,10,burlywood" type=0 line=200% align=center use=ex length=0 char="" num="0,black" filter=""]
أعجبني الغصن فالألحان=قايد وماهر فتسديده
حكمه حيادي على الميزان=راعي نظر في مراديده
[/poet]

[ZEYAD]

بسم الله الرحمن الرحيم
السلام عليكم ورحمة الله وبركاته
كــــــــلام عادي جدا وليس فيه أي شيء يثير الأعجاب بل أن بعض الأغصان مقوله وأذا ماهي مقوله بنفس الصيغه تجدها مقوله بكلمات أخرى تقريبا هي نفسها المستخدمه قبل. أرجوكم أفهموني والله ماقصدت التقليل من شأن الشعراء فأنا أعلم أنهم شعراء سواءا رضيت أم أبيت ولكن هذا ما أحسسته وأحسه الكثيرين ولكن كل واحد خايف يقول رأيه علشان ما أحد يفسره تفسير خاطيء أو يؤخذ كلامه بأعتباره موقف ضد شخص معين . لكن الشيء المهم أذا سكتنا وما صار نقد هادف وأكرر أقول هادف ماراح يتحسن الوضع للأبد. عموما شدوا حيلكم ياشباب والرديح متى مافقد الحماس والتميز أنتهى أتعبوا علشانه هاتوا كلام زين حاولوا تركيب كسرات مختلفه في صياغتها أنتم جيل جديد والمفروض أن يكون معكم ثقافه جديده ... أطروا هالثقافه الجديده باطار يتماشى مع الكسره وتوكلواعلى الله بأذن الله ستنجحون أستخدموا أسلوب التحدي الشريف التحدي الذي لايخرج عن حدود الادب ..المجال واسع أمامكم ...منكم من يمتلك موهبه جميله ..ماباقي عليه الا يطورها بس ....أستفيدوا من كلام من سبقكم من الشعار ...يعني أستعرض مثلا كسرات قديمه وردها شوف كيف يبنى المشكتى وشوف كيف القبيل يرد عليها بهالطريقه تتعلموا . أنا أوجه كلامي هذا طبعا للشعراء الشباب والا الكبار هم أدرى مني بمثل هالامور يعني مثلا الشاعر أحمد الدبيش شاعر كبير مايختلف على شاعريته أثنين لكن يبدو أنه أتى الرديح وفي باله ما آل اليه الرديح وربما أنه وصل الى حدود اليأس في أن الاوضاع تتعدل ...أقول ربما ..وليش لا والكل يشاهد الوضع على الساحه...المهم أيها الشعراء الشباب المحاوله أذا مانجحت ماتعني الفشل ....بل يجب أن تعني الأصرار في أنجاحها في المرات القادمه ...وهكذا تستفيدوا من التجارب وتظهروا بشكل ممتاز

[ابـ مزاحم ـو]

السلام عليكم ورحمة الله وبركاتة

عساكم جميع على القوة

الف الف الف الف مبروووووووووووك لعصام وعقبال خالد واخوانة يا رب

ويومها كنت جالس في النت وفي موقع المجالس ادور على الرديح كان نفسي اكون حاظر بس ربك ما ارد

وحبيت اشاركك فرحتك وكتبت هذي الكسرة

هذا موجبي من الاردن مرســـل ,,,,,,,,,,, عســاء يوفي ويكمـل




ليتنــــي يومها حاظـــــــر ....... لجـــل افرح مع الكـــل
يوم الفرح انا اناظــــر ........ المجالس ودور الحــــــــل
كيف اشارك في الســـرور......... يا ولـــد الخـــــــــال
كنت اتمنى اني من الحضــور ........ بس الوالد ما مــــــل
كان ضمن الصف قايد صقــور ...... وانا في بلد الاردن ارســل
عساء ايامك كلها ســــرور ...... وعقبال ما نزف خالد بلفـــل