(**من مدرسة أبوفياض**)

[align=center]اخي الحبيب الشاعر / ناصر المحياوي

اشكرك على اتاحة هذه الفرصة , وجمّل الله حالك يالغالي :

وهذه خلاصة اللحن :[/align]
[poet font="Simplified Arabic,5,black,bold,normal" bkcolor="burlywood" bkimage="" border="double,4,red" type=0 line=200% align=center use=ex length=0 char="" num="0,black" filter=""]
الكاظم
اشوف الأمل في سماه بروق=وماضيع الله سعـو ساعـي
سلام شوقه حصيلة شـوق=لمعالِج القلـب واوجاعـي
الشاعر/ ناصر المحياوي
شوق الأمل فالمعالي فـوق=ومجهود الإخلاص ماضاعي
ترحيب ياطيـب المنطـوق=وانا لكم مصغي أسماعـي
الكاظم
لي جرح وسط الحشا في طوق=معزول في داخـل اضلاعـي
وش الـذي للعليـل يـلـوق=مـادام الامــال اطمـاعـي
الشاعر/ناصر المحياوي
ماحكم على قلبك المحروق=ولا قـول كلمـة بلاداعـي
من قبل صفو المعاني يروق=وتبان لي كـل الأوضاعـي
الكاظم
لاصرت عاشق وهومعشـوق=وآنـا الـذي فيـه ملتاعـي
من وين أبلقى لشمسي شروق=لاصـار دونـه قصـر باعـي
الشاعر/ناصر المحياوي
لوكان ساس البناء موثوق=وكل خطـوة لهـا واعـي
ماكان يحصل خلل وفروق=وتصبح من السفح فالقاعي
الكاظم
أمّلت فيـك الرجـا مسبـوق=وماأخترت غيرك هوا شراعي
لاتزيد فوق الحروق حـروق=وتطشني في عنـا صراعـي
لوقلت مالـي عليـه حقـوق=كان الأمـر خـارج طواعـي
لكن حياتي الشقي في اخفوق=ومين الـذي لجلـه يراعـي
الشاعر/ناصر المحياوي
سقنا جزيل المعاني سوق=ومن شأنكم جيت فزاعي
اسوقها مثل سوق النوق=عارف نزولي ومطلاعي
والشربه اللي تبل حلوق=يفرح بها السبع والراعي
ولياحصل فالدروب فتوق=أشرب من العد بذراعـي
ويصحابنا سامحونا
[/poet]