أعزائي الكرام .. السلام عليكم ورحمة الله وبركاته
أتشرف بأن تكون قصيدتي في صفحات المجالس الينبعاوية حبا وتقديرا لمجلسنا الكريم وأعضائه الكرام بعد أن تشرفت بإلقائها في حفل منطقة تبوك يوم الثلاثاء 5 محرم 1431 هـ أمام سيدي صاحب السمو الملكي / الأمير فهد بن سلطان أمير منطقة تبوك والمواطنين والزملاء الكرام " بمناسبة شفاء وعودة سيدي ولي العهد إلى أرض الوطن سالما معافا ولله الحمد والشكر "
[poem=font="Simplified Arabic,6,firebrick,bold,normal" bkcolor="silver" bkimage="" border="double,4,darkred" type=2 line=0 align=center use=ex num="0,black""]
يا مرحبا عدّ القوافي والنسيب=باميرنا عالي المعالي والجناب
فهد المسمى باسم لا يمكن يغيب=صفوة ملوك الخير والمجد المهاب
شرّفتنا بالطيب والنّهج الأديب= بك منطقتنا شامخة فوق الضباب
يا سيدي قرّت عيونك يا العريب= في عودة المحبوب من بعد الغياب
اشتاقت الدار الحبيبة للحبيب=عوداً حميداً للوطن أجمل إياب
الحاتمي الجود هدّاج القليب= الفيصلي العلم والرأي الصواب
اللي كساه الله فوق الطيب طيب=طابت به الدنيا وطاب الحب طاب
من مثل أبو خالد له الحب الرهيب=من شعب أبو متعب وحلاّل الصعاب
حبّه سكن بقلوبنا عذبٍ عذيب=من فاطر السبع السموات العجاب
حبّ العرب للشهم والقرم الأريب=اللي لهيبة طلته تُثنى الرّكاب
الصارم البتّار والريح الأزيب=الناقي اللي مثل هتّان السحاب
اللي نعدّه من بعيد ومن قريب=أعظم رجاجيل العرب شيبٍ وشاب
يكفي تواضع سيدي رغم الطبيب=أوصاه من زود الوفاء زار المصاب
نعم الوفاء يا صاحب الصدر الرحيب=من فيه مثلك بالصبر والاحتساب
أيوب وقتك فاهم الوقت العجيب=سلمان جنبك وابتسامتكم طياب
أجرك على مولاك يا القلب المنيب=لله في ثوب المرض أحلى الثياب
بالصبر عدّيت الصعاب اللي يشيب =البدر منها تسأل الله الثواب
شعبك يا بو خالد وجيشك والرقيب=سهيل ونجوم الكواكب والشهاب
والكعبة الغراء ومسجده الحبيب=والراية الخضراء وسورك والحجاب
والأمة العليا بشرقه والمغيب=ملوك وشيوخ العروبة والصحاب
الكل منهم يسأل الله المجيب=يشفيك يا معتق كسيرات الرقاب
والحمد لك يا الله يا نعم الطبيب=شافيت أبو خالد وفرّحت الشباب
اللي بغربتهم وعلّمت المريب=كيف الكرام تجود في عز الطِلاب
فضلك على الطُلاب والعلم الخصيب=عظيم في نيل المعارف والكتاب
فضلك على جند الوطن ما هو غريب=يمين أبو متعب وسيفه والنصاب
في طاعة الله ثم أبو متعب مجيب=تفداه في روحك ومصقول الجواب
ما قلت له في يوم لا عقلٍ لبيب=أُعطيتم الحكمة ونعم الانتساب
يا رجال أبو تركي لكم مجدٍ مهيب =شمسه على كل الفيافي والهضاب
بالكون كله صيتكم صيتٍ نجيب=في رفعة الإسلام والخيل العراب
يا نصرة الإسلام والأقصى السليب=من عهد أبو تركي لكم أعظم خطاب
الصدق مبداكم ولا يمكن يخيب=يشهد على أفضالكم مليار باب
ضيفٍ يطوف البيت ولسانه رطيب=في أمن واطمئنان مكفول الزهاب
مقصودكم رب السموات القريب=واللي مع الرحمن بالعيش اللباب
الأمن والخيرات حظه والنصيب=والحب والتقدير في كل الشعاب
درع الوطن والسيف في نحر الحريب=اللي تسلل حدنا يلقى العقاب
نصلاه بالنيران ونشب الشعيب=ونردّ له بالصدر شلفات الحراب
عاداتنا عادات فيصل يا الغريب=يا نازح حدود الوطن ذوق العذاب
( قولوا لنزّاح الحدود )* أمرك عجيب=طحت بجهنم من قبل يوم الحساب
عاداتنا قشع الضلالة والصليب=( والطير نرمي له عشاه )* ولا نهاب
ما نحسب إلا حساب خالقنا الحسيب=ما نعتدي والمعتدي يمسي خراب
استبشري يا مملكتنا نستجيب=لو شبر واحد أمر أبو متعب مجاب
بالله ثم سلطان رميتنا تصيب=والنائب الثاني وجند أعظم رحاب
ضارين في خوض المعارك والصعيب=نفداك بالأرواح يا أطهر تراب
وختامها صلوا على محمد تطيب=أرواحنا وأحلامنا ما هي سراب
[/poem]
* عن أبي عقيل الظاهري أن من أشعار جلالة الملك فيصل طيّب الله ثراه
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قولوا لنزّاح الحدود =عن حدنا ينزح وراه
عاداتنا قشّع العمود =والطير نرمي له عشاه
[/poem]
تقبلوا خالص التحية والتقدير .. أبو محسن
