كل مادار فى المجالس الينبعاويه بين شاعر الاجيال وفارس الكسره

[ابن عاطي]

[poem=font="Simplified Arabic,6,#FF00B9,bold,italic" bkcolor="" bkimage="images/toolbox/backgrounds/21.gif" border="inset,6,#FF00F6" type=0 line=0 align=center use=ex num="0,#400000"]
أحمد عطا=
سلام وسمع جديد القيل=رده للااصحاب واخواني
نسايمه من ضفاف النيل=فى ظرف نايب عن لساني
صحاني الشوق نص الليل=يبكى عليكم وبكاني
كأنه البعد مية ميل=والنوم عيا ليهناني
كيف أنطلق من قوي الحيل=اللى إذا غبت ينساني
وأنا حياتى خطر فى ويل=عايش مع العالم الثاني
البندوري=
ترحيب لاستاذ هذا الجيل=اللى بنهجه تبناني
معروف كانه الرقيب سهيل=اللى من الجو يبراني
حللتها المساله تحليل=من ذات فكرى ووجداني
لقيت نظم المعاني سيل=وحرك شجوني واشجاني
مارضى عليك العذاب تكيل=تشرب من المر وتعاني
من مثلكم نقبل التعديل=وانت حكم تردع الجاني
البندوري=
ـ ـ ـ ـ=
البندوري=
اعداد ماخطت الاقلام=وماسبح الطير للباري
سلام للشاعر الدرغام=اللى كلامه نهر جاري
من ذكرياتي مع الايام=قصدى احدثك باخباري
امطار هذى السنه والعام=محصولها ماطفى ناري
أحمد عطا=
ترحيب مجبر عليه إلزام = حسب النظام الذي ساري
يافارس القيل فالإعلام = وفكل ماجالكم طاري
كلام ماصار فالأحلام = ولو صار ماله غزر عاري
لوجاك رش المطر من شام = جهدك عن النار مايداري
أحمد عطا=
البعد ذوب حنين القرب=والقرب خلا الجفا طول
حتى كرهت الاكل والشرب=وعايش على ذكريات أول
البندوري=
انا عجبنى الكلام العذب=ومن دقته خاطرى مول
من شرقها ردني للغرب=ومن طالعه صرت متهول
هذا الهوى ماغوى فالدرب=عمره عن الدرب ماحول
الود ضيع رسوم الحب=وجباله الراسيه صول
البندوري=
سؤال للكل وابغى رد=يفيدني حسب معنايه
فن الصفا انتهى اوبعد=محفوظ باقي بلا نهايه
أحمد عطا=
فن الصفا مايجي له سد=باقي ومرفوع له رايه
وإبناه عالي ولاينهد=عند الذى مالهم غايه
البندوري=
ياقاضي القيل كملك فين=الشوق آثر على فؤادي
لاابداعك الناس مشتاقين=طول غيابك عن النادي
أحمد عطا=
لو ما اعرف الناس مشغولين=هذا منى القلب ومرادي
انزلهم كل وقت وحين=ماغيب عن مركز ودادي
كل الذى غبتها شهرين=واشوف هذا الامر عادي
ولا يسجل علي دين=اوفيه لحان ميعادي
البندوري=
ــ ـ ـ ـ ـ ـ=
البندوري=
هموم قلبي تجي وتـروح=مع نسمة الصبح والمغرب
الصبح اصبح بها مجروح=ووقت المساء نارها تلهب
أحمد عطا=
الود لنه سكن في روح=في بدايته بالنغم يطرب
نسايمه بالعبير يفوح=ومقابله فاللقاء يعجب
ون غاب عقّب ألم وجروح=مايفيد فيه الدواء والطب
إن ماضمير الهوى مصلوح=ماتنول من جانبه مكسب
البندوري=
مين يدعي للمثل بـداع=مايستتر فى ذرى مخلوق
بضاعة الغش ماتنبـاع=عند الذى يعرفون السوق
أحمد عطا=
يافارس القيـل والابـداع=امشى عدل واستقيم وروق
اللى لهم فالمعانـي بـاع=لاتسير لحسابهم محقـوق
البندوري=
مثلى لاراع الادب منصاع=اللى سحابه علينا يسوق
اما الذى يخلف الاطبـاع=مرافقه عندنـا مايلـوق
أحمد عطا=
الزرع من قـدرة الـزراع=يعطى الذى يجتهد مطبوق
لاشك فيك الامل ماضـاع=للمنفعه والاشايا وفـوق
وصحيح ان الذهب انواع=اثمانها عن بعضها تفوق
نجل الاسود السباع إسباع=ميقافهم للقلوب يشـوق
البندوري=
غبنا عن المنتدى شهرين=غبنا وعُدنـا لحبايبنـا
غبنا وجانا الكلام الزين=غبنا ولا ... كِنّنا غبنـا
أحمد عطا=
لاغبت تبكي عليك العين=ولاجيت تحصل مكاسبنا
كأنها غيبتـك عاميـن=مابعدكم شيء يعجبنـا
البندوري=
سلام من خاطرى ياعـد=مادمت رايـق ومتهنـي
ابغى اسألك واستمع للرد=ومايخيب فى مثلكم ظني
ماصار هذا الامر يسعـد=ابكي غبن لو ضحك سني
لجل ايه كل ماقترب يبعد=وكل مابتعد يقترب منـي
أحمد عطا=
ترحيب من قلب كلـه ود=للفارس اللى وصل فنـي
بمثابره واجتهـاد وجـد=فى مستوى مانقص عني
طبع الهوى فالرضاوالصد=قبلـك غبنـي وجنـنـي
ياكم قصـرا بنيتـه هـد=ويفرح على بكاي ويغنـي
البندوري=
بمناسبةعـودة العمـلاق=أحمد عطا من بلاد النيـل
ارفع علم فالسما خفـاق=وانثر له الـورد بالإكليـل
بالطيب ياعالـى الآفـاق=جعلت كل القلـوب تميـل
إن غبت ما للمثل مشراق=وإن جيت لأهل المثل قنديل
أحمد عطا=
سمعت عذب الكلام إنساق=من فارس القيل وأهل القيل
جاني وترجم لي الأشواق=مع نسمة الصبح تالي الليل
وأصبحت أكثر من المشتاق=الله من شاف دمعي سيل
تجاوز البر والأنفاق=تحت البحر والمسافة ميل
أحمد عطا=
لاباس والكل يدعي لك = بعنايته ربنا يحميك
منبر للأخلاق ويديمك = ويحفظك دايم ويبارك فيك
البندوري=
فالقيـل يازيـن تعبـيـرك=يمشى معك حسب مايرضيك
الهـم غـادر بتصويـرك=والشـر ياعمنـا مايجيـك
البندوري=
سلام ياحضرة الدكتـور=يامن بحسن المعانى جاد
لجلك علم فالبلد مشهور=ياعـد ياقايـد الـرواد
هيا أستمع طالع المنشور=اللى عليه المثـل ينقـاد
وافى ودايم يجينى قصور=من الذى يخلف الميعـاد
أحمد عطا=
ترحيب للصاحب المبرور=اللي بجهده وصل للمـاد
ولابوه بالمنطق المسطور=أستاذ للحاضـره والبـاد
الكل هذا الشهر معـذور=ومقبول فيه الوعد لو زاد
بدايتـه للخلايـق نـورو=نهايتـه كلهـا أعيـاد
البندوري=
مايوم شكيت فى حبك=واليوم زادت محبتكم
يللى الوفاء دايما دربك=والطيبه دوم مصدركم
أحمد عطا
آنا عجبني صفا قلبك = وآبوك أسس مودتكم
وطمّعني الطيب في قربك = وأسلوب ربعك وعادتكم
والى لقاء اخر
مع شاعراخر[/poem]

[القالط]

اخي ابن عاطي شكرا جزيلا على تجميع هذه الكسرات بين ريس الرواد الشاعر العملاق احمد عطا
وفارس الكسره انها بحق دروس مجانيه لما تحتويه من عمق في المعنى وتنوع في الالفاظ ووفره
في الاساليب وغزاره في المحتوى اسجل كامل تقديري للشاعرين

[عبدالعزيز الجهني]

[poem=font="Simplified Arabic,6,#FF00B9,bold,italic" bkcolor="" bkimage="images/toolbox/backgrounds/21.gif" border="inset,6,#FF00F6" type=0 line=0 align=center use=ex num="0,#400000"]
البندوري=
اعداد ماخطت الاقلام=وماسبح الطير للباري
سلام للشاعر الدرغام=اللى كلامه نهر جاري
من ذكرياتي مع الايام=قصدى احدثك باخباري
امطار هذى السنه والعام=محصولها ماطفى ناري
أحمد عطا=
ترحيب مجبر عليه إلزام = حسب النظام الذي ساري
يافارس القيل فالإعلام = وفكل ماجالكم طاري
كلام ماصار فالأحلام = ولو صار ماله غزر عاري
لوجاك رش المطر من شام = جهدك عن النار مايداري
البندر=
سلام من خاطرى ياعـد=مادمت رايـق ومتهنـي
ابغى اسألك واستمع للرد=ومايخيب فى مثلكم ظني
ماصار هذا الامر يسعـد=ابكي غبن لو ضحك سني
لجل ايه كل ماقترب يبعد=وكل مابتعد يقترب منـي
أحمد عطا=
ترحيب من قلب كلـه ود=للفارس اللى وصل فنـي
بمثابره واجتهـاد وجـد=فى مستوى مانقص عني
طبع الهوى فالرضاوالصد=قبلـك غبنـي وجنـنـي
ياكم قصـرا بنيتـه هـد=ويفرح على بكاي ويغنـي
[/poem]

قمه فالروعه شكرا لك ابن عاطى لااثراء القسم بمثل هذه المشاركات الرائعه

[ابن عاطي]

لاشكر على

واجب يالقالط

وهذا اقل ما اقدمه

لاستاذى فارس

الكسره

محبكم:ابن عاطى

[البندر]

[align=center]شكرا لك اخى
ابن عاطى وجزاك
الله خير على ماقمت
به من جهد فى جمع ما بينى
وبين شاعر الاجيال العم احمد عطا
دمت بكل الود محبك واخيك ...... البندوري[/align]

[البندر]

[align=center]اخى ابن عاطى
فضلا لاامرا يالغالي
لم تنتهى المحاوره التى
سوف تجرى بيني وبين شاعر
الاجيال العم احمد عطا تضيفها هنا
فى هذه الصفحه دمت بكل الود اخيك البندوري[/align]