يمـــــــــــــــه فديتك من هموم الليالي

[حد السيف]

[align=center]السلام عليكم ورحمة الله وبركاته

لمحبي الشعر النبطي إخترت لكم هذه القصيده للشاعر المتمكن

خليل المطيري

[poet font="Simplified Arabic,5,white,normal,normal" bkcolor="transparent" bkimage="backgrounds/22.gif" border="groove,9,burlywood" type=0 line=200% align=center use=ex length=0 char="" num="0,black" filter=""]
يمه فديتك من هموم اليالي=يمه عسى ما شر شفتك تونين
يمه خذي مالي ودوك الحلالي=يفداك يا يمه وأنتي تعرفين
يمه ترى منسى خيالك قبالي=يمه خيالك مسكنه داخل العين
إليا سمعت الصوت ينسر بالي=وانسى هموم الوقت وانسى الدواوين
يمه ترى الجنه معك والمعالي=يمه قدم رجلك أحطه على العين
أذكر زمان اول وانا فالدَلالي=أذكر تعبتي معي وانتي تربين
من كثر ما ركض من يمين وشمالي=واتعبك ما همي سوى اللعب تدرين
وتقولي اجلس يا وليدي ومالي=وانا مع الشارع ولعب الوراعين
احيان اقول إني صغيرٍ وسالي=العب مع الجهال لعب الشياطين
يوم اتذكر وش جرى في خيالي=مدري عن الأيام وشلون تمشين
يوم إني اكسر خاطرك ما ابالي=ما همني يمه صغير ومسكين
واذكر زماني يوم اشق الريالي=يوم الهلل والقرش يسوى الملايين
يا حسرتي يا وقتي اللي مضالي=يوم(ن) اشوفك طول الأيام تبكين
مدري مرض ولا هموم تصالي=مدري تعب مدري كثر ما تحسين
يمه عسى روحي وحالي ومالي=فدوه لدمعك يوم للدمع تخفين
يمه لو الأيام تشرح سؤالي=سألت أنا الأيام وينك وانا وين
وسألت دمعك يوم بل الشيالي=يا دمعة تسوى كنوز السلاطين
وسألت حر الشمس وين الظلالي=وسألت قمرى الليل ما نورت زين
يمه أبي منك السموحه ولا لي=مطلب سوى تعفين عني وترضين
واخذي من الدنيا ودوك العيالي=أنتي لنا الراعي وحنا رعيين
وستأذنك وقتى ترى ما صفالي=ادعي لمن ضاقت عليه الفلاتين
ادعي لمنهو بيدته الليالي=عسى زمان راح يرجع وترضين
وصلاة ربي عد رمي النبالي=على نبيٍ وضح الحق والدين
[/poet]

وللجميع تحياتي وتقديري
أنس الجهني[/align]

[أبو زارع]

[align=center]اختيار موفق جدا جدا يا أنس بالفعل الشاعر خليل المطير ي شاعر متمكن ومرهف الأحساس . وهذه القصيده جسد فيها الشاعر الاحساس الصادق تجاه الأم . بعد قرأتها إنتابنى إحساس يصعب وصفه لدرجه ::::::: الف شكر للشاعر الرائع المطيري والف شكر لاحساس انس الراقى فى الأختيار هذه هي القصائد الخالده. [/align]

[حد السيف]

[align=center]أشكرك أخي شاعر المجالس الأستاذ خضر زارع
على مرورك الكريم ومشاركتك الهادفه والجميله
أخي خضر هل لك قصائد أم تكتفي بالكسرات
وإذا كانت لك قصائد أرجوا أن تنزلها بالمنتدى

ولك تحياتي وتقديري
أنس الجهني[/align]

[أبو زارع]

الاخ الحبيب المشرف انس الجهنى للأسف ليس لي اي قصيده ولكن اوعدك لو كتبت قصيده سوف اوجهها لك . لك خالص تحياتى

[حد السيف]

[align=center]أشكرك يا شاعر المجالس الينبعاوية
على مرورك ومشاركتك

ولك تحياتي وتقديري
أنس الجهني[/align]

[الشاعر]

[align=center]ما أجمل هذه الصفحة المليئة بالحب والحنان والعاطفة الصادقة
من قصيدة الشاعر خليل المطيري بالأم
إلى ما دار من حوار رقيق بين الأحبة المشرف أنس والشاعر خضر

شكرا أنس على هذه الصفحة العطرة
وهذا الإختيار للقصيدة الغارقة بالحنان والوفاء والعرفان[/align]

[حد السيف]

[align=center]الشكر لك أخي الغالي الشاعر على هذا الرد المتواضع الذي سعدنا به
وأتمنى أن نرى مشاركاتك الجميله في المنتدى بكثره لكي نستفيد ونتعلم منك

ولك تحياتي وتقديري
أنس الجهني[/align]