أمسيــــة المجالس في >> ثـــــــول

http://www.alhejaz.net/masa/gmaish.8.jpg


أمسية ثول

في أمسية من الأمسيات الجميلة بمدينة ثول
وفي ضيافة الأخ / عادل عبدالعزيز الجحدلي الذي قدم لنا الدعوة في وقت سابق
إجتمع شعراء المجالس الينبعاوية
من ينبع:
1ـ الشاعر / فيصل فران
2 ـ الشاعر / طارق قاضي
3 ـ الشاعر / أيمن أبو غمري
ومن جدة :
1 ـ الشاعر / فريد أبو مديدة
2 ـ الشاعر / عبدالإله الشريف
من ثول :
الشاعر / قميش القر يقري
2 ـ الشاعر / حامد بن عبدالحميد الحربي
3 ـ الشاعر / راجح الجحدلي
4ـ الشاعر / عبدالرحيم الجحدلي
5 ـ الشاعر / حامد بن فعران

كانت ليلة تعارف بين الشعراء تبادلوا فيها الكسرات الترحيبية وتطرقوا لشعر الكسرة وتميزه وإنتشاره في كافة مدن المملكة وكذلك لاأنسى إشادتهم بمساهمة منتدى المجالس الينبعاوية في الحفاظ على هذا الموروث ورعايته.
أترككم لقراءة ومشاهدة مادار في هذه الأمسية الرائعة من محاورات وخواطر وذكريات وزهرات
والتي كان لي شرف نقلها لكم :





http://www.alhejaz.net/masa/gmaish.7.jpg
[poem=font="Simplified Arabic,5,white,bold,italic" bkcolor="blue" bkimage="" border="ridge,5,blue" type=0 line=0 align=center use=ex num="0,black"]
ينبع
سلام عطره عبير الورد = عالي على مستوى لايق
بإعداد شاهد هنا يشهد = وإعداد مايخفق الخافق
جينا على وعد نوفي وعد = كنا قطعناه من سابق
ونبغى يكون الوعد بالرد = الآن مانقبله لاحق
ثول
يامرحبا ياعريب الجد = إعداد ماينطق الناطق
ترحيب ماينحصر له حد = أصلي من المعدن الرايق
أوفيت بالعهد ماتجحد = يالوافي الفاهم الصادق
حبل الوفا بالوفا ممتد = بالقول والفعل متطابق
[/poem]
http://www.alhejaz.net/masa/gmaish.3.jpg





http://www.alhejaz.net/masa/gmaish.9.jpg
الأستاذ / عادل عبد العزيز
قمة في الوفاء وحسن الإستقبال وكرم الضيافة

[poem=font="Simplified Arabic,5,white,bold,italic" bkcolor="blue" bkimage="" border="ridge,5,blue" type=0 line=0 align=center use=ex num="0,black"]

عادل عبد العزيز الجحدلي
زان المسا بحضور الفن = رجال تبدع لنا فالقاف
يامرحبا يارفيع القن = والعزوة اللي على الميقاف
الرد من ينبع
ترحيب بالشاعر المتقن = اللي سعى فالمعاني وطاف
زدنا شرف والقلوب تحن = للقيل والمنطق الشفاف
[/poem]


http://www.alhejaz.net/masa/gmaish.4.jpg
[poem=font="Simplified Arabic,5,white,bold,italic" bkcolor="blue" bkimage="" border="ridge,5,blue" type=0 line=0 align=center use=ex num="0,black"]

فريد وعبد الإله
جينا على الوعد متفقين = نقري التحية على الأحباب
لمقابل الجمع مشتاقين = مادام ليل المصافا طاب
قميش ورفاقه
يامرحبا الآن منتظرين = نحسب لكم فالمجال حساب
من سابق الوقت لاذلحين = ننظر متى ينطرق ذا الباب
فريد وعبدالإله
أهل الوفاء دايما وافين = ماعندنا شك وإستغراب
عسى البقا حضرة المفتين =والقيل نفتح له الأبواب
قميش ورفاقه
إنتم على الطيبة ممدين =يامركز العز والآداب
لاباس يامنبع التثمين = ابدعت فالقول والإنداب
فريد وعبدالإله
هيا إستمع والمعين يعين = شكوى من العين والأهذاب
كيف الهذب يهتني بالعين = لاصار سد الحجاب حجاب
قميش ورفاقه
إنت توريت بالتمكين = ماتعرف إن الحسد ماغاب
دايم يعكر صفا صافين = سيطر على المبتلي ماهاب
[/poem]



http://www.alhejaz.net/masa/gmaish.5.jpg
الشاعر / عبدالرحيم الجحدلي
يسار الصورة
[poem=font="Simplified Arabic,5,white,bold,italic" bkcolor="blue" bkimage="" border="ridge,5,blue" type=0 line=0 align=center use=ex num="0,black"]

عبدالرحيم الجحدلي
يامرحبا بالذي جونا = في ثول ناصين من ينبع
قطعوا مسافة ووصلونا = والطيب في أصلهم منبع
الرد من شعراء ينبع
من سابق العهد وصونا = اللي لهم عندنا مرجع
نبغى وعد ليت توفونا = قدام لديارنا نرجع
[/poem]
http://www.alhejaz.net/masa/gmaish.19.jpg
الشاعر حامد بن فعران يرسل هذه الكسرة لفريد أبو مديدة وعبدالإله الشريف
[poem=font="Simplified Arabic,5,white,bold,italic" bkcolor="blue" bkimage="" border="ridge,5,blue" type=0 line=0 align=center use=ex num="0,black"]
سلام فنه سحر وإعجاب = مازال ماها علينا يصب
تقدير وافي لكم خلاب =حتى نسيمه علينا يهب
الرد من جده ( فريد وعبدالإله )
نفرح بها لمت الأحباب = وأهل المثل زامهم مكسب
يامرحبا وأكثر الترحاب =ترحيب مثل الشهد وأعذب
[/poem]

http://www.alhejaz.net/masa/gmaish.16.jpg

http://www.alhejaz.net/masa/mofas.jpg
الشاعر فيصل فران وحديث جانبي مع الأخ موفق
حول الأمسية وروعتها

http://www.alhejaz.net/masa/gmaish.15.jpg



[poem=font="Simplified Arabic,5,white,bold,italic" bkcolor="limegreen" bkimage="" border="ridge,5," type=0 line=0 align=center use=ex num="0,black"]
من خواطر وزهرات
الشاعر /قميش

( 1 ) مسرحية
فالموقف الحاسم المحرج = إعتل قلبي لجل همسه
مثل الدراما مع المخرج = ماسه لذعني قبل لمسه
( 2 ) المر
يطيب لاشاف ناس أكثر = النوم لعيونهم جافي
ومصيبته حجمها يصغر = لجل الذي نورهم طافي
( 3 ) رحمة
لاوين من دمنا نحرق = يصحابنا إنتم حرقتونا
من طلعة الشمس للمشرق = وش صابكم مارحمتونا

( 4) بحر الأشواق
في بحر الأشواق سافرنا = حتى نزلنا على شاطيه
وهناك خيم معسكرنا = بإسلوب والناس تسفتيه
لاعسعس الليل أبحرنا = وليا الصبح الصبح نمسي فيه
ياما وياما تخيرنا = هذا نبيعه وذا نشريه

[/poem]

http://www.alhejaz.net/masa/gmaish.6.jpg


غبوة
يقول الشاعر قميش هذه الغبوة أرسلت لي قبل خمس وثلاثون عاما من ينبع للشاعر ( أبوقويس )
[poem=font="Simplified Arabic,5,white,bold,italic" bkcolor="limegreen" bkimage="" border="ridge,5," type=0 line=0 align=center use=ex num="0,black"]
يقول فيها : ـ
حَرّم وإن كان تهوى به = ويحل لك كان ماتهواه
في قول ربي وفكتابه = علما مؤكد حديث قضاه
ورد عليه الشاعر قميش
لجل النبي حذّر أصحابه = الكاس حرم وراح سراه
في جنة الخلد يحظى به = وحرم على الزول في دنياه
[/poem]



http://www.alhejaz.net/masa/gmaish.1.jpg
الشاعر / حامد بن عبد الحميد



[poem=font="Simplified Arabic,5,white,bold,italic" bkcolor="limegreen" bkimage="" border="ridge,5," type=0 line=0 align=center use=ex num="0,black"]
البنك
يقول الشاعر قمبش
ماللهوى بنك للتقصيد = يوخذ منه كاش ويسدد
أبغاك في ماوصلت تفيد = ويصير عنك الخبر مسند
الرد من حامد عبدالحميد
له فرع يفتح نهار العيد = بشيك محدود مايجدد
عطفه لمن يشتهي ويريد = ظالم ومع ظلمه مؤيد
[/poem]



باب الود
يقول قميش

[poem=font="Simplified Arabic,5,white,bold,italic" bkcolor="limegreen" bkimage="" border="ridge,5," type=0 line=0 align=center use=ex num="0,black"]

سلام من منهج التصنيف = اللي على بند باب الود
فالقيل مانبغي التحريف = اللي عليه الحقيقة تعد
الرد من حامد عبدالحميد
ترحيب من لايق التأليف = يفيدكم حسب مايوجد
من بعد ماراجع الإرشيف = هذا الهوى بين جزر ومد
[/poem]


الحظ
يقول الشاعر قميش

[poem=font="Simplified Arabic,5,white,bold,italic" bkcolor="limegreen" bkimage="" border="ridge,5," type=0 line=0 align=center use=ex num="0,black"]

الحظ ياستاذ لاأقبل = المرء يسعد ويحظابه
كل الصعوبات له تسهل = مايتعب الناس تشقى به
الرد من راجح الجحدلي
حكمك على الحظ مستعجل = يلزمك تسأل عن أسبابه
حظيت في أنسك المأمل = اللي أبى كان يسخى به

[/poem]



http://www.alhejaz.net/masa/gmaish2.jpg
الشاعر / راجح الجحدلي
الآه
يقول الشاعر راجح الجحدلي
[poem=font="Simplified Arabic,5,white,bold,italic" bkcolor="blue" bkimage="" border="ridge,5,blue" type=0 line=0 align=center use=ex num="0,black"]
أشكي من الآه والآهات = اشكي ألم والألم خافي
القلب زادت به الصدمات = ولاظنه في إقبال ياكافي
الرد من حامد بن عبدالحميد
الآه من معظم البلوات = كم ضيع الآه متعافي
الآه ماله دوا حزات = وحزات فيه الدوا شافي
[/poem]


http://www.alhejaz.net/masa/gmaish.18.jpg




http://www.alhejaz.net/masa/gmaish.13.jpg
الأخ / موفق المطرفي
كان شمعة تحترق في خدمة الجميع

http://www.alhejaz.net/masa/gmaish.20.jpg





[poem=font="Simplified Arabic,6,darkblue,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]
زهرات وخواطر
فيصل فران
( 1 )

من لاحسب للزمان حساب = وصان نفسه وتقديره
يخليبه الوقت والأسباب = ويفقد من الناس توقيره
ومن كان شايف زمانه طاب = ولا إعتبر من زمن غيره
يلقى حصاد العمر لاشاب = بخلاف ظنه وتفكيره
( 2 )
دايم والأيام فيها دروس=ودوراتها ماعليها قيود
لكنها للأسف فى نفوس=ماغيرت من بواطن سود
( 3 )
لاتجرحوا فالذي مجروح=ماعاد يقوى جروح جداد
يكفيه جسماً بليا روح=ولاعاد يقبل علاج وزاد
( 4 )مشاعر الود ماهي لعب=تلعب بها كيف ماتهوى
نيران وسط القلوب تشب=مااحدٍ على جمرها يقوى
( 5 )
الود ما هو غصب واطواق = ما ينجح الود تسويقه
حملتني شي ما ينطاق = ما يحمله القلب ويطيقه
ولا هو بودي أقول فراق = انت تعمدت توثيقه
آسف إذا سار فيه اخفاق = ما حالف الود توفيقه
رسمت لك ود للآفاق = غالي وعالي في تنسيقه
وجعلت لك ود فالأعماق = وصورة أمل صعب تحقيقه
[/poem]






[poem=font="Simplified Arabic,6,darkblue,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]
فيصل فران
مع القريشي
حارس على القلب والقضبان = وجنود حوله على الأبراج
كيف اوصله وأقنع السجان = وآخذ دقيقة حكم إفراج
الرد من عايد القريشي
لو كان حطوا عليه الجان = قوة حرس قاطبين أفواج
مافيه أقوى من الإنسان = واقوى من المبتلي لاأحتاج
الله يشفيك ياقريشي
[/poem]


[poem=font="Simplified Arabic,6,darkblue,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]
فيصل فران
مع ذيبان
طب الهوى قلب ماينطب = غافل وياليت ماطبه
اللي في طول العمر ماحب = وآخر حياته تعذبه
يرد أبو مسعود
لو إنه القلب مايرغب=ماسكّن إنسان يرغبه
وعلى كذا الود ماله ذنب = الذنب للي سبب ذنبه
الله يرحمك ياذيبان
[/poem]




http://www.alhejaz.net/masa/gmaish.12.jpg







[poem=font="Simplified Arabic,6,darkblue,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]


زهرات وخواطر
طارق القاضي

( 1 )
ليه ياصباح الفرح أخلفت=واشعلت بعد الوعد خوفي
هل المسا مستحيل الوقت=يمضي قبل ينجرح طرفي
( 2 )
لااخطيت أرضى من عتابك=وانسى عذاب الهجر لا جيت
ليت الذي صابني صابك=يا ساجي الطرف ويش سويت
تبدي لي الود في رحابك=وترجع تقول لي انا مليت
ماهي تسالي مع اصحابك=من جد مااقدر أنا حبيت
( 3 )
أمطر سحاب الهوى والقلب=مستبشر الخير في مزونه
ما يعلم ان المطر لا صب=هبايبه تخلف سكونه
( 4 )
ما اخاف موتي مثل فرقاك=ولا احب روحي مثل حبك
لا تبتعد والذي سواك=اموت واحيا على قربك
( 5 )
قاومت خوف البشر واخترت=درب الهوى معلن جهاده
لكن على عكس ما قدرت=واجهت الارهاب في عناده
[/poem]





[poem=font="Simplified Arabic,6,darkblue,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]

زهرات وخواطر
فريد أبومديدة


( 1 )
الصاحب اللي معك للجنب=يبقى يمينك ويهنالك
واللي مايحسبك له مكسب=هذا لاتحسيه من أموالك
( 2 )
بعد الذي قد حصللي وصار=هل ياترى نلتقيله حل
لما الغضي الحاقد المكار=يبخص حقوقي وأنا أكمل
( 3 )
صابر على الهم وجروحي=حتى الصبر من جروحي مل
كيف البصيرة ومصلوحي=ياأهل الإفادة عطوني حل
( 4 )
لاياكدر عن فؤادي روح = خل السعادة تعانقنا
يكفي فؤادي أسى وجروح = يكفيه مافيه يتعبنا
( 5 )
لاصار كل العرب ضدي = والخل صاير علي ضد
ماظن بلقى أحد عندي = يساير الجد وقت الجد
( 6 )
راجعت جملة حساباتي = وصفيت كل الذي قد صار
لقيت همي ومعاناتي = ناتج حسابي وزود أمرار[/poem]

http://www.alhejaz.net/masa/gmaish.10.jpg

[poem=font="Simplified Arabic,6,darkblue,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]

زهرات وخواطر
عبد الإله الشريف
( 1 )

غاب الفرح عن نواحينا=آلام تاتي وراها آلام
ماظن الأفراح تاتينا=حتى إن سعينا لها قدام
( 2 )
سلَّمت قلبي لقاضي الود=بلكن يفكَّه من الظَّلام
أثريه قايم عليه الحد=صدَّر قرار الحكم بإعدام
( 3 )
آنا وخلي قطعنا عهد=نبقى سوى فالعسر واللين
نسقي بعضنا مزون وشهد=ونعيش قصة غرام إثنين
( 4 )
لاتظن دنياك دايمالك=إنت وغيرك ترى فاني
كبّْ الخطا وإحسن أعمالك=ماعاد باقي عمر ثاني
( 5 )
يامصعب الروح حين تروح=وتفارق أجساد مجروحة
تبقى جسد مافوسطه روح=جثة على الأرض مطروحة
( 6 )
من لاحسب للأمور حساب=ولا درى عن عواقبها
يوقع في بلواتها ويصاب=وماتنوبه إلا مصايبها

[/poem]



http://www.alhejaz.net/masa/gmaish.17.jpg




[poem=font="Simplified Arabic,6,darkblue,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/20.gif" border="none,4," type=0 line=0 align=center use=ex num="0,black"]


زهرات وخواطر
فارس الكسرة
الشاعر / أيمن أبو غمري
( 1 )
لجل ايش نعتب على الايام = النفس منها مأسيها
منه يسب الزمن ينلام = والعين ماشي يرضيها
( 2 )
الحب حرفين فى كلمه = ليها معانى تهدى خصوم
واهل المثل قالوا يا نقمه = أو نعمه يهنابها المحروم
( 3 )
لا ياوليفي تعال وشوف = وش حالتى ياوفي بعدك
اكيد لا شفتنى بتروف = وترقلى لا طرى بُعدك
( 4 )
على صدى صوتك الجذاب = بارسم احاسيس واكتبها
مايلام منهو فؤاده ذاب = روحي والاشواق واهبها
ولا يحسب محبهم كذاب = اجناس رافض يخاطبها
محب دمعه على الاهذاب = عيونه الشوق متعبها
وردك لنا بارصده فى كتاب = واجيب خطاط يكتبها
اما نهر ودكم ينساب = ولا محبتك اشطبها
( 5 )
يكفي من الظلم ماشُفنا=لاتزودون الهموم هموم
كل شي فالدائره عُفنا=حتى جفانا لذيذ النوم


[/poem]

أمسية ثول : كانت فرصة لي أن أطلع على لحن دار بين الثنائي
فريد أبومديدة وعبدالإله الشريف

[poem=font="Simplified Arabic,6,white,bold,italic" bkcolor="darkblue" bkimage="" border="none,4," type=0 line=0 align=center use=ex num="0,black"]
فريد
سلام مثل العسل لاصـــــبّْ=من منحله والطعم حالــــي
للي لهم فالموافــــــى درب=ومقدارهم فالحشا عالــــي
عبد الإله
ترحيب نهجه على المطلب=من راعي الجود للغالـــــي
من قافكم نحصد المكســب=ومن حرفكم ينشرح بالــي
فريد
تبقون في حزَّة المغـــــرب=والبال من همُّهم خالــــــي
والآن هات الذي قِد غــــبّْ=لجله مكدِّر صفا حالـــــــي
عبد الإله
لاشكّْ حالك ترى يصعـــــب=لاصرت فالموضع الحالــي
وإن كِنت فحلولنا ترغــــب=وضِّح معانيك بإجمالــــــي
فريد
يوم المقدَّر علينا طــــــــبّْ=وأنا أحمِد الخالق العالــــي
لكن صديقي الذي للجَنْـــب=قفَّى وخابت به آمالــــــــي
عبد الإله
اتعيش دامك حمدْت الـربِّ=على الذي جاك من فالـــي
كثير مثلك بشر تنشـــــــب=في عشرة أرذال وأنذالـــي
وإن كان خيَّك نّحى وجنَّـب=وخلاَّك في أصعب أحوالـي
عاديه وإعلن عليه الحرب=ولا يهمَّك الجاي والتالـــي
[/poem]



http://www.alhejaz.net/masa/gmaish.22.jpg
الشاعر / طارق القاضي
مع الشاعر قميش القريقري والشاعر راجح الجحدلي




http://www.alhejaz.net/masa/gmaish.21.jpg
فارس الكسرة الشاعر /أيمن أبو غمري
يتلقى التهنئة من الشاعر قميش بمناسبة فوزه بلقب فارس الكسرة

http://www.alhejaz.net/masa/mofas1.jpg

[frame="10 80"]
و بإسمي
من منتدى المجالس الينبعاوية
ومن الأخوان : علي أبونورة وفيصل فران
وطارق القاضي وأيمن أبو غمري
وفريد أبومديدة وعبدالإله الشريف

نتقدم بالشكر لكل من
العم/ عبدالعزيز الجحدلي ( أبو علي )
والإخوة / علي وعادل وسلطان عبدالعزيز الجحدلي
والأخ / معتق المطرفي ( أبوصالح )
وللإخوة الشعراء
ولكل من حضر هذه الأمسية من أهل ثول أهل الكرم والجود
ولايفوتني أن أشكر صديق الجميع ومهندس اللقاء
الأخ / موفق المطرفي وإخوانه الأعزاء
على حسن الإستقبال وكرم الضيافة
وما بذلوه من جهد في خدمتنا
لهم التحية والتقدير مني ومن جميع الحاضرين
وعقبال مانخدمهم في الأفراح إن شاء الله[/frame]

الحقيقة شئ مفرح وجميل ما يقدم لنا من اشياء هي في الحقيقة تثلج الصدر وتجعلنا
نقول ونعيد ونزيد ونثني ونعجب بكم يارجال منتدانا الغالي هنا تبان السمعة الطيبة لهولاء الرجال الاجلاء الذين
في الحقيقة لن يلو جهدهم في ابراز كل الخطوات التي يقصد بها اولاً واخيراً التطوير لما وصل اليه منتدى المجالس
أن حضوركم ووصولكم لقلوب أبناء ثول وقبل ذلك بقية بعض المدن والقرى والهجر التي طفتم بها هو التميز بذاته وهنا التعريف الحقيقي لكل وجهة وخطوى القصد منها ابراز الوجه الحقيقي لهذا المنتدى لقد أثبتم للجميع أنكم تسيرون بخطى ثابته
وناجحة تشكرون عليها وهنا نضع ايدينا بإيديكم ونقول لكم سيروا والله يرعاكم والكل معكم وكل اسبوع الحقيقة نتفأجئ بشئ جديد وهذه عادتكم فلكم منا التحية والتقدير والاعجاب 000
التحية لكم أخي محمد عباس 00 التحية لكل من رافقكم في هذه الرحلة التحية لكل من شارك في تلك الامسية التحية الكبرى لكل العاملين في الخفاء والذين لاهم لهم سوى ابراز كل جديد لمنتدى المجالس 00000



اخيكم 000 محمد علاقي 000 جدة

[poem=font="Simplified Arabic,6,black,bold,italic" bkcolor="sandybrown" bkimage="" border="none,4," type=0 line=0 align=center use=ex num="0,black"]
اهنّي المجالس بابوياسر = واللي معه من رفاق الدرب
مجهود رايع ومتياسر = لإجل المثل قدموه لحرب
،[/poem]،
ملاحظة ارجو مراجعة الكسرة اللتي بين الأستاذ فيصل فران والعم القريشي لتعديلها وللجميع تحياتي

امسيه رائعه بوجود اهل الادب والكرم وتذكرت الموال الشهير الذى احبه سماعه دائما وهو

[poem=font="Simplified Arabic,6,white,normal,italic" bkcolor="indigo" bkimage="" border="ridge,10,burlywood" type=2 line=0 align=center use=ex num="0,black"]
تحيا بكم كل أرض تنزلون بها=كأنكم عند وقع الأرض أمطار
وتشتهي العين فيكم منظرا حسنا=كأنكم في ظلام الليل أقمــــار[/poem]

والف شكر لمهندس اللقاء ومخرجه الاخ العزيز محمد عباس الانصارى كما اشكره على صورة الغالي ابوعبدالله والغالي طارق قاضي وكم كنت اتمنى ان اكون معهما وفق الله الجميع لما يحب ويرضى والمره هذه عديتها يابو ياسر لكن المره الجايه با امر الله لن اعديها اخوكم العمده

تسجيل حضور

ولى عوده اخرى

محبكم : ابن عاطى

الى الامام يامنتدي الخير بقيادة( ابوسفيان ، أبورامي ، ابوياسر )
والقائمين على المنتدي وفق الله الجميع لمايحبة ويرضاه

شكرا أخي
المشرف العام أبو ياسر
لاشك أنها فرصة غالية أمتعتونا من خلالها بالجميل من القول
إجتمع به على المحبه شعراء من ينبع وثول وجده
بيض الله وجه المعازيب
تحيتي لكم جميعا

[poem=font="Simplified Arabic,6,white,bold,normal" bkcolor="darkred" bkimage="" border="double,7," type=1 line=0 align=center use=ex num="0,black"]
توثيق يستاهل التمجيد=من ناس فالقيل مشهورة
وحنا بهذا الكلام نشيد =مشكور ياموثق الصورة[/poem]

ما شاء الله عليك يا ابو ياسر
متواجد دائما في كل المناسبات
بس لي عتب عليك
توصل ثول وما تعزم حبايبك اللي في جدة
فكم نحن نتمنى ان نلتقي في مثل هذه المناسبات
ولا كنت ناوي تأكل سمك لوحدك
حسب علمي سمك ثول لا يعلى عليه
بس انا عرفت العشاء كان من اللحم السمين
عموماً
تحياتي لك ولكل من كان في هذه الأمسية الرائعة